សមត្ថកិច្ចថៃបង្ក្រាបគ្រឿងញៀន៣វ៉ាលីធំៗបម្រុងដឹកឆ្លងដែនចូលមកប្រទេសកម្ពុជា
ប្រទេសថៃ,ខេត្តស្រះកែវ
យោងតាមប្រភពព័ត៌មាន ប្រទេសថៃបានឲ្យដឹងថា កម្លាំងសមត្ថកិច្ចថៃប្រចាំនៅច្រកទ្វារក្លងលឹក ស្រុកអារញ្ញប្រាថេត ខេត្តស្រះកែវ ទល់មុខក្រុងប៉ោយប៉ែត តាមប្រភពបញ្ជាក់ថាកម្លាំងសមត្ថកិច្ចថាបានហៅកម្មករអូសរទេះប្រុសស្រី០២នាក់មកសួរនាំ បន្ទាប់ពីមានសេចក្តីរាយការណ៍សង្ស័យថា មានគ្រឿងញៀនចំនួន០៣វ៉ាលី ដែលគេឲ្យកម្មករប្រុស ស្រី ដឹកបម្រុងឆ្លងដែនមកកម្ពុជា នៅព្រឹកថ្ងៃទី០៣ ខែកញ្ញា ឆ្នាំ២០២៤ នៅចំណុចច្រកទ្វារខាងលើ ស្ថិតក្នុងភូមិក្បាលស្ពាន០១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។ តាមប្រភពបន្តថា មុនពេលកើតហេតុមានជនជាតិថៃម្នាក់បានបើករថយន្តមកចតនៅចំណតរថយន្តជិតផ្សាររោងក្លឿ ស្រុកអារញ្ញ ប្រទេសថៃ រួចហើយបានមកហៅស្ត្រីម្នាក់ជាកម្មករអូសរទេះដើម្បីដាក់វ៉ាលីចំនួន០៣នោះ។ គ្រានោះស្ត្រីជាកម្មករខ្មែរបានដើរតម្រង់ទៅរថយន្ត ដើម្បីលើកឥវ៉ាន់ (វ៉ាលី)ដាក់លើរទេះ ដោយឡែកម្ចាស់ទំនិញបានដើរទៅបាត់ ខណៈនោះដែរស្ត្រីកម្មករជាម្ចាស់រទេះបានលើកវ៉ាលីម្ដងមួយៗដាក់លើរទេះ តែលើកមិនរូចក៏ហៅកម្មករប្រុសម្នាក់មកជួយលើក តែនៅតែលើកមិនរួចដដែល ក៏កើតមានការសង្ស័យបានឆែកមើលឃើញកញ្ចប់ដុំៗជាច្រើនដុំក៏បានរាយការណ៍ប្រាប់សមត្ថកិច្ចប្រចាំការនៅក្បែរនោះមកឆែកឆេរមើលតែម្តងទៅ។
បន្ទាប់ពីរាយការណ៍ប្រាប់សមត្ថកិច្ចរួចរាល់ហើយ សមត្ថកិច្ចជំនាញថៃបានមកឆែកឆេរក្នុងវ៉ាលីក៏បានឃើញគ្រឿងញៀនជាច្រើនក្នុងវ៉ាលីនីមួយៗ ក៌បានឃាត់ខ្លួនកម្មករប្រុស ស្រីទាំង០២នាក់ដើម្បីសួរនាំព័ត៍មានលម្អិតពីបញ្ហាគ្រឿងញៀនខាងលើនេះ។សេចក្ដីរាយការណ៍បានបន្ថែមទៀតថា បុរសជនសង្ស័យជាជនជាតិថៃមានប្រពន្ធជនជាតិខ្មែរ ដោយឡែកគ្រឿងញៀនចំនួន០៣វ៉ាលីស្មើនឹងចំនួន២០០គីឡូក្រាម។ មកទល់ពេលនេះកម្មករជួយលើកគ្រឿងញៀនដាក់លើរទេះត្រូវសមត្ថកិច្ចថៃដោះលែងមកវិញហើយ។ ចំណែកស្រ្តីជាម្ចាស់រទេះសមត្ថកិច្ចមិនទាន់ដោះលែងនៅឡើយទេ។ចំពោះជនសង្ស័យជាជនជាតិថៃ សមត្ថកិច្ចថៃកំពុងតែស្រាវជ្រាវបន្ត៕ទៀវ ដារិន
