បន្ទាយមានជ័យ÷ ក្រោយពីសារព័ត៌មានយើងទទួលដំណឹងមកថា នៅ“ច្រករបៀងក្រឡ រឺហៅថា ច្រកដើមពោធិ៍ ”គ្រប់គ្រងដោយយោធាវរសេនាតូចលេខ០១ ដែលមានលោក អឿន ជាមេ“ខ” បានឃុបឃិតគ្នាជាប្រព័ន្ធក្នុងការបើកដៃអោយក្រុមឈ្មួញលួចនាំចេញស្រូវរាប់តោនក្នុងមួយថ្ងៃៗទៅប្រទេសថៃ ដែលកំពុងចាត់ទុកបទបញ្ជាររបស់សម្តេចក្រឡាហោម ស ខេង ដូចបាយ ឡុប បាយ ឡ ។ ច្រករបៀងមួយនេះស្ថិតនៅក្នុងភូមិប្រាសាទត្បែង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ។
តាមការជាក់ស្ដែងនៅរសៀលថ្ងៃទី២២ ខែកុម្ភៈ ឆ្នាំ២០១៩ អ្នកសារព័ត៌មានយើងបានចុះទៅដល់ចំនុចច្រករបៀងដូចខាងលើ ពិតជាបានឃើញក្រុមឈ្មួញកំពុងលើកស្រូវសាងពីរថយន្តឈ្មួញខ្មែរទៅរថយន្តថៃបំរុងឆ្លងដែនពិតប្រាកដម៉ែន ខណះពេលនោះសារព័ត៌មានយើងបានថតយកសកម្មភាពលើកដាក់ស្រូវ ហើយក៏បន្តដំណើរទៅច្រកប្រាសាទត្បែងក្នុងគោលបំណងសង្កេតមើលថា តើសកម្មភាពដឹកជញ្ជួនធ្យូងយកទៅលក់នៅប្រទេសថៃនៅបន្តធ្វើសកម្មភាពទៀតរឺក៏អត់។
បន្ទាប់ពីជិះរថយន្តទៅជិតដល់ច្រករបៀងប្រសាទត្បែង ស្រាប់តែមានបុរសម្នាក់ដែលត្រូវបានគេស្គាល់ឈ្មោះ អឿន ជាយោធាមានតំណែងជាមេ“ខ” នៃវរសេនាតូចលេខ០១ បានជិះរថយន្តតាមពីក្រោយ បន្ទាប់មកជិះទៅដល់ច្រកប្រាសាទត្បែង ហើយបានចុះពីលើរថយន្តដោយមានចរឹកដូចក្មេងទំនើងនិយាយមកកាន់អ្នកសារព័ត៌មានយើងដោយសេចក្តីចងកំហឹង ព្រមទាំងប្រើពាក្យអសុរស្សដូចជាមនុស្សមិនដែរធ្លាប់ចូលសាលាអប់រំអញ្ចឹង។ ហើយថែមទាំងអះអាងថា ដោយសារពួកលោកធំបញ្ជារទើបរូបគេហ៊ានបើកច្រករបៀងនេះ ហើយយោធាម្នាក់នេះបន្តទៀតថា តើអ្នកណាហ៊ានបញ្ជារអោយបិទច្រករបៀង? បើអ្នកសារព័ត៌មានចង់ដឹងច្បាស់ថាអ្នកណាអោយបើកច្រករបៀង ទៅសួរមេរបស់គេ(យោធា) ដែលលមានអត្តលេខ ០០ ០២ និងដឹងច្បាស់ហើយ ។
ក្នុងនោះផងដែរយោធាម្នាក់នោះក៏បានប្រមាថអ្នកសារព័ត៌មានថា បើសិនដូចពីមុនវិញពួកអាហែងប្រហែលជាមិនរស់ទេ។ ការប្រើពាក្យប្រមាថមួយនេះ បានន័យថា យោធាម្នាក់នេះ ហាក់បីដូចជាមានគោលបំណងមិនល្អមកលើអ្នកសារព័ត៌មាន ចឹងហើយសូមមបហាជន ក៏ដូចជាថ្នាក់ដឹកនាំទាំងអស់ជ្រាបជាព័ត៌មាន។ តើសិទ្ធិសេរីភាពក្នុងការចុះយកព័ត៌មាន របស់អ្នកសារព័ត៌មាននៅឯណា បើសមត្ថកិច្ចក្បាលខូចៗមួយចំនួនតែងតែរារាំងអ្នកសារព័ត៌មាន មិនអោយថតយកសកម្មភាពបទល្មើសរបស់ខ្លួនយកទៅជម្រាបជួនថ្នាក់ដឹកនាំ និងតែងតែរងនូវការប្រមាថមើលងាយយ៉ាងដូច្នេះ?
