ខេត្តរតនគីរី ៖ ប្រធានមន្ទីរសាធារណៈការនិងបក្សពួករបស់ខ្លួនបានឃុបឃិតគ្នាលួចដែកស្ពានបាឡេ២កន្លែងទៅអោយក្រុមហ៊ុនដាំកៅស៊ូឯកជនមួយនៅក្នុងស្រុកវើនសៃយកលុយរាប់ម៉ឺនដុល្លាដាកហោបាវធ្វើមាន ធ្វើបានរៀងៗខ្លួនកាលពីកន្លងទៅនេះ។
ប្រភពពត៌មានពីបុគ្គលិកនៅមន្ទីរសាធារណៈការខេត្តដែលមិនសូវពេញចិត្ត ឫមិនបានទទួលប្រយោជន៍ពីការលក់ដែកស្ពានបាឡេរបស់លោកប្រធានមន្ទីរសូ សំណាង និងបក្សពួករបស់ខ្លួននោះបានឲ្យដឹងថា ដែកស្ពានបាឡេពីរកន្លែងនោះស្ថិតតាមបណ្តោយផ្លូវជាតិលេខ៧៦ ឆ្លងកាត់អូរកាន និងអូរទទឹងក្នុងទឹកដីស្រុកលំផាត់ ចំណែកឯដែកស្ពាននីមួយៗមានប្រវែងជាង២០ម៉ែត្រ។ គួរបញ្ជាក់ស្ពានដែកទាំង២មានស្ពានមួយដែលត្រួតស៊ីគ្នាដូច្នេះដែកស្ពាន២ស្មើដែកស្ពាន៣។ ហើយដែកស្ពានបាឡេដែលត្រូវលើកចេញនោះដោយរាជរដ្ឋាភិបាលបានសាងសង់ផ្លូវក្រាលកៅស៊ូភ្ជាប់ពីផ្លូវជាតិលេខ៧៨ត្រង់ផ្លូវបំបែកឃុំតាអង ស្រុកកូនមុំ ទៅកាន់ខេត្តមណ្ឌលគិរី ផ្លូវនោះជាផ្លូវជាតិលេខ៧៦ ដោយទទួលការសាងសង់ដោយក្រុមហ៊ុនចិន ហើយក៏រុះរើដែកស្ពានបាឡេនោះគរទុកដែកស្ពានថ្មថ្មីជំនួសវិញ។ ស្រាប់តែសម័យថ្ងៃមួយមានរថយន្តរបស់ក្រុមហ៊ុនដាំកៅស៊ូឯកជនមួយឈ្មោះម៉ាងយ៉ាងខេ នៅស្រុកលំផាត់ វើនសៃ ដឹកជញ្ជូនដែកស្ពានបាឡេរបស់រដ្ឋដែលបានទិញក្នុង១ម៉ែត្រមានតម្លៃ២ពាន់ដុល្លាទៅបំរើផលប្រយោជន៍ឯកជនទៅវិញ។
គួរបញ្ជាក់ថា ការលួចលក់ដែកស្ពានបាឡេរបស់រដ្ឋ២កន្លែងរបស់លោកសូ សំណាង ប្រធានមន្ទីរសាធារណៈការនិងបក្សពួករបស់ខ្លួនយកលុយរាប់ម៉ឺនដុល្លាដាកហោប៉ាវធ្វើមានធ្វើបាននោះ លោកប្រធានមន្ទីរលោកបានប្រគល់ភារៈកិច្ចនេះមកអោយលោកខឹម រមន្នី អនុប្រធានមនី្ទរជាអ្នកបំភ្លឺចំពោះអ្នកយកពត៌មាន។
លោក ខឹម រមន្នី មានប្រសាសន៍ថា ប្រធានមិនបានយកដែកស្ពានបាឡេនោះលក់ទេ ប៉ុន្តែលោកប្រធានជាមន្ត្រីជំនាញត្រូវតែចុះពិនិត្យស្ពានដែកបាឡេដែលក្រុមហ៊ុនឯកជននោះធ្វើ។ រយៈកាលកន្លងមកលោកសូ សំណាង យករថយន្តរបស់អង្គភាពទៅដឹកជន្លង់ម្រេកផ្ទាល់ខ្លួន ពេលអ្នកយកពត៌មានអោយទូរទស្សអប្សរាណេតទូរស័ព្ទសម្ភាសលោកសូ សំណាងមានប្រសាសន៍យ៉ាងខ្លីថា ហួសសម័យហើយមិនចង់អោយគេមានបានឫទេ ឋានៈជាប្រធានមន្ទីរសាធារណៈការធ្វើអោយលោកមានទ្រព្យសម្បត្តិយ៉ាងស្តុកស្តម្ភនៅក្នុងខេត្តរតនគិរី៕
តាជួង
