ឯកឧត្តម ម៉ាង ស៊ីណេត អភិបាលនៃគណ:អភិបាលខេត្តព្រះសីហនុ បានអញ្ជើញសំណេះសំណាលជាមួយនាយ នាយរង និងពលទាហានតំបន់ប្រតិបត្តិការសឹករងព្រះសីហនុ និងនាំយកអំណោយរបស់សម្កេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ឧបត្ថម្ភជូនតំបន់ប្រតិបត្តិការសឹករងព្រះសីហនុ នៅទីបញ្ជាការសឹករងព្រះសីហនុ មានទីតាំងស្ថិតនៅភូមិ១ សង្កាត់លេខ១ ក្រុងព្រះសីហនុ។
ក្នុងឱកាសនោះ ឯកឧត្តមអភិបាលខេត្តព្រះសីហនុបានមានប្រសាសន៍ថា ថ្ងៃនេះយើងបានមកជួបសំណេះសំណាលជាមួយនាយ នាយរង និងពលទាហានតំបន់ប្រតិបត្តការសឹករងព្រះសីហនុ ក្នុងនាមរដ្ឋបាលខេត្ត សូមពាំនាំប្រសាសន៍ផ្តាំផ្ញើសួរសុខទុក និងសេចក្តីនឹករលឹកពីសម្តេចមហាបវរធិបតី ហ៊ុន ម៉ាណែត នាយករដ្ឋម ន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ជូនចំពោះកងកម្លាំងតំបន់ប្រតិបត្តិការសឹករងព្រះសីហនុ សូមបងប្អូនមានសុខភាពល្អគ្រប់គ្នា និងគ្រប់ក្រុមគ្រួសារ។
ឯកឧត្តមអភិបាលខេត្តបានបញ្ជាក់ថា ទោះបីបងប្អូនមិនមានតួនាទីភារកិច្ចដូចមន្ត្រីប៉ូលីស ក៏ប៉ន្តែយើងមានភារកិច្ច កាតព្វកិច្ចការ ពារសុខសន្តិភាព ការពារបូរណភាពទឹកដី និងការពារប្រជាពលរដ្ឋកម្ពុជា។ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រីកម្ពុជា បានធ្វើការលះបង់កម្លាំងកាយ ចិត្ត ដោយមិនក្លាយនឿយហត់ក្នុងការដឹកនាំរំដោះប្រទេសជាតិចេញពីរបបប្រល័យពូជសាសន៍ ប៉ុល ពត ដែលជារបបឃោឃៅយង់ឃ្នង កាប់សម្លាប់ប្រជាពលរដ្ឋកម្ពុជា ហើយការរំដោះប្រទេសជាតិចេញពីរបបប្រល័យពូជ សាសន៍ ដើម្បីបងប្អូនប្រជាពលរដ្ឋរស់នៅក្នុងភាពសុខសាន្ត ស្របតាមចក្ខុវិស័យរបស់រាជរដ្ឋាភិបាលឆ្នាំ២០៥០ ក្លាយប្រទេសកម្ពុជា ជាប្រទេសដែលមានចំណូលខ្ពស់ធ្វើឪ្យប្រជាពលរដ្ឋមានជីវភាពកាន់តែល្អប្រសើរឡើង ម្យ៉ាងទៀតកត្តាសុខសន្តិ ភាព នាំមកនូវការអភិវឌ្ឍ នាំមកនូវការរីកចម្រើនលើគ្រប់វិស័យ។
ឯកឧត្តមអភិបាលខេត្តបានបន្តថា រាជរដ្ឋាភិបាលកម្ពុជាបានយកចិត្តទុកដាក់ក្នុងការដឹកនាំប្រទេស ជាតិមានសុខសន្តិភាព ទន្ទឹមនោះក៏បានដាក់ចេញនូវគោលនយោបាយបញ្ចកោណ ដំណាក់កាលទី១ ដោយផ្តោតលើវិស័យចំនួន៥ មនុស្ស ផ្លូវ ទឹក ភ្លើង និងបច្ចេកវិទ្យា ដូច្នេះយើងត្រូវខ្លាំងសម្រាប់ខ្លួនយើង យើងជាកងកម្លាំងត្រូវត្រៀមខ្លួនជានិច្ចតាមបទបញ្ជាររបស់រាជរដ្ឋាភិបាលគ្រប់ពេលវេលាក្នុងការចូលរួមការពារជាតិ មាតុភូមិកម្ពុជា។
ក្នុងឱកាសនោះ ឯកឧត្តមអភិបាលខេត្តបាននាំយកអំណោយសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត មានស្បៀងអាហារ និងសម្ភារមួយចំនួនឧបត្ថម្ភជូនដល់តំបន់ប្រតិបត្តការសឹករងព្រះសីហនុ មានភារកិច្ចការពារព្រំដែនខេត្តកោះកុង ដូចជា អង្ករ៥តោន មី ២០០កេស ត្រីខកំប៉ុង ២០០យួរ ទឹកសុទ្ធ១០០កេស សម្ភារផ្សេងៗ រួមមាន៖ វ៉ាឡូ ៧០ ម៉ាស៊ីនភ្លើង (3K=3000w) ១គ្រឿង ខ្សែភ្លើងមូលខ្មៅ (2×1.5) ៥ដុំ (១ដុំ=១០០ម៉ែត្រ) អំពូលភ្លើង 50w ២០អំពូល ព្រីដោតភ្លើង ១៥ តង់ទំហំ 8ម × 12ម ៥តង់ ហំ 6ម × 8ម ១៥តង់ ចប៣២ ប៉ែល ៣២
ត្រសេស ១០ កាំបិតកាប់ព្រៃ ៣២ ពូថៅ ៣២ ប៊ីដុងទឹក ១១០ ខ្សែនីឡុងទំហំ ៥លី ២ដុំ (ខ្សែពួរ ១ដុំ=៣គីឡូ) ទុសៀ ១១០ ព្រមទាំងឱសថ និងសម្ភារពេទ្យ (មន្ទីរសុខាភិបាលខេត្ត) ១២មុខ និងថវិកា ១០លាន រៀល៕
