កំពត ៖ រថយន្តមួយគ្រឿង ម៉ាកហ៊ីយុនដាយពណ៌ស ពាក់ស្លាកលេខ ភ្នំពេញ 3A-7168 បានដឹកឈើជ្រលង់ខុសច្បាប់ ពីភ្នំឱរ៉ាល់ ឆ្លងកាត់ស្រុកឈូក មកទុកនៅភូមិអង្គរជ័យ ទីមួយ ឃុំដំណាក់កន្ទួត ខាងត្បូង ស្រុកកំពង់ត្រាច ខេត្តកំពត ។ នៅពេលនោះ លោក ខៃ សម្ភស្ស ព្រះរាជអាជ្ញារងអមសាលាដំបូងខេត្តកំពត បានដឹកនាំកម្លាំងរាជអាវុធហត្ថខេត្ត និងស្រុកចុះបង្ក្រាបឈើជ្រលុងខុសច្បាប់ នោះបានចំនួនប្រាំបួនរយកៅសិបពីរដើម ។
ម្ចាស់រថយន្តដែលដឹកឈើជ្រលង់ខុសច្បាប់ទាំងនោះ មានឈ្មោះ ស្រី ពីន ភេទស្រី អាយុ ៤០ ឆ្នាំ រស់នៅភូមិច្បារមន សង្កាត់ច្បារមន ក្រុងច្បារមន ខេត្តកំពង់ស្ពឺ ដែលបាននាំឈើជ្រលង់ខុសច្បាប់ទាំង ត្រូវបាននាំខ្លួនទៅដោះស្រាយតាមផ្លូវច្បាប់ ៕
ដោយ ៖ ហេង ដារ៉ា
