ខេត្តព្រះសីហនុ ៖ បង្គាមានលាយសារធាតុគីមីនាំចូលពីវៀតណាមតាមច្រកព្រែកចាកកំពតមកលក់ឲ្យខ្មែរហូបសំណាងដែរត្រូវបានសាខាកាំកុងត្រូលខេត្តព្រះសីហនុបង្ក្រាប នៅព្រឹកថ្ងៃសៅរ៍ ទី២៧ ខែមេសា ឆ្នាំ២០១៩នេះ។
លោកនៅតុនអនុប្រធានសាខាកាំកុងត្រូលខេត្តព្រះសីហនុ ឱ្យដឹងថា មន្ត្រីកាំកុងត្រូលសហកាជាមួយកម្លាំងនគរបាលប្រឆាំងបទល្មើសសេដ្ឋកិច្ច នៃស្នងការដ្ឋានខេត្តព្រះសីហនុ បានចាប់ឃាត់រថយន្តមួយគ្រឿង ដឹកបង្គាស្រស់ចំនួន ៤៥កេះ មានទម្ងន់ ៩០០គីឡូ ក្រាម មានសារធាតុគីមីហាមឃាត់ ដែលឈ្មួញនាំចូលពីប្រទេសវៀតណាម ចូលតាមច្រកព្រំដែនកម្ពុជា-វៀតណាម ច្រកព្រែកចាក ខេត្តកំពត។
បន្ទាប់ពី បានធ្វើវិភាគ ពិនិត្យឃើញថាបង្គាទាំងនេះមានដាក់លាយសារធាតុគីមី មានសណ្ឋាន ដូចចាហ៊ួយ ត្រូវម្ចាស់ទំនិញដាក់លាយនៅក្នុងបង្គាស្រស់ទាំងនោះសមត្តកិច្ចបានយកទៅដុតកម្ទេចចោលភ្លាមៗ។គេមិនដឹងថាតើមន្ត្រីគយនិងនគរបាលច្រកទ្វារព្រែកចាកបានសំណូកប៉ុន្មានពីឈ្មួញទេបានជាបើកឲ្យនាំចូលដោយមិនពិនិត្យលិខិតស្នាមចឹងនោះ។
ទោះជាយ៉ាងណាមន្ត្រីជំនាញ បានត្រឹមតែតម្រូវឱ្យម្ចាស់រថយន្តដឹកបង្គា និងជាតំណាងឱ្យម្ចាស់ទំនិញ ធ្វើកិច្ចសន្យាបញ្ឈប់នាំចូលបង្គា មានសារធាតុគីមីទាំងនោះ នាថ្ងៃខាងមុខទៀតតែប៉ុណ្ណោះ។
សូមរំលឹកថាសម្តេចក្រឡាហោមសខេងកាលពីចូលរួមដុតកំទេចទំនិញក្លែងក្លាយបានប្រកាសថាសម្តេចនឹងមុនចូលរួមឡើយបើលើក្រោយចាប់អ្នកនាំចូលមកផ្តន្ទាទោសមិនបាន៕
