ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
កម្លាំងក្រុមអន្តរាគមន៍ បង្ការ បង្ក្រប សហការជាមួយកម្លាំងអធិការដ្ឋាន នគរបាលក្រុងបាត់ដំបង ចុះប្រតិបត្តិការ បង្ក្រាប ករណី លួចដោយប្រើហិង្សា និងបង្ខាំងជនរងគ្រោះ នៅក្នុងផ្ទះសំណាក់... ==> អាវុធហត្ថរាជធានីភ្នំពេញ បញ្ចប់បេសកកម្មចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូន ថ្នាក់ដឹកនាំជាតិ-អន្តរជាតិ អញ្ជើញចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ដោយជោគជ័យ! ==> ឯកឧត្តមអភិសន្តិបណ្ឌិត ស សុខា បង្ហើបពីការរកឃើញមន្រ្តីនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ ==> អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួនបុរសបែកថ្នាំម្នាក់កាន់កាំបិតប៉័ងតោគំរាមកំហែងបង្កការភ័យខ្លាចដល់ប្រជាពលរដ្ឋ! ==> ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវកាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ កន្លងទៅនេះ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិ សរុបប្រមាណជិត ៣លាននាក់ ដែលបានអញ្ជើញមកកម្សាន្ត និងទស្សនាសមិទ្ធផលទេសចរណ៍ ដ៏ទាក់ទាញថ្មីនេះ។ ==> ក្រសួងរៀបចំដែនដី និងរដ្ឋបាលខេត្តស្វាយរៀង រៀបចំសិក្ខាសាលាបំពាក់បំប៉នសមត្ថភាព ស្តីពី «ការងាររៀបចំដែនដី និងនគរូបនីយកម្ម» ដើម្បីជំរុញការអភិវឌ្ឍន៍ ==> ព្រះរាជសុន្ទរកថាទាំងស្រុងរបស់ ព្រះមហាក្សត្រកម្ពុជា ឱកាសយាងបើកកិច្ចប្រជុំកំពូលហ្វ្រង់កូហ្វូនីលើកទី២០ ដែលជាកិច្ចប្រជុំលើកដំបូងនៅកម្ពុជា ==> ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង ==> សូមស្វាគមន៍ ឯកឧត្តម To Lam ប្រធានរដ្ឋវៀតណាម មកកាន់ព្រះរាជាណាចក្រកម្ពុជា ក្នុងឱកាសចូលរួមកិច្ចប្រជុំកំពូលហ្វ្រង់កូហ្វូនី លើកទី២០ ==> អង្គការយូណេស្កូបន្តគាំទ្រ និងផ្ដល់ជំនួយដល់​កម្ពុជា លើការអភិរក្សបេតិកភណ្ឌវប្បធម៌

ខ្ញុំជឿជាក់ ១០០% ថា ឯកឧត្តមអភិសន្តិបណ្ឌិត ស សុខា មិនជាប់ពាក់ព័ន្ធនឹងអំពើខុសច្បាប់ ដូចការចោទប្រកាន់ទេ

ខ្ញុំជឿជាក់ ១០០% ថា ឯកឧត្តមអភិសន្តិបណ្ឌិត ស សុខា មិនជាប់ពាក់ព័ន្ធនឹងអំពើខុសច្បាប់ ដូចការចោទប្រកាន់ទេ

​ដោយ ៖ គេហទំព័រ «កម្ពុជាអភិវឌ្ឍន៍ | Aphiwat Kampuchea» |

http://kehaktompor-aphivatkampuchea.com.kh

Tel: 077 79 79 52 / 088 77 97 952 | WhatsApp: 012 58 04 55

ក្នុងនាមជាសមាជិកក្រុមការងារម្នាក់ ដែលបានស្គាល់ និងបម្រើការងារជាច្រើនឆ្នាំជូនឯកឧត្តមអភិសន្តិបណ្ឌិតស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ខ្ញុំ ទូច វណ្ណៈ ក៏ដូចជាសមាជិក សមាជិកាក្រុមការងារទាំងអស់នៅក្រោមការដឹកនាំរបស់ឯកឧត្តម ជឿជាក់ថា ឯកឧត្តម មិនមានជាប់ពាក់ព័ន្ធនឹងអាជីវកម្មខុសច្បាប់ណាមួយ ពិសេសករណីធនាគារព្រីសន៍ និងអ្នកឧកញ៉ា ចេន ហ្ស៊ី រួមទាំងអាជីវកម្មកាស៊ីណូ ជីន ប៉ី នៅក្រុងព្រះសីហនុ ខេត្តព្រះសីហនុ ដូចការចោទប្រកាន់ពីបណ្តាញផ្សព្វផ្សាយបរទេសខ្លះ និងក្រុមប្រឆាំងជ្រុលនិយមក្រៅប្រទេសមួយក្តាប់តូចនោះឡើយ។

