កំពង់ត្រាច នាព្រឹកថ្ងៃទី ២៣ ខែមិថុនា ឆ្នាំ២០២៤ លោកអូន ខន អភិបាល នៃគណៈអភិបាលស្រុកកំពង់ត្រាច និងភរិយា បានអញ្ជើញជាអធិបតីដ៏ខ្ពង់ខ្ពស់ក្នុងពិធីកាត់ខ្សែបូរសម្ពោធឧបដ្ឋានធម្មសភា នៅវត្តកោះព្រះធម៌កែវ (ហៅវត្តតូប) ស្ថិតនៅភូមិអូរច្រនៀង ឃុំកំពង់ត្រាចខាងលិចពិធីខាងលើនេះមានការអញ្ជើញចូលរួមពីលោកអភិបាលរងស្រុក លោកនាយករងរដ្ឋបាលស្រុក កងកម្លាំង ការិយាល័យជំនាញជុំវិញស្រុក និងបងប្អូនប្រជាពលរដ្ឋសរុបចំនួនប្រមាណ ៣០០នាក់។        

ក្នុងឱកាសនេះលោកអភិបាលស្រុកក៏បានជួបសំណេះសំណាលសួរសុខទុក្ខ និងបាននាំយកនូវការផ្ដាំផ្ញើសួរសុខទុក្ខពីសំណាក់ឯកឧត្តមបណ្ឌិត ម៉ៅ ធនិន អភិបាល នៃគណៈអភិបាលខេត្តកំពត ជាមួយបងប្អូនប្រជាពលរដ្ឋក្នុងស្រុកកំពង់ត្រាចផងដែរ៕