នៅព្រឹកថ្ងៃទី៧ ខែ កញ្ញាឆ្នាំ ២០១៨នេះ នាយប៉ុស្តិ៍ នគរបាលអន្តោប្រវេសន៍ច្រកទ្វារអន្តរជាតិដូង លោក សៅ ប៊ុនរិទ្ធិ ត្រូវបានប្រកាសប្តូរហើយ ក្រោមអធិបតីភាពនាយឧត្តមសេនីយ៍ ឃុន សំបូរ អគ្គនាយករង នៃអគ្គនាយកដ្ឋាននគរបាលអន្តោប្រវេសន៍ ។ ពិធីនេះ ធ្វើឡើងនៅស្នាក់ការប៉ុស្តិ៍ច្រកទ្វារអន្តរជាតិដូង ក្នុងស្រុកកំរៀង ខេត្តបាត់ដំបង ។
យោងតាមសេចក្តីសម្រេចរបស់ក្រសួងមហាផ្ទៃ បានតែងតាំងលោកវរសេនីយ៍ទោ ផាត សុផាន់ណា ពីនាយរង ទៅជានាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិដូង ជំនួសលោកឧត្តមសេនីយ៍ត្រី សៅ ប៊ុនរិទ្ធិ ។
ចំណែកលោក សៅ ប៊ុនរិទ្ធិ ត្រូវផ្លាស់ទៅទទួលតួនាទីថ្មី ជាអនុប្រធាននាយកដ្ឋានច្រកទ្វារទី១ នៃក្រសួងមហាផ្ទៃ-ផងដែរ ៕
