ខេត្តឧត្តរមានជ័យ ៖ ក្រុមការងារក្រុងសំរោងនិងស្រុកអន្លង់វែង ចុះកំណត់ព្រុំប្រទល់ដីចំណុចលេខ៧៤ក្នុងភូមិរំដួលជើងភ្នំនិង ភូមិត្រពាំងតាវជាចំណុចរួម.ដើម្បីធ្វើ ប័ណ្ណកម្មសិទ្ធិជូន ប្រជាពលរដ្ឋ ដែលកន្លងមក ដីនៅចំណុចនេះចេះតែមានអ្នកមកកាប់ព្រៃឈើទន្ទ្រានយកដីធ្វើកម្ម សិទ្ធ មានបញ្ហារមិនចេះចប់ ។
ការចុះធ្វើការងារនេះ ប្រព្រឹត្ត កាលពីថ្ងៃទី ២៨ ខែ វិច្ឆិកា ឆ្នាំ ២០១៤ នៅចំណុចលេខ ៧៤ ស្ថិតក្នុងភូមិ រំដួលជើងភ្នំ សង្កាត់កូនក្រៀល ក្រុងសំរោង ខេត្តឧត្តរមានជ័យ និងភូមិត្រពាំងតាវ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ។
ក្រុមការងារ និងមន្ត្រីជំនាញបានចូលរួមវាស់វែង និងចុចដៅកំណត់ តាមផ្លូវយុទ្ធសាស្ត្រ យកចំណុចលេខ៧៤ ហៅថាអូរចំរេះ ជាព្រំប្រទលរួម មានលោក រិទ្ធី ប៉ាក់ អភិបាលរងក្រុងសំរោង លោក រត្ន័ សំអាន់ សង្កាត់កូនក្រៀល លោក ទឹម សារ៉ាត់ អភិបាលស្រុក អន្លង់វែង និងលោក ហារមេឃុំ ត្រពាំងតាវ ផងដែរ ។
លោក ទឹម សារ៉ាត់ បានប្រសាស្រថា សុំឲ្យមេឃុំនិងមេភូមិរក្សាសណ្តាប់ធ្នាប់ កុំឲ្យមានបញ្ហារទៀត.អ្នកណាធ្លាប់ធ្វើស្រែកន្លែងណា សុំឲ្យធ្វើដដែលតែហាមកាប់ព្រៃទន្ទ្រានបន្ថែមទៀត ទោះបីជានៅខាងណាក៍ដោយ សុំឲ្យមេភូមិទាំងសងខាងតាមមើលសកម្មភាពរបស់គាត់ធ្វើខ្លះផង ។
លោក រិទ្ធី ប៉ាក់ អភិបាលក្រុងសំរោង និងភូមិឃុំ បានឯកភាព តាមប្រសាស្ត្រលោក ទឹម សារ៉ាត់ ដោយប្តេជ្ញារក្សាសណ្តាប់ធ្នាប្រជាជនទាំងសងខាង ដោយយកចំណុច លេខ ៧៤ ជាព្រំប្រទល់ភូមិ រំដួលជើងភ្នំ សង្កាត់កូនក្រៀល ក្រុងសំរោង និង ភូមិត្រពាំងតាវ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ៕