ជាក់ស្តែងរយៈពេល ១៣ឆ្នាំ កន្លងមកនេះ ដែលខ្ញុំបានចូលរួមបម្រើការងារ ជូនឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី មិនថាក្នុងការបំពេញការងារ ឬពិធីជួបជុំសប្បាយរីករាយណាមួយនោះទេ លោកទាំងទ្វេ តែងតែបង្ហាញគម្រោង និងសុំយោបល់ពីក្រុមការងារ ដោយមិនមានការលាក់បាំង និងកម្រអនុម័តដោយខ្លួនលោកណាស់។

តាមការកត់សម្គាល់ មិនថាខ្ញុំ ឬក៏សមាជិក សមាជិកាក្រុមការងារផ្សេងៗទេ លោកទាំងពីរ មិនដែលចាត់ទុកថាជាកូនចៅ ឬជាអ្នកបម្រើនោះទេ គឺលោកទាំងពីរ តែងតែស្រឡាញ់រាប់អាន និងចាត់ទុកដូចជាបងប្អូន និងមិត្តភក្តិ មានសុខរួមសុខ មានទុក្ខរួមទុក្ខ ប្រៀបបានដូចក្រុមគ្រួសារមួយ ដែលមានលោកទាំងពីរ ជាឪពុកម្តាយ និងក្រុមការងារ ជាកូនៗ។

សម្រាប់យុវជន សិស្សានុសិស្ស ក្មេងកំព្រា ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី តែងចាត់ទុកខ្លួនលោក ដូចជាបងប្រុសបងស្រី ជាពូជាមីង ជាឪពុកម្តាយ ជាអាណាព្យាបាល និងតែងបានគិតគូរអំពីសុខទុក្ខ ជីវភាពរស់នៅ ការសិក្សា និងអនាគតប្អូនៗ ក្មួយៗ កូនៗ ដែលជាយុវជន សិស្សានុសិស្ស និងក្មេងកំព្រាទាំងអស់នោះ។

ចំពោះថ្នាក់ដឹកនាំប្រទេស ប្រជាជន និងសង្គមជាតិ ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី តែងតែបង្ហាញនូវការគោរព ស្រឡាញ់ប្រកបដោយភក្តីភាព និងបានលះបង់ពេលវេលា យកអស់កម្លាំងកាយចិត្ត បញ្ញាស្មារតី និងទ្រព្យធនផ្ទាល់ខ្លួន ចូលរួមចំណែកកសាងផ្ទះ និងផ្តល់អំណោយសប្បុរសធម៌នានាជូនពលរដ្ឋដែលមានការលំបាកផ្នែកជីវភាព និងចួបគ្រោះមហន្តរាយផ្សេងៗ។ ជាងនេះទៅទៀត លោកទាំងពីរ ក៏បានចូលរួមជួសជុល និងកសាងហេដ្ឋារចនាសម្ព័ន្ធ ផ្លូវ ស្ពាន សាលារៀន វត្តអារាម។ល។ និងដឹកនាំស្ថាប័នក្រសួងមហាផ្ទៃ ក៏ដូចជាគណៈកម្មាធិការ ក្រុមការងារ ជាសេនាធិការ ជូនរាជរដ្ឋាភិបាលកម្ពុជា ដើម្បីប្រជាជន និងសង្គមជាតិ។

ចំពោះវិស័យកីឡា ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី កន្លងមក ក៏ដូចជាបច្ចុប្បន្ន បាននិងកំពុងចូលរួមយ៉ាងសកម្ម ដោយបានលះបង់ពេលវេលា កម្លាំងកាយចិត្ត បញ្ញាស្មារតី និងធនធានផ្ទាល់ខ្លួន ដើម្បីបណ្តុះបណ្តាល និងបង្កើតព្រឹត្តិការណ៍ប្រកួតកីឡា ពិសេសបាល់ទាត់និងបាល់ទះ ក្នុងន័យផ្តល់ឱកាសដល់យុវជន ដែលស្រឡាញ់ និងមាននិស្ស័យផ្នែកកីឡា ហើយអ្វីដែលលោកទាំងទ្វេ ចង់ឃើញនោះ គឺវឌ្ឍនភាពនៃវិស័យកីឡា និងកិត្យានុភាពកម្ពុជា នៅលើឆាកអន្តរជាតិ។

