បន្ទាយមានជ័យ ៖ នៅច្រករបៀមួយគ្រុបគ្រង ដោយលោកវរសេនីយ៌ឯក ង៉ែត ព្រឿង មេបញ្ជាការយោធាអភិវឌ្ឍន៌ភូមិភាគ5គេឃើញបន្សល់ស្លាកស្នាមសង្ស័យជាកន្លែងលើកដាក់សត្វព្រៃមុនឬក្រោយនាំឆ្លងដែនហើយក៌មានរថយន្តកាមរី2គ្រឿងនៅចាំទីនោះគ្រាន់តែឃើញអ្នកយកព័ត៌មានយើងចូលទៅដល់បានបើករត់គេចភ្លាមៗចេញពីទីតាំងខាងលើនោះ។កន្លែងដែលក្រុមអ្នកសារព័ត៌មានយើងនោះគឺស្ថិតនៅច្រករបៀងសេះងាប់ក្នុងភូមិក្តិបថ្មឃុំគោករមៀតស្រុកថ្មពួកដែលនៅទីនោះគ្រប់គ្រងដោយក្រុមយោធាអភិវឌ្ឍន៌ភូមិភាគ ៥ ។
រថយន្តកាមរី២គ្រឿងដែលគេឃើញចតនៅកន្លែងកើតហេតុប៉ុន្តែពេលឃើញអ្នកព័ត៌មានចូលទៅដល់ក្រុមមនុស្ស4នាក់នៅទីនោះបានបើករថយន្តគេចចេញពីទីនោះទៅចូលប៉ុស្តិ៍យោធាអស់ ។ យ៉ាងណាក៌ដោយ នៅកន្លែងកើតហេតុគេឃើញបន្សល់វត្ថុតាងគួឲ្យសង្ស័យជាច្រើន ដូចជាការ៉ុងដែលមានអុចភ្លើងប្រហោងតូចៗកន្ត្រកជ័រនិងស្បៃសម្រាប់ច្រកសត្វព្រៃជាច្រើនទៀត ។ ក្រៅពីនោះ ក៌មានសត្វអន្សងមួយក្បាលជាង10គីឡូក្រាមងាប់គេបោះចោលក្នុងស្មៅហើយអណ្តើករស់4ក្បាលគេច្រកទុកក្នុងស្បៃនិង01ក្បាលងាប់នៅក្នុងការ៉ុង។ប្រភពថាច្រករបៀងខាងលើកន្លងមានចេញទំនិញផ្សេងៗនិងមាន់ទារស់ពីថៃផងដែរ ។
ជុំវិញករណីនេះ លោកវរសេនីយ៌ឯក ង៉ែត ព្រឿង មេបញ្ជាការយោធាអភិវឌ្ឍន៍ភូមិភាគ ៥ មិនអាចទាក់ទងសុំការបំភ្លឺបាននោះទេ ព្រោះអង្គភាពយើងមិនស្គាល់លេខទូរស័ព្ទ ៕
