(ខេត្តកំពត)៖ នៅព្រឹកថ្ងៃព្រហស្បតិ៍ ០២រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២១ ខែកុម្ភៈ ឆ្នាំ២០១៩ លោក ជាវ តាយ អភិបាល នៃគណ:អភិបាលខេត្តកំពត បានដឹកនាំកិច្ចប្រជុំគណៈកម្មការរៀបចំសន្និបាតបូកសរុបលទ្ធផលការងារប្រចាំឆ្នាំ២០១៨ និង លើកទិសដៅបន្តឆ្នាំ២០១៩ របស់រដ្ឋបាលខេត្តកំពត។
កិច្ចប្រជុំនាព្រឹកនេះមានការអញ្ចើញចូលរួមពីសំណាក់លោកអភិបាលរងខេត្ត នាយក នាយករងរដ្ឋបាលសាលាខេត្ត អង្គភាពទីចាត់ការចំណុះសាលាខេត្ត អភិបាលក្រុងស្រុក សរុបចំនួន៦០នាក់។
ក្នុងកិច្ចប្រជុំនេះដែរ លោកអភិបាលខេត្ត បានមានប្រសាសន៍ណែនាំដូចខាងក្រោម៖
១/-សន្និបាតបូកសរុបលទ្ធផលការងារប្រចាំឆ្នាំ២០១៨ និង លើកទិសដៅបន្តឆ្នាំ២០១៩ របស់រដ្ឋបាលខេត្តកំពត គឺកំណត់យកថ្ងៃទី៥-៦ ខែមីនា ឆ្នាំ២០១៩។
២/- កំណត់ក្រុមពិភាក្សាចំនួន៥ ដោយមានអភិបាលរងខេត្តជាប្រធានក្រុម និងស្នើពិនិត្យ សមាសភាពជំនាញក្នុងក្រុមពិភាក្សាឲ្យស្របនឹងប្រធានបទនីមួយៗ។
៣/- ក្រុមការងារពិភាក្សា ធ្វើបទបង្ហាញឲ្យចំចំណុចសំខាន់នៃប្រធានបទ ជៀសវាងខាតពេលវេលា និងខុសខ្លឹមសារពិភាក្សា៕ សេង ណារិទ្ធ