ក្រៅពីនេះ នៅមានសកម្មភាពនិងការចូលរួមចំណែករបស់លោកទាំងទ្វេ ជាច្រើនទៀតចំពោះប្រទេសជាតិ និងជនរួមជាតិរបស់យើង ដែលខ្ញុំ មិនអាចរៀបរាប់អស់នៅក្នុងសំណេររបស់ខ្ញុំនាពេលនេះ។ ខ្ញុំជឿជាក់ថា ជនរួមជាតិ ពិសេសអ្នកដែលធ្លាប់បានចួបប្រាស្រ័យទាក់ទងនិងចូលរួមធ្វើកិច្ចការងារផ្ទាល់ជាមួយលោកទាំងពីរ ពិតជាចងចាំច្បាស់នូវគំរូវីរភាព និងភាពជាអ្នកដឹកនាំរបស់ឯកឧត្តម និងលោកជំទាវ ជាក់ជាពុំខាន។

ជារួម! ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី លោកទាំងពីរ ពិតជាបានចូលរួមយ៉ាងសកម្មជាមួយថ្នាក់ដឹកនាំគ្រប់លំដាប់ថ្នាក់ ទាំងក្នុងជួររាជរដ្ឋាភិបាល និងក្នុងក្របខ័ណ្ឌគណបក្ស ពិសេសសម្តេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការចូលរួមដឹកនាំ និងអភិវឌ្ឍប្រទេសជាតិ ក៏ដូចជាជួយដល់ប្រជាពលរដ្ឋ ទោះបីជាមិនបានច្រើនរហូតដល់ទូទាំងប្រទេស ក៏ជាការរួមចំណែកណាមួយមិនអាចកាត់ថ្លៃបាន។

ដូច្នេះ ការផ្សព្វផ្សាយចោទប្រកាន់មកលើឯកឧត្តមអភិសន្តិបណ្ឌិត និងថ្នាក់ដឹកនាំរបស់កម្ពុជាមួយចំនួនទៀត ថា បានពាក់ព័ន្ធនឹងអំពើឆបោកតាមប្រព័ន្ធបច្ចេកវិទ្យា (Online Scams) ឬបទល្មើសផ្សេងទៀត ពីបណ្តាប្រព័ន្ធផ្សព្វផ្សាយបរទេសខ្លះ និងក្រុមប្រឆាំងជ្រុលនិយមក្រៅប្រទេស មួយក្តាប់តូច គឺជាការលាបពណ៌ បង្កាច់បង្ខូច បំបែកបំបាក់ផ្ទៃក្នុង ក្នុងចេតនាធ្វើប៉ះពាល់ដល់កិត្តិយស ភាពស្អាតស្អំ និងសេចក្តីថ្លៃថ្នូររបស់ថ្នាក់ដឹកនាំកម្ពុជា និងធ្វើឱ្យសហគមន៍អន្តរជាតិ មើលមកកម្ពុជា ក្នុងន័យអវិជ្ជមាន ដែលការណ៍នេះ នឹងធ្វើឱ្យប៉ះពាល់ដល់ការអភិវឌ្ឍសេដ្ឋកិច្ចសង្គមនិយាយជារួម និងដោយឡែកវិស័យវិនិយោគបរទេស និងទេសចរណ៍ក្នុងស្រុក។

ជាអវសានកថានេះ ខ្ញុំសូមប្រកាសជាឱឡារិកថា ខ្ញុំជឿជាក់លើសមត្ថភាព និងភាពជាអ្នកដឹកនាំ ពិសេសភាពស្មោះត្រង់ និងភាពស្អាតស្អំរបស់ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី ចំពោះថ្នាក់ដឹកនាំ ប្រជាជន និងប្រទេសជាតិ ហើយមិនជឿទាល់តែសោះថា លោកទាំងពីរ មានជាប់ពាក់ព័ន្ធនឹងអំពើខុសច្បាប់ណាមួយដូចការចោទប្រកាន់របស់បណ្តាញផ្សព្វផ្សាយនិងក្រុមប្រឆាំងជ្រុលនិយមនៅក្រៅប្រទេសនោះឡើយ។ ក៏ប៉ុន្តែជាសច្ចភាព “មាសសុទ្ធមិនខ្លាចភ្លើង” ថ្នាក់ដឹកនាំកម្ពុជា ដែលត្រូវពួកគេ ចោទប្រកាន់ដោយគ្មានមូលដ្ឋានច្បាស់លាស់នោះ មិនបានធ្វើដូចការចោទប្រកាន់នោះឡើយ៕

Filed in: ព័ត៌មានជាតិ

Recent Posts

Daily Theme designed by Theme Junkie.