ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
កម្លាំងក្រុមអន្តរាគមន៍ បង្ការ បង្ក្រប សហការជាមួយកម្លាំងអធិការដ្ឋាន នគរបាលក្រុងបាត់ដំបង ចុះប្រតិបត្តិការ បង្ក្រាប ករណី លួចដោយប្រើហិង្សា និងបង្ខាំងជនរងគ្រោះ នៅក្នុងផ្ទះសំណាក់... ==> អាវុធហត្ថរាជធានីភ្នំពេញ បញ្ចប់បេសកកម្មចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូន ថ្នាក់ដឹកនាំជាតិ-អន្តរជាតិ អញ្ជើញចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ដោយជោគជ័យ! ==> ឯកឧត្តមអភិសន្តិបណ្ឌិត ស សុខា បង្ហើបពីការរកឃើញមន្រ្តីនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ ==> អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួនបុរសបែកថ្នាំម្នាក់កាន់កាំបិតប៉័ងតោគំរាមកំហែងបង្កការភ័យខ្លាចដល់ប្រជាពលរដ្ឋ! ==> ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវកាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ កន្លងទៅនេះ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិ សរុបប្រមាណជិត ៣លាននាក់ ដែលបានអញ្ជើញមកកម្សាន្ត និងទស្សនាសមិទ្ធផលទេសចរណ៍ ដ៏ទាក់ទាញថ្មីនេះ។ ==> ក្រសួងរៀបចំដែនដី និងរដ្ឋបាលខេត្តស្វាយរៀង រៀបចំសិក្ខាសាលាបំពាក់បំប៉នសមត្ថភាព ស្តីពី «ការងាររៀបចំដែនដី និងនគរូបនីយកម្ម» ដើម្បីជំរុញការអភិវឌ្ឍន៍ ==> ព្រះរាជសុន្ទរកថាទាំងស្រុងរបស់ ព្រះមហាក្សត្រកម្ពុជា ឱកាសយាងបើកកិច្ចប្រជុំកំពូលហ្វ្រង់កូហ្វូនីលើកទី២០ ដែលជាកិច្ចប្រជុំលើកដំបូងនៅកម្ពុជា ==> ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង ==> សូមស្វាគមន៍ ឯកឧត្តម To Lam ប្រធានរដ្ឋវៀតណាម មកកាន់ព្រះរាជាណាចក្រកម្ពុជា ក្នុងឱកាសចូលរួមកិច្ចប្រជុំកំពូលហ្វ្រង់កូហ្វូនី លើកទី២០ ==> អង្គការយូណេស្កូបន្តគាំទ្រ និងផ្ដល់ជំនួយដល់​កម្ពុជា លើការអភិរក្សបេតិកភណ្ឌវប្បធម៌

អស្ចារ្យ!សាលាដ៏ធំលំដាប់ទីបួននៅចក្រភពអង់គ្លេសឈ្មោះ BROMSGROVE SCHOOL នឹងបើកសាខាទីប្រាំមួយរបស់ខ្លួន នៅរាជធានីភ្នំពេញ

អស្ចារ្យ!សាលាដ៏ធំលំដាប់ទីបួននៅចក្រភពអង់គ្លេសឈ្មោះ BROMSGROVE SCHOOL នឹងបើកសាខាទីប្រាំមួយរបស់ខ្លួន នៅរាជធានីភ្នំពេញ

​ដោយ ៖ គេហទំព័រ «កម្ពុជាអភិវឌ្ឍន៍ | Aphiwat Kampuchea» |

http://kehaktompor-aphivatkampuchea.com.kh

Tel: 077 79 79 52 / 088 77 97 952 | WhatsApp: 012 58 04 55

កាលពីថ្ងៃទី១៤ ខែកញ្ញា ឆ្នាំ២០២៤ នៅទីក្រុងបាងកក ប្រទេសថៃ មានព្រឹត្តិការណ៍ដ៏សំខាន់មួយនៅក្នុងវិស័យអប់រំ គឺការចុះហត្ថលេខាលើអនុស្សរណៈនៃការយោគយល់គ្នា(MOU)មួយ បានប្រារព្ធឡើង រវាងសាលាធំលំដាប់ទីបួននៃចក្រភពអង់គ្លេស គឺសាលាBromsgrove ដែលបានបង្កើតឡើងតាំងពីឆ្នាំ1553 និងដៃគូកម្ពុជា ក្នុងការបើកសាខាសាលាចក្រភពអង់គ្លេសថ្មីមួយនៅរាជធានីភ្នំពេញ។

សាលាអន្តរជាតិ Bromsgrove International School Cambodia (BISC) គ្រោងនឹងបើកទ្វារនៅឆ្នាំសិក្សា ២០២៥-២០២៦ ខាងមុខនេះ។ សាលានឹងក្លាយជាស្ថាប័នដ៏ទំនើប ពោរពេញទៅដោយបរិស្ថានធម្មជាតិពណ៌បៃតង ជាមួយនឹងសួនកុមារធំទូលាយ ទីលានកីឡា អាងហែលទឹក សាលមហោស្រព និងសម្ភារៈបរិក្ខារយ៉ាងពេញលេញ។ សាលានឹងផ្តល់ការអប់រំលំដាប់ពិភពលោក ដល់សិស្សចាប់ពីថ្នាក់មត្តេយ្យ -រហូតដល់ថ្នាក់ទី១២ កម្រិត IB និងកម្រិត A-Level។ អ្វីដែលធ្វើឱ្យ BISC នឹងក្លាយជាសាលាអន្តរជាតិដ៏ល្អបំផុតមួយនៅកម្ពុជានោះ គឺក្រុមគណៈគ្រប់គ្រងសាលា និងគ្រូបង្រៀនមកពីចក្រភពអង់គ្លេស នឹងមកដំនើរការសាលាដោយផ្ទាល់ ដើម្បីធានាថាកម្មវិធីសិក្សា គ្រូបង្រៀន និងក្រុមការងារទាំងអស់ ត្រូវតែរៀបចំអោយសមស្របទៅនឹងស្តង់ដារអន្តរជាតិពិតប្រាកដ។

