កំពង់ធំ : ក្នុងឪកាសជួប សំណេះសំណាល និងសួរសុខទុក្ខកងកម្លាំងនៃអធិការដ្ឋាននគរបាលក្រុង ស្រុក ចំណុះស្នងការដ្ឋាននគរបាលខេត្តកំពង់ធំ នៅព្រឹកថ្ងៃទី១១ កញ្ញា ២០២៤ លោកឧត្តមសេនីយ៍ត្រី ហេង សុផល ស្នងការបានរម្លឹកដល់កងកំលាំងនគរបាលនៃអធិការដ្ឋានគរបាលស្រុកប្រាសាទបល្ល័ង្គ ស្រុកសន្ទុក និងក្រុងស្ទឹងសែន នៅបទវិន័យ៨៧៣ របស់កងកំលាំងនគរបាលជាតិ ដើម្បីពង្រឹងការអនុវត្តតួនាទី ភារកិច្ច មានសាមគ្គីភាព ឯកភាពនិងការទទួលខុសត្រូវ ។
លោកបានបន្តលើកឡើងថា កន្លងមកកងកម្លាំងនគរបាលនៅតាមអធិការ និងប៉ុស្តិ៍មូលដ្ឋាន គឺបានចូលរួមយ៉ាងសកម្ម ប្រកបដោយស្មារតី ឆន្ទ: ទទួលខុសត្រូវខ្ពស់ក្នុងការអនុវត្តបទបញ្ជារបស់ថ្នាក់ដឹកនាំ រហូតសម្រេចបានជោគជ័យ គួរជាទីមោទនៈ ក្នុងបេសកកម្មនារយៈពេលកន្លងមក។
ឆ្លៀតក្នុងឪកាសនោះ លោកឧត្តមសេនីយ៍ត្រី ក៍បានពាំនាំ
ប្រសាសន៍ សាកសួរសុខទុក្ខ របស់ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងប្រធានគណ:បញ្ជាការខេត្ត ដែលជានិច្ចកាលលោកតែងតែយកចិត្តទុកដាក់ គិតគូរពីសុខទុក្ខ របស់បងប្អូនទូទាំងខេត្ត ដែលកំពុងបំពេញតួនាទី ភារកិច្ច បេសកកម្ម ការពារ រក្សាសន្តិសុខ សុវត្ថិភាព សណ្តាប់ធ្នាប់ ជូនប្រជាពលរដ្ឋ តាមមូលដ្ឋានឃុំ-សង្កាត់។
សង្កត់ធ្ងល់លើភារកិច្ច និងតួនាទីខាងលើ លោកឧត្តមសេនីយ៍ត្រីបានរម្លឹកលើ បទវិន័យលេខ៨៧៣ របស់កងកម្លាំងនគរបាលជាតិ ក្នុងការរក្សា សន្តិសុខ សណ្ដាប់ធ្នាប់សារណ: និងសុវត្ថិភាព ជូនប្រទេសជាតិ ប្រកបដោយប្រសិទ្ឋភាព ខ្ពស់ ។ ដើម្បីពង្រឹងការគោរពអនុវត្តតួនាទី/ភារកិច្ច គ្រប់ឋានានុក្រម មានសាមគ្គីភាព ឯកភាព ការទទួលខុសត្រូវខ្ពស់និង ចូលរួម
ចំណែក ចែករំលែកជួយគ្នាទៅវិញទៅមក ក្នុងនាមកងកម្លាំងប្រដាប់អាវុធ្ធ ក្នុងពេលមានទុក្ខលំបាក។ ដើម្បី ពង្រឹងរបៀបរបបការងារជំនាញ ការងារសន្តិសុខ ការងារព្រហ្មទណ្ឌ ការងារប្រឆាំងគ្រឿងញៀន និងការប្រើប្រាស់វិធានការសរុប កម្លាំងសរុបសំដៅ បង្ការទប់ស្កាត់ បទល្មើស
គ្រប់ប្រភេទ មិនឱ្យកើតមានឡើង ក្នុងមូលដ្ឋាន ។ ដោយឡែកការងារសណ្ដាប់ធ្នាប់សាធារណ: រឹតបន្តឹងការអនុវត្តច្បាប់ចរាចរណ៍ផ្លូវគោក ក្នុងគោលបំណងកាត់បន្ថយគ្រោះថ្នាក់ចរាចរណ៍ ឱ្យមានកម្រិតទាប
រក្សាបាន ទ្រព្យសម្បត្តិ អាយុជីវិត។
ក្នុងឪកាសនោះដែ លោកឧត្តមសេនីយ៍ត្រីបានប្រគល់ រោងចល័ត អាវភ្លៀង និងថវិកា ដែលជាការឧបត្ថម្ភរបស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ ដល់កងកម្លាំងសម្រាប់កិច្ចប្រតិបត្តិការ រក្សា សន្តិសុខ សណ្តាប់ធ្នាប់សាធារណៈ សម្រាប់ពិធីបុណ្យភ្ជុំបិណ្ឌ។
