(ព្រៃវែង)÷រសៀលថ្ងៃទី២៥ ខែមីនា ឆ្នាំ២០២៦ឯកឧត្តម សួន សុម៉ាលីន និងឯកឧត្តមសន្តិបណ្ឌិត ចាន់ អ៊ាន រដ្ឋលេខាធិការ ក្រសួងមហាផ្ទៃ និងជាប្រធានក្រុមការងារត្រួតពិនិត្យ និងជំរុញការអនុវត្តគោលនយោបាយ ភូមិ ឃុំ សង្កាត់មានសុវត្ថិភាពខេត្តព្រៃវែង បានអញ្ជើញជាអធិបតីកិច្ចប្រជុំបូកសរុបលទ្ធផលការងារភូមិ ឃុំ សង្កាត់មានសុវត្ថិភាពប្រចាំឆ្នាំ២០២៥ និងលើកទិសដៅការងារឆ្នាំ២០២៦ និងប្រគល់ប័ណ្ណសរសើរ-ថវិកាជូនរដ្ឋបាលឃុំ សង្កាត់ និងប៉ុស្តិ៍រដ្ឋបាលឃុំ សង្កាត់ ដែលមានស្នាដៃល្អក្នុងការអនុវត្តគោលនយោបាយភូមិ-ឃុំ-សង្កាត់មានសុវត្ថិភាព នៅក្នុងខេត្តព្រៃវែង ដែលពិធីនេះប្រារព្ធធ្វើឡើងនៅសាលប្រជុំធំ «A» សាលាខេត្តព្រៃវែង។
ក្នុងឱកាសដ៏ថ្លៃថ្លានេះដែរ ខ្ញុំបាទ និងឯកឧត្តមសន្តិបណ្ឌិត ចាន់ អ៊ាន បានប្រគល់នូវប័ណ្ណសរសើរ-ថវិកា សម្រាប់លើកទឹកចិត្តជូនដល់រដ្ឋបាលឃុំ សង្កាត់ និងប៉ុស្តិ៍រដ្ឋបាលឃុំ សង្កាត់ ដែលទទួលបានជ័យលាភីក្នុងការប្រឡងប្រណាំងក្នុងកិច្ចការងារ ភូមិ-ឃុំ សង្កាត់មានសុវត្ថិភាព ដែលបានខិតខំប្រឹងប្រែងបំពេញតួនាទី ភារកិច្ច ទទួលបានលទ្ធផលល្អប្រសើរកន្លងមកនេះ។ ថវិកាទទួលបានរួមដូចខាងក្រោម៖
– ជ័យលាភីលេខ១ មានចំនួន ១១២ឃុំ សង្កាត់ (១១២x១,០០០,០០០) = ១១២,០០០,០០០ រៀល
– ជ័យលាភីលេខ២ មានចំនួន ៤ឃុំ សង្កាត់ (៤x៦៥០,០០០) = ២,៦០០,០០០ រៀល
សរុបថវិការួមចំនួន១១៤,៦០០,០០០ រៀល
ពិធីនេះដែរក៏មានការអញ្ជើញចូលរួមពី៖ ឯកឧត្តម ប្រតិភូអមដំណើរ តំណាងឯកឧត្តម ប្រធានសាលាដំបូងខេត្ត តំណាងឯកឧត្តម ព្រះរាជអាជ្ញាអមសាលាដំបូងខេត្ត ឯកឧត្តម អភិបាលរងខេត្ត លោក លោកស្រី នាយក នាយករងរដ្ឋបាលសាលាខេត្ត លោកមេបញ្ជាការកងកម្លាំងទាំងបីខេត្ត ប្រធានអង្គភាពពន្ធនាគារខេត្ត លោក លោកស្រី ប្រធានមន្ទីរ-អង្គភាពជុំវិញខេត្ត នាយកទីចាត់ការ ប្រធានអង្គភាព ប្រផ្នែកចំណុះសាលាខេត្ត អភិបាលក្រុង ស្រុកទាំង១៣ នាយករដ្ឋបាលសាលាក្រុង ស្រុកទាំង១៣ អធិការនគរបាលក្រុង ស្រុក មេបញ្ជាការកងរាជអាវុធហត្ថក្រុង ស្រុក មេបញ្ជាការផ្នែកសឹករងក្រុង ស្រុក មេឃុំ ចៅសង្កាត់ នាយប៉ុស្តិ៍នគរបាលរដ្ឋបាលឃុំ សង្កាត់ ស្មៀនឃុំ សង្កាត់ សរុបចំនួន ៤៧៧ រូប៕
