ខេត្តប៉ៃលិន ៖ បច្ចុប្បន្ន គេសង្កេតឃើញ សន្ទុះនៃក្រុមហ៊ុនអចលនទ្រព្យ ដែលធ្វើការវិនិយោគនៅលើទឹកដីនៃប្រទេសកម្ពុជា កាន់តែរីកដុះដាល យ៉ាងច្រើនគួរឱ្យកត់សម្គាល់ ជាក់ស្តែងមានក្រុមហ៊ុនអចលនទ្រព្យដ៏ល្បីមួយ ឈ្មោះ «អ៊ីណារីតាឌីវេឡុបម៉ិន» កំពុងតែទាក់ទាញចំណាប់អារម្មណ៍ប្រជាពល រដ្ឋផ្នែកវិស័យនេះ ដែលមានស្នាក់ការនៅក្នុងរាជធានីភ្នំពេញ និងខេត្តសៀមរាប ក៏នឹងឈានដល់បង្កើត គ្រប់ខេត្តក្រុងផងដែរ ។
រហូតមកដល់វេលាម៉ោង៥ និង៣០នាទីល្ងាចថ្ងៃទី១៨ ខែឧសភា ឆ្នាំ២០១៩នេះ អគ្គនាយកក្រុមហ៊ុន បានដឹកនាំក្រុមការងារចុះជួបសំណេះសំណាលផ្សព្វផ្សាយ និងហូបអាហារសាមគ្គីជាមួយប្រ ជាពលរដ្ឋចំនួន៣៥០នាក់ នៅក្នុងភោជនីយដ្ឋាន រមណីយដ្ឋានមេម៉ូរីយ៉ាផាឡែស ក្នុងសង្កាត់បរយ៉ាខា ក្រុងប៉ៃលិន ។
ប្រភពព័ត៌មានពីលោក ឡឹក ប៊ុនថន ប្រធានសម្របសម្រួលផ្នែកទីផ្សារថ្នាក់ជាតិ និងអន្តរជាតិរបស់ក្រុមហ៊ុនអ៊ីណារីតាឌីវេឡុបម៉ិន បានឱ្យដឹងថា ក្រុមហ៊ុនរបស់លោក បានដឹកនាំដោយលោក ឌីម សួនណាត ជាអគ្គនាយកក្រុមហ៊ុនអចលនទ្រព្យមួយនេះ ហើយមានស្នាក់ការនៅក្នុងរាជធានីភ្នំពេញចំនួ ន៣កន្លែង និងនៅក្នុងខេត្តសៀមរាប១កន្លែង ។ លោកបន្តទៀតថា ក្រុមហ៊ុនរបស់លោកកំពុងរៀបចំដី ឡូតិ៍បង់រំលស់នៅក្នុងរាជធានីភ្នំពេញ ហើយបន្តរហូតដល់ភូមិបាត់ដឹង ក្រវ៉ាត់ក្រុងកំពង់ស្ពឺ ខេត្តកំពង់ស្ពឺ នៅក្បែររមណីយដ្ឋានត្រូវកុដ ខេត្តសៀមរាប និងមានគម្រោងបង្កើតកន្លែងដីឡូតិ៍បង់រំលស់គ្រប់ខេត្តក្រុ ង ក្នុងប្រទេសកម្ពុជាផងដែរ ។ លោកបញ្ជាក់ថា ដោយឡែកនៅក្នុងក្រុងប៉ៃលិន លោកអគ្គនាយក បាន អញ្ជើញប្រជាពលរដ្ឋចំនួន៣៥០នាក់ឱ្យចូលរួមទទួលទានអាហារសាមគ្គី នាឱកាសផ្សព្វផ្សាយពីគម្រោ ងអចលនទ្រព្យដ៏ពេញនិយមមួយនេះ ។ លើសពីនេះ ក្រុមហ៊ុនអចលនទ្រព្យមានជាច្រើនផ្នែក ដូចជា ផ្នែកវិនិយោគ បើកហាងកាហ្វេ ផ្នែកវិស័យអប់រំក្រៅប្រព័ន្ធ ផ្នែកដីឡូតិ៍ បង្កើតរោងចក្រផលិតទឹកសុទ្ធ និងផ្នែកវិស័យកីឡាផងដែរ ។
លោកបញ្ជាក់បន្ថែមទៀតថា នៅក្នុងក្រុងប៉ៃលិន ខេត្តប៉ៃលិន ក្រុមហ៊ុនអ៊ីណារីតា នឹងរៀបចំធ្វើការិយាល័យអចលនទ្រព្យ នៅថ្ងៃខាងមុខបន្តទៀតដែរ ព្រោះមិនត្រឹមតែប្រជាពលរដ្ឋចាប់អារម្មណ៍ប៉ុណ្ណោះទេ សូម្បីតែសិល្ប:ករសិល្ប:ការិនីមួយចំនួនក៏ចូលរួមការងារ និងផ្សព្វផ្សាយនៅតាមខេត្តនានា ផងដែរ ៕