តាមការជាក់ស្តែងសកម្មភាពរបស់យោធាម្នាក់នេះគឺមានន័យថា កំពុងប្រឆាំងជាមួយបទបញ្ជាររបស់សម្តេចក្រឡាហោម ស ខេង យ៉ាងច្បាស់ក្រឡែត ព្រោះសម្តេចក្រឡាហោម តែងតែបញ្ជារ និងហាមកំលាំងជួរមុខទាំងអស់នៃបន្ទាត់ព្រំដែនកម្ពជា-ថៃត្រូវតែបិទច្រករបៀងអោយអស់ មិនអោយមានទៀតជាដាច់ខាត ។
សម្តេចក្រឡាហោមបន្តថា ការលួចបើកច្រករបៀង វាអាចបង្ករអោយមានការ រត់ពន្ធអាវុធ រត់ពន្ធអាភៀន ទំនិញគេចពន្ធផ្សេងៗ និងពលករឆ្លងដែនខុសច្បាប់ផងដែរ ហើយម្យ៉ាងវិញទៀតនោះ ប្រទេសកម្ពុជា ក៏មានច្រកទ្វារអន្តរជាតិ និងច្រកតំបន់សំរាប់នាំទំនិញចេញ ចូល ដោយស្របច្បាប់ហើយ ចឹងមិនចាំបាច់មានច្រករបៀងទៀតទេ។ សម្តេចក្រឡាហោម បន្តថា ប្រសិនកងកំលាំងណាហ៊ានលួចបើកច្រករបៀង បន្ទាប់មកមានបញ្ហា គឺកងកំលាំងនៃអង្គភាពនោះជាអ្នកទទួលខុសត្រូវដោយខ្លួនឯង។
សូមបញ្ជាក់ថាក្រោយពីសម្តេចអគ្គមហាសេនាបតីតេជោ ហ៊ុន សែន បានមានប្រសាសន៍ថាអ្នកសារព័ត៌ត្រូវតែ ហ៊ានផ្សាយការពិត និងជួយគ្នាប្រឆាំងព័ត៌មានក្លែងក្លាយ។ ហើយសារព័ត៌មានយើងចុះទៅផ្តិតយកសកម្មភាពយោធាឃុបឃិតគ្នាជាមួយឈ្មួញអោយមានការដឹកជញ្ជួនស្រូវចេញតាមច្រករបៀងដោយខុសច្បាប់ ដើម្បីជម្រាបជួនថ្នាក់លើអោយបានជ្រាប តែបែជាយោធាឈ្មោះ អឿន ចោទប្រកាន់ថា ក្រុមសារព័ត៌មានយើងជាបក្សប្រឆាំង និងធ្វើអោយមានភាពចលាចលនៅតាមបន្ទាត់ព្រំដែនទៅវិញ។
មហាជនជាច្រើនកំពុងរងចាំមើលថាតើ ថ្នាក់លើរបស់យោធាឈ្មោះ អឿន និងមានចំណាត់ការយ៉ាងណា ក្រោយពីលោក អឿន បានលួចបើកច្រកបៀងអោយទំនិញគេចពន្ធផ្សេងៗចេញ ចូលកម្ពុជា និងកំពុងផ្គើនទៅនិងអនុសាសន៍របស់សម្តេចក្រឡាហោម ស ខេង ៕
