រតនគិរី ៖ រោងសិប្បកម្មជនជាតិវៀតណាមស្តុបឈើប្រណិតមួយកន្លែង ហើយកំពុងលើកឈើប្រណិតដាក់រថយន្តចំនួនពីរគ្រឿង បំរុងដឹកទៅប្រវៀតណាមតាមច្រកទ្វារអន្តជាតិអូរយ៉ាដាវ ស្រាប់តែត្រូវកំលាំងចំរុះដឹកនាំដោយលោក ម៉ម វណ្ណដា ព្រះរាជអាជ្ញារងអមសាលាដំបូងខេត្តចុះបង្ក្រាបរិបអូសបានភ្លាមៗ បន្ទាប់ពីមានក្រុមអ្នកកាសែតមួយក្រុមតាមប្រមាញ់ ហើយសំណូមពអោយបង្ក្រាបរថយន្តនោះ ។
ហេតុការណ៍បង្ក្រាបនេះ បានធ្វើឡើងនៅវេលាម៉ោង ០៣.៣០ នាទីល្ងាច ថ្ងៃទី២២ ខែសីហា ឆ្នាំ២០១៥សិ្ថតនៅភូមិជ្រីសង្កាត់យក្សឡោមក្រុងបានលុង។
បើយោងតាមប្រភពពីកំលាំងដែលចុះបង្ក្រាបផ្ទាល់បានអោយដឹងថា ផ្ទះដែលសមត្ថកិច្ចបង្ក្រាបនោះ គឺមានម្ចាស់ឈ្មោះ”សុនសុខ” ហៅបេ ជាជនជាតិវៀតណាម ប្រកបរបរបើកសិប្បកម្មនិងស្តុបឈើប្រណិតខុសច្បាប់នោះជាង១០ឆ្ន្នាំមកហើយ ធ្លាប់មានការបង្ក្រាបញឹកញាប់ដែរ តែនៅតែមិនរាងចាល ដោយអាងមានខ្នងបង្អែកជាព្រះរាជអាជ្ញានៅពីក្រោយ ។
ឯការបង្ក្រាបនេះរឹបអូសបានរថយន្តចំនួនពីគ្រឿង ម៉ាកបាឡែនពណណ៌កណ្តុរប្រមេះ អត់ស្លាកលេខ និងរថយន្តឡុចស៊ីស៣០០ ពណ៌ ស អត់ស្លាកលេខមួយគ្រឿងទៀត ។
ប្រភពបន្តថា រថយន្តពីគ្រឿងនេះមានអ្នករត់ការឈ្មោះ “ស្រីម៉ី” ដែលជាអ្នកចេញមុខរត់ការដល់សមត្ថកិច្ចគ្រប់លំដាប់ថ្នាក់ ចាប់ពីក្រុងបានលុង រហូតដល់ច្រកទ្វារអន្តរជាតិអូរយ៉ាដាវ ។
ក្នុងការបង្ក្រាបនោះ គេសង្កេតឃើញរឹបអូសបានរថយន្តពីគ្រឿង ត្រៀមដឹកឈើប្រណីតចេញនោះ និងឈើប្រណិតនោះ ចំនួន ០៣ គោយន្តឆ្នៃទៀត ហើយធ្វើការរិបអូសយកមករក្សារទុកនៅខណ្ឌរដ្ឋបាលព្រៃឈើ រង់ចាំធ្វើការដោះស្រាយតាមច្បាប់ព្រៃឈើ ។
សូមបញ្ជាក់ថា មុនពេលបង្ក្រាបមានក្រុមអ្នកកាសែតមកពីភ្នំពេញមួយក្រុមតាមប្រមាញ់រថយន្តរបស់”ស្រីម៉ី”នោះជាច្រើនថ្ងៃមកហើយ ដល់ពេលឃើញសកម្មភាពលើកឈើប្រណិតដាក់ពេញរថយន្ត ទើបហៅសមត្ថកិច្ចអោយមកបង្ក្រាបតែម្តង ប៉ុន្តែដំបូងសមត្ថកិច្ចមិនចង់មកបង្ក្រាបទេ តែត្រូវក្រុមអ្នកការសែតនោះរកអ្នកអន្តរាគមន៍ជាច្រើនជំនាញ ទើបសមត្ថកិច្ចនោះមកបង្ក្រាបតែម្តង ។ ព្រោះរោងសិប្បកម្មឈ្មោះ”សុនសុខ” ហៅ “បេ”នោះ សមត្ថកិច្ចមិនសូវហ៊ានបង្ក្រាបទេ ដោយសារសំភារៈកំពុងកែឆ្នៃនៅទីនោះភាគច្រើនជារបស់អ្នកធំក្នុងខេត្ត ។
នៅពេលដែលសមត្ថកិច្ចចម្រុះចុះចាប់រោងសិប្បកម្មនោះម្ចាស់ឈើ និងម្ចាស់សិប្បកម្មបានរត់គេចខ្លួនបាត់អស់៕
ជីវ៉ា