ពិធីចុះហត្ថលេខាលើអនុស្សរណៈយោគយល់គ្នានេះ មានការអញ្ជើញចូលរួមពីលោកឧកញ៉ាបណ្ឌិត កែវ សម្បត្តិ និងលោកបណ្ឌិត សុខ វិចិត្រ តំណាងក្រុមកម្ពុជា និងលោកស្រី Rachel Scannell តំណាងសាលា Bromsgrove School UK។

លោកស្រី Rachel Scannell មានប្រសាសន៍ថា “យើងមានសេចក្តីរំភើបរីករាយក្នុងការពង្រីកវិសាលភាពរបស់យើងនៅក្នុងប្រទេសកម្ពុជា ហើយវាក៏ជាសាខាទីប្រាំមួយរបស់យើងផងដែរ បន្ទាប់ពីយើងមានពីរសាខានៅចក្រភពអង់គ្លេស ពីរសាខា Bromsgrove International School Thailand នៅទីក្រុងបាងកក ប្រទេសថៃ និងមួយសាខា Bromsgrove Mission Hills នៅក្នុងទីក្រុង Shenzhen ប្រទេសចិន។ ការព្រមព្រៀងនេះ នឹងនាំមកនូវប្រវត្តិសាស្រ្តដ៏សម្បូរបែបមួយ ដែលជាឧត្តមភាពផ្នែកអប់រំទៅកាន់ប្រទេសដែលកំពុងរស់រវើកមួយនេះ”។ តំណាងសាលា Bromsgrove UK ក៏បានបន្ថែមទៀតថា “យើងជឿជាក់ថា BISC នឹងផ្តល់នូវបទពិសោធន៍អប់រំដ៏ពិសេស និងសម្បូរបែប សម្រាប់សិស្សានុសិស្ស ជាពិសេសគឺការជួយរៀបចំពួកគេដើម្បីភាពជោគជ័យនៅក្នុងពិភពសកលភាវូបនីយកម្មកាន់តែខ្លាំងឡើង”។

លោកឧកញ៉ាបណ្ឌិត កែវ សម្បត្តិ បានថ្លែងអំណរគុណចំពោះសាលា Bromsgrove UK ដែលបានជ្រើសរើសប្រទេសកម្ពុជាជាប្រទេសដៃគូ “ភាពជាដៃគូនេះ គឺជាសក្ខីភាពនៃមិត្តភាពដ៏រឹងមាំរវាងប្រជាជាតិយើងទាំងពីរ។ យើងមានទំនុកចិត្តថា BISC នឹងក្លាយជាស្ថាប័នអប់រំឈានមុខគេក្នុងប្រទេសកម្ពុជា ដោយផ្តល់ជូនសិស្សានុសិស្ស នូវការអប់រំលំដាប់ពិភពលោក ដែលអាចជួយឱ្យពួកគេត្រៀមខ្លួបរួចជាស្រេចសម្រាប់បញ្ហាប្រឈមនៃសតវត្សរ៍ទី 21″។

លោកបណ្ឌិត សុខ វិចិត្រ បានបន្ថែមថា “យើងប្តេជ្ញាផ្តល់នូវបរិយាកាសសិក្សាប្រកបដោយសុវត្ថិភាព និងការចិញ្ចឹមបីបាច់ថែរក្សា ដែលជួយបណ្តុះ និងជំរុញភាពឆ្លាតវៃ ភាពច្នៃប្រឌិត ការគិតត្រិះរិះពិចារណា និងជាពិសេសគឺជំនាញដោះស្រាយបញ្ហាដល់សិស្សានុសិស្សគ្រប់គ្នា។ យើងជឿជាក់ថា BISC នឹងដើរតួនាទីយ៉ាងសំខាន់ក្នុងការរៀបចំអនាគតនៃវិស័យអប់រំនៅកម្ពុជាអោយឈានដល់កម្រិតស្តង់ដារពិភពលោក”។

ការចុះហត្ថលេខាលើអនុស្សរណៈយោគយល់គ្នានេះ គឺជាព្រឹត្តិការណ៍ដ៏សំខាន់មួយក្នុងការអភិវឌ្ឍន៍ BISC ដែលគ្រោងនឹងក្លាយទៅជាសាលាអន្តរជាតិឈានមុខគេនៅកម្ពុជា។ ដោយផ្តោតលើឧត្តមភាពសិក្សា បរិស្ថានធម្មជាតិ និងស្តង់ដារអន្តរជាតិ BISC ត្រៀមខ្លួនជាស្រេចដើម្បីបង្ហាញពីសក្តានុភាព និងឥទ្ធិពលវិជ្ជមានលើវិស័យអប់រំនៅកម្ពុជា៕

Filed in: ព័ត៌មានជាតិ

Recent Posts

Daily Theme designed by Theme Junkie.