តាមការចង្អុលបង្ហាញរបស់លោក ជា ខេមា អភិបាល នៃគណៈអភិបាលខណ្ឌដូនពេញ…..

នាថ្ងៃអង្គារ ៦កេីត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៤ ខែមីនា ឆ្នាំ២០២៦ កម្លាំងគណៈបញ្ជាការឯកភាពរដ្ឋបាលខណ្ឌដូនពេញ ដឹកនាំដោយ លោក កៅ សារ៉ាវុធ អភិបាលរង នៃគណ:អភិបាលខណ្ឌដូនពេញ បានចុះត្រួតពិនិត្យរដ្ឋបាលតាមមូលដ្ឋានអាជីវកម្ម ភោជនីយដ្ឋាន​ អាហារដ្ឋាន​ទេសចរណ៍ ​(បារបារាំង)​ និង​រៀបចំសណ្តាប់ធ្នាប់របៀបរៀបរយសាធារណៈនៅតាមបណ្តោយផ្លូវលេខ១១០ ផ្លូវលេខ១១៨ផ្លូវលេខ១៣០ និងផ្លូវលេខ១៣៦ ចាប់ពីកំណាត់ផ្លូវលេខ១៣ ដល់តិរវិថីព្រះស៊ីសុវត្ថិ ក្នុងសង្កាត់ផ្សារកណ្ដាលទី១ និងសង្កាត់វត្តភ្នំ ខណ្ឌដូនពេញ រាជធានីភ្នំពេញ។​
👉ជាលទ្ធផល÷
-ក្រុម​ការងារ​ចម្រុះបាន​ ចុះអនុវត្តវិធានការរដ្ឋបាលលេីផ្លូវលេខ១១០ចាប់ពីតិរវិថីព្រះស៊ីសុវត្ថិ​ ដល់ផ្លូវលេខ១៣​ ដោយបានរៀបចំរុះរេីចេញ​ សម្ភារៈផ្សេងៗដែលដាក់តាំងរំលោភចឹញ្ចេីមផ្លូវ​ និង​បាញ់​លាងសម្អាតយ៉ាងស្អាត
-ក្រុម​ការងារ​ បាន​ពិនិត្យ​ឃើញ​ថា​មាន​ម្ចាស់​លំនៅដ្ឋាន​ ម្ចាស់អាជីវកម្មនៅលេីដងផ្លូវលេខ១១០នេះបានចូលរួមសហការជាមួយក្រុមការងារដោយរលូន​
-ក្រុម​ការងារ​ បាន​រៀបចំ​បាញ់​ថ្នាំ​ ជាស្លាកសញ្ញាសំគាល់​ ផ្លូវ​សម្រាប់​ថ្មេីរជេីង​ យ៉ាង​ស្អាត​ លេីចឹញ្ចេីមផ្លូវលេខ១១០ សងខាង​ បានរួចរាល់។
👉ក្រុមការងារបានណែនាំដូចខាងក្រោម៖
-ប្រគល់ជូនគណៈបញ្ជាការឯកភាពរដ្ឋបាលសង្កាត់ផ្សារកណ្ដាលទី១ និងសង្កាត់វត្តភ្នំ បន្តពិនិត្យតាមដាន និងរក្សាលទ្ធផលការងាររៀបចំសណ្តាប់ធ្នាប់របៀបរៀបរយសាធារណៈនៅតាមផ្លូវទាំង៤ខាងលើ ក្នុងស្មារតីម្ចាស់ការ និងសហការគ្នា ។ ក្នុងករណី មានបញ្ហាប្រឈម ត្រូវរាយការណ៍ជូន លោកប្រធានក្រុមការងារដឹកនាំបន្ត
-ហាមចតមធ្យោបាយ យានជំនិះគ្រប់ប្រភេទរំលោភស្លាកសញ្ញាចរាចរណ៍កំណត់ដែលដាក់តាំងលេីដងផ្លូវខាងលេី
-ម្ចាស់លំនៅដ្ឋាន ម្ចាស់អាជីវកម្មទាំងអស់ ត្រូវចូលរួមសហការជាមួយអាជ្ញាធរមានសមត្ថកិច្ច ថែរក្សាសណ្តាប់ធ្នាប់របៀបរៀបរយសាធារណៈនៅតាមផ្លូវទាំង៤ខាងលើដែលរៀចំបានស្អាតនេះ ក្នុងស្មារតីទទួលខុសត្រូវ ជាប្រយោជន៍សាធារណៈ សម្រាប់ផ្លូវថ្មើរជើង ភ្ញៀវទេសចរណ៍ និងសោភ័ណភាពទីក្រុង។
-ម្ចាស់អាជីវកម្ម ត្រូវរៀបចំស្លាកយីហោរបស់ខ្លួន ដោយមានអក្សរខ្មែរនៅពីលេីធំជាងអក្សរបរទេស និងប្រើប្រាស់ពាក្យពេជន៍ឲ្យបានត្រឹមត្រូវសមរម្យ ស្របតាមសេចក្តីណែនាំរបស់ក្រសួងវប្បធម៌និងវិចិត្រសិល្បៈ និងរដ្ឋបាលរាជធានីភ្នំពេញ៕