ទីតាំងកន្លែងលក់គ្រឿងអេឡិចត្រូនិចដ៏ធំមួយកន្លែងយីហោ(ស៑ុយ ម៉េង គ្រួយ) ក្នុងក្រុងប៉ោយប៉ែត ត្រូវបានមន្ត្រីគយរដ្ឋាករខេត្ដ ចុះរឹបអុះទំនិញមួយចំនួន ដែលសង្ស័យថា ជាទំនិញគេចពន្ធ
បន្ទាយមានជ័យ៖(ព័ត៌មានបឋម) នៅរសៀលថ្ងៃទី ១២ ខែតុលា ឆ្នាំ ២០២៤ មន្ត្រីគយរដ្ឋាករខេត្តបន្ទាយមានជ័យ សហការជាមួយកម្លាំងចម្រុះ ចុះបង្ក្រាបទីតាំងលក់គ្រឿងអេឡិចត្រូនិចមួយកន្លែងដ៍ធំ(ស៑ុយ ម៉េង គ្រួយ) ដែលគេសង្ស័យថាជាទំនិញគេចពន្ធយកមកដាក់លក់ ។
ក្នុងការចុះប្រតិបត្តិការនោះមានការចូលរួមជាព្រះរាជអាជ្ញារងខេត្តបន្ទាយមានជ័យ ។
យោងតាមប្រភពបានឲ្យដឹងថា ក្រោយត្រួតពិនិត្យ គេឃើញ កម្លាំងមន្ត្រីគយរដ្ឋាករខេត្តបន្ទាយមានជ័យ បានរកឃើញ និង រឹបអុះទំនិញមួយចំនួន ដែលសង្ស័យជាទំនិញគេចពន្ធខុសច្បាប់ រួចក៏ជញ្ជូនដាក់លើរថយន្ត ដើម្បីយកទៅ ឱ្យម្ចាស់ទំនិញ ចូលខ្លួនដោះស្រាយបង់ពន្ធឱ្យបានត្រឹមត្រូវ ស្របទៅតាមផ្លូវច្បាប់៕
