វេទិកាសន្ទនាក្រោមប្រធានបទការស្វែងយល់អំពីតួនាទីអង្គការសង្គមស៊ីវិលក្នុងក្របខណ្ឌយុទ្ធសាស្ត្របញ្ចកោណដំណាក់កាលទីមួយ

វេទិកាសន្ទនាក្រោមប្រធានបទការស្វែងយល់អំពីតួនាទីអង្គការសង្គមស៊ីវិលក្នុងក្របខណ្ឌយុទ្ធសាស្ត្របញ្ចកោណដំណាក់កាលទីមួយ
ខេត្តព្រះសីហនុ ថ្ងៃទី 30 ខែកញ្ញាឆ្នាំ 2024ឯកឧត្តមកឹម រដ្ឋ វិសិដ្ឋ រដ្ឋលេខាធិការក្រសួងទីស្ដីការគណៈរដ្ឋមន្ត្រីនិងជាប្រធានក្រុមប្រឹក្សាភិបាលអង្គការសង្គមស៊ីវិលហៅកាត់(វ.ស.ស)រួមជាមួយលោកឡុងឌីម៉ង់អភិបាលរងខេត្តព្រះសីហនុបានដឹកនាំកិច្ចប្រជុំសម្របសម្រួលវេទិកាសន្ទនា ការស្វែងយល់អំពីតួនាទីអង្គការសង្គមស៊ីវិលក្នុងក្របខណ្ឌយុទ្ធសាស្ត្របញ្ចកោណដំណាក់កាលទីមួយ និងមានការអញ្ជើញចូលរួមដោយលោកលោកស្រីប្រធានមន្ទីរអង្គភាពកងកម្លាំង សមត្ថកិច្ច អាជ្ញាធរក្រុងនិងបណ្ដាសមាគមអង្គការសង្គមស៊ីវិលក្នុងខេត្តព្រះសីហនុទាំងអស់និងរួមទាំងមានសមាជិកដៃគូសហការរបស់ វ.ស.សផងដែរ។
នៅក្នុងឱកាសនោះឯកឧត្តមរដ្ឋលេខាបានបញ្ជាក់ថាជានិច្ចជាកាលរាជរដ្ឋាភិបាលក្រោមការដឹកនាំប្រកបដោយភាពក្លៀវក្លានិងវាងវៃរបស់សម្ដេចមហាបវរធិបតីហ៊ុនម៉ាណែតនៅតែបន្តយកចិត្តទុកដាក់និងផ្ដល់សារៈសំខាន់ចំពោះអង្គការសង្គមស៊ីវិលក្នុងការជួយអភិវឌ្ឍសេដ្ឋកិច្ចនិងសង្គមកម្ពុជានិងបង្កឲ្យមានលំហរសេរីភាពដែលមានលក្ខណៈងាយស្រួលដល់អង្គការសង្គមស៊ីវិលអាចធ្វើសកម្មភាពស្របតាមលក្ខខន្តិកៈរៀងៗខ្លួន។
ជាចុងក្រោយឯកឧត្តមរដ្ឋលេខាបានផ្ដាំផ្ញើទៅដល់អង្គការសង្គមស៊ីវិលទាំងអស់បន្តធ្វើសកម្មភាពរបស់ខ្លួនប្រកបដោយភាពស្មោះត្រង់ក្នុងកិច្ចសហការជាមួយក្រសួងស្ថាប័ននិងអាជ្ញាធរមូលដ្ឋានដោយគោរពគោលការណ៍ច្បាប់និងលិខិតបទដ្ឋានគតិយុទ្ធជាធរមានស្របនឹងលក្ខន្តិក:របស់ខ្លួន និងបានក្រើនរំលឹកដល់បណ្ដាអង្គការសង្គមស៊ីវិលទាំងអស់ឲ្យយល់ជ្រួតជ្រាបអំពីការខិតខំប្រឹងប្រែងរបស់រាជរដ្ឋាភិបាលក្នុងការអភិវឌ្ឍន៍សង្គមជាតិជាពិសេសគឺការអនុវត្តយុទ្ធសាស្ត្របញ្ចកោណដំណាក់កាលទីមួយសំដៅនាំកម្ពុជាសម្រេចបានចក្ខុវិស័យឆ្នាំ 2030 និងឆ្នាំ 2050។
ដោយ លោក រុន សារ៉េត