ឧត្ដរមានជ័យ ៖ ដោយទទួលបានការយកចិត្ដទុកដាក់ពី ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ និងជាប្រធានសមាគមមិត្ដនគរបាលជាតិ នារសៀលថ្ងៃពុធ ១១កើត ខែភទ្របទ ឆ្នាំម្សាញ់ សប្ដស័ក ព.ស២៥៦៩ ត្រូវនឹងថ្ងៃទី០៣ ខែកញ្ញា ឆ្នាំ២០២៥ លោកឧត្ដមសេនីយ៍ទោ ខូវ លី ស្នងការ និងជាអនុប្រធានកម្មាធិការមូលដ្ឋាន នៃស្នងការដ្ឋាននគរបាលខេត្ដឧត្ដរមានជ័យ បានចាត់លោកឧត្ដមសេនីយ៍ត្រី ចំរើន ណេតធាវីសំរេច ស្នងការរង ផែនការងារធនធានមនុស្ស បានប្រគល់ថវិការបស់សមាគមមិត្ដនគរបាលជាតិ ជូនដល់មន្រ្ដីរនគរបាលរបួសពេលបំពេញភារកិច្ច ចំនួន ០៤រូប ដូចខាងក្រោម ៖
១-លោកវរសេនីយ៍ទោ សាំង សារឿន ទទួលបានថវិកា ចំនួន ២.០០០.០០០៛(២លានរៀល)
២-លោកអនុសេនីយ៍ឯក ធិន ធឿត ទទួលបានថវិកា ចំនួន ២.០០០.០០០៛ (២លានរៀល)
៣-លោកអនុសេនីយ៍ឯក អ៊ូ សុីថា ទទួលបានថវិកា ចំនួន ២.០០០.០០០៛ (២លានរៀល)
៤-លោកអនុសេនីយ៍ត្រី ខឿន តុល ទទួលបានថវិកា ចំនួន ២.០០០.០០០៛ (២លានរៀល)។
ទន្ទឹមនឹងនេះ លោកឧត្ដមសេនីយ៍ត្រី ស្នងការរង បានធ្វើការសំណេះសំណាល ជាមួយក្រុមមន្រ្ដីរងរបួសយ៉ាងស្និតស្នាល ដោយបានពាំនាំនូវមតិផ្ដាំផ្ញើសួរសុខទុក្ខយ៉ាងយកចិត្ដទុកដាក់ពីលោកឧត្ដមសេនីយ៍ទោ ស្នងការ និង ឯកឧត្ដម នាយឧត្ដមសេនីយ៍ អគ្គស្នងការនគរបាលជាតិ និងជាប្រធានសមាគមមិត្ដនគរបាលជាតិ។
ជាកិច្ចបញ្ចប់ ក្រុមមន្រ្ដីរងរបួសក៏បានថ្លែងអំណរគុណយ៉ាងជ្រាលជ្រៅចំពោះ ឯកឧត្ដម នាយឧត្ដមសេនីយ៍ ប្រធានសមាគមមិត្ដនគរបាលជាតិកម្ពុជា ដែលបានបង្កើតសមាគមមិត្ដនគរបាលជាតិ ដើម្បីជួយសម្របសម្រួល និងយកចិត្ដទុកដាក់ចំពោះមន្រ្ដីឱវាទ ដែលរងគ្រោះថ្នាក់ពេលបំពេញភារកិច្ច នេះជាកម្លាំងចិត្ដយ៉ាងធំធេងចំពោះមន្រ្ដីនគរបាលថ្នាក់ក្រោមជាតិ ៕
