ខេត្តសៀមរាប=កម្លាំងមន្ត្រីជំនាញរដ្ឋបាលជលផលចុះបង្ក្រាបបទល្មើសនេសាទក្នុងរដូវបិទនេសាទរយៈពេល ២ ថ្ងៃ គឺនៅថ្ងៃទី០២និងថ្ងៃទី ៤ ខែកញ្ញា ឆ្នាំ២០២៤ ដោយមានកិច្ចសហការជាកម្លាំងចម្រុះចុះបង្ក្រាបឧបករណ៍នេសាទខុសច្បាប់ នៅចំណុច កោះធំ ដល់ចំការទាល់និងចំណុច កោះគ្របបាយក្នុងដែននេសាទសហគមន៍កំពង់ឃ្លាំង ក្នុងស្រុកជីក្រែងខេត្តសៀមរាប។
យោងតាមរបាយការណ៍របស់មន្ត្រីជំនាញជលផលបានបង្ហាញថានៅថ្ងៃទី០២ខែកញ្ញាឆ្នាំ ២០២៤ ផ្នែករដ្ឋបាលជលផលដំដែក , សង្កាត់រដ្ឋបាលជលផលសូទ្រនិគម និងសង្កាត់រដ្ឋបាលជលផលអន្លង់សំណរ ចុះទប់ស្កាត់ និងបង្រ្កាបបទល្មើសនេសាទដោយឧបករណ៍ខុសច្បាប់បានចំនួន ០២ករណី ឧបករណ៍លបលូ និងឧបករណ៍ស្បៃមុង) នៅចំណុចកោះធំ ដល់ចំការទាល់ក្នុងដែននេសាទសហគមន៍កំពង់ឃ្លាំង ដោយកាប់បំផ្លាញចោលឧបករណ៍ខុសច្បាប់នៅនឹងកន្លែងមាន៖
១-ក្បាលលបលូ ចំនួន ០៥គ្រឿង
-របាំងសាច់អួនក្រឡាតូចជាង៣សង់ទីម៉ែត្រ ប្រវែង៦០០ម៉ែត្រ។
-ចម្រឹង ចំនួន២០០ដើម
២۔ក្បាលស្បៃមុង ចំនួន ២០គ្រឿង
-របាំងស្បៃមុង ប្រវែង១០០០ម៉ែត្រ
-ចម្រឹងចំនួន៣០០ដើម
- លែងកូនត្រីចម្រុះ ចំនួន៣០០គីឡូក្រាម
-ប្រើប្រាស់ការណូត ចំនួន០២គ្រឿង កម្លាំងសរុប០៩នាក់។
- នៅថ្ងៃទី ០៤ ខែ កញ្ញា ឆ្នាំ ២០២៤ផ្នែករដ្ឋបាលជលផលដំដែក និងសង្កាត់រដ្ឋបាលជលផលសូទ្រនិគម បានចូលរួមសហការជាមួយគណៈបញ្ជាការឯកភាពរដ្ឋបាលស្រុក ដឹកនាំដោយលោក ជុំ ចាន់ថេង អភិបាលរង នៃគណះអភិបាលស្រុក និងដោយមានការចូលរួមពី លោកនាយករងរដ្ឋបាលស្រុក ការិយាល័យកសិកម្ម ធនធានធម្មជាតិ និងបរិស្ថានស្រុក មូលដ្ឋានកងរាជអាវុធហត្ថស្រុក ប៉ុស្តឹ៍នគរបាលរដ្ឋបាលឃុំកំពង់ឃ្លាំង ឧទ្យានុរក្សបរិស្ថានតំបន់ប្រើប្រាស់ច្រើនយ៉ាងស្នាក់ការកំពង់ឃ្លាំង ចុះត្រួតពិនិត្យ ទប់ស្កាត់ និងបង្រ្កាបបទល្មើសនេសាទខុសច្បាប់
- ក្នុងរដូវបិទនេសាទនៅចំណុច កោះគ្របបាយ ក្នុងដែននេសាទសហគមន៍កំពង់ឃ្លាំង បានចំនួន ០២ ករណី គឺនេសាទដោយឧបករណ៍ លបលូ ដែលមានក្រឡាតូចជាង ៣សង់ទីម៉ែត្រ និងឧបករណ៍ស្បៃមុង ដោយបានកាប់បំផ្លាញចោលនៅនឹងកន្លែងមាន៖
១- ឧបករណ៍លបលូក្រឡាតូចជាង៣សង់ទីម៉ែត្រ
-ក្បាលលបលូ ចំនួន ០៦ គ្រឿង
-របាំងសាច់អួន ប្រវែង ៦០០ម
-ចម្រឹងចំនួន ២០០ដើម
២- ឧបករណ៍ស្បៃមុង
-ក្បាលស្បៃមុង ចំនួន ០៩ គ្រឿង
-របាំងសាច់ស្បៃមុងប្រវែង៨០០ម
-ចម្រឹងចំនួន ៣០០ដើម
-លែងត្រី ចំនួន ១០០ គក្រ
កាណូត ចំនួន ០២គ្រឿងកម្លាំងចូលរួម ចំនួន ១២ នាក់។
