ខេត្តស្វាយរៀង : នៅព្រឹកថ្ងៃសៅរ៍ ១២ កើត ខែ ភទ្របទ ឆ្នាំ រោង ឆ ស័ក ព.ស ២៥៦៨ ត្រូវនឹងថ្ងៃទី ១៤ ខែ កញ្ញាឆ្នាំ ២០២៤ រដ្ឋបាលឃុំសណ្ដៀងរាយបានរៀបចំពិធីសម្ពោធដាក់អត់ប្រើប្រាស់ជាផ្លូវការនៅអាគារសាលប្រជុំស្នាក់ការកណ្ដាលគណបក្ស ឃុំ កណ្តៀងងរាយ ស្ថិតនៅភូមិបន្ទាយ ឃុំ កណ្ដៀងរាយ ស្រុក ស្វាយទាប ខេត្តស្វាយរៀង ។
អញ្ជើញជាអធិបតីភាពដ៏ខ្ពង់ខ្ពស់
១.ឯកឧត្តម ប៉េង ពោធិសា សមាជិកគណៈកម្មាធិការកណ្ដាលនិងជាអនុប្រធានគណៈកម្មាធិការគណៈបក្សខេត្តស្វាយរៀង។
២.ឯកឧត្តម ម៉ឹង ពន្លក សមាជិកគណៈកម្មាធិការកណ្ដាលគណបក្សនិងជាប្រធានក្រុមការងារគណបក្សចុះមូលដ្ឋានឃុំ កណ្ដៀងរាយ
អញ្ជើញចូលរួមក្នុងពិធីនោះរួមមានឯកឧត្តមលោកជំទាវប្រតិភូអមដំណើរគណៈអធិបតី លោកប្រធាន អនុប្រធាននិងសមាជិកគណៈអចិន្ត្រៃយ៍គណៈកម្មាធិការគណបក្សស្រុក ប្រធានអនុប្រធាននិងសមាជិកគណៈកម្មាធិការគណបក្សឃុំ លោក លោកស្រី ថ្នាក់ដឹកនាំភូមិទាំងអស់នៅក្នុង ឃុំ កណ្តៀងរាយលោកនាយកសាលាបឋមសិក្សាទាំងអស់ក្នុង ឃុំ កណ្ដៀងរាយ កងកម្លាំងប្រដាប់អាវុធទាំងបី លោកប្រជាការពារភូមិទាំងអស់ក្នុង ឃុំ កណ្តៀងរាយ។
សមិទ្ធផលថ្មីដែលកំពុងប្រារព្ធពិធីសម្ពោធដាក់ឲ្យប្រើប្រាស់ជាផ្លូវការនាពេលនេះជាអំណោយដ៏ថ្លៃថ្លារបស់ ឯកឧត្តម ម៉ឹង ពន្លក សហការីនិងសប្បុរសជនដែលបានចូលរួមចំណែកកសាងហេដ្ឋារចនាសម្ព័ន្ធរបស់ឃុំនាពេលនេះសរុបថវិកាទាំងអស់ ២២.១៥០ ដុល្លារ ។
ថែមទាំងបំពាក់គ្រឿងការិយាល័យមានដូចជា : តុ កៅអី កុំព្យូទ័រ និងថវិកាជូនដល់សមាជិកសមាជិកាដែលបានចូលរួមនៅក្នុងកម្មវិធីទាំងអស់ក្នុងម្នាក់ៗទទួលបានថវិកា ៥០.០០០ (ប្រាំម៉ឺនរៀល) ផងដែរ។
ជាចុងក្រោយក៏មានការអញ្ជើញពិសាអាហារសាមគ្គីដ៏ធំមួយដោយទឹកមុខសប្បាយរីករាយច្រៀង រាំលេងកម្សាន ក្រោមដំបូលសន្តិភាពតែមួយ យើងទាំងអស់គ្នា សូមអរគុណដល់ប្រមុខថ្នាក់ដឹកនាំរាជរដ្ឋាភិបាលដែលដឹកនាំដោយ សម្ដេច មហាបវរធិបតី ហ៊ុន ម៉ាណែត ជានាយករដ្ឋមន្ត្រីនៃព្រះរាជាណាចក្រកម្ពុជាធ្វើឲ្យប្រទេសកម្ពុជាឈានទៅរកភាពសម្បូររុងរឿង ៕
ដោយលោក មាស សំអឿន
