ខេត្តរតនគិរី ៖ រថយន្តសាំយុងមួយគ្រឿងផ្ទុកឈើប្រណីតពេញប្រៀបតែម្តង ត្រូវក្រុមអ្នកកាសែតមួយក្រុមតាមប្រម៉ាញ់ ហើយហៅកំលាំងរដ្ឋបាលព្រៃឈើមកស្ទាក់បង្ក្រាបចាប់បានភ្លាមៗ នៅចំណុចព្រុំប្រទល់់ក្រុងបានលុង និងស្រុកបរកែវវេលាម៉ោង ០៣.៣០នាទីល្ងាចថ្ងៃទី០៥ ខែសីហា ឆ្នាំ២០១៥ រួចរឹបអូសយកមករក្សាទុកនៅខណ្ឌរដ្ឋបាលព្រៃឈើខេត្ត ព្រឹកឡើង ឮសូរមានអ្នកកំពុងតែរត់ការសុំដោះលែងវិញ ។
តាមប្រភពបានបង្ហើបអោយដឹងថា ឈើប្រណីតដែលដឹកតាមរថយន្តសាំយ៉ុងនោះចេញពីស្រុកកូនមុំ ឆ្ពោះទៅច្រកទ្វារអន្តរជាតិអូរយ៉ាដាវ តែត្រូវក្រុមអ្នកាសែតចំនួន០៤នាក់ប្រទះឃើញ ហើយរាយការណ៍ហៅជំនាញរដ្ឋបាលព្រៃឈើមកស្ទាក់ចាប់បានភ្លាមៗតែម្តង ។ រថយន្តដែលដឹកឈើប្រណីតខុសច្បាប់នេះម៉ាកសាំយុង ពណ៌ខៀវសំបកឪឡឹក ពាក់ស្លាកលេខភ្នុំពេញ២A៨៣៨០នាក់ បើកបរបានរតគេចខ្លួនភ្លាមៗ បន្ទាប់ពីសមត្ថកិច្ចធ្វើការបង្ក្រាប ។
បើតាមប្រភពបានបង្ហើបថាឈើប្រណីតទាំងនោះ មានម្ចាស់រត់កាឈ្មោះ ម៉ាប់ និងឈ្មោះឆ្អឹង ជាអ្នកលេងកំប្លែងធ្លាប់រត់ការគ្រប់សមត្ថកិច្ចអស់ហើយ ពេលធ្វើសកម្មភាព ត្រូវអ្នកកាសែតប្រទះឃើញ ហើយរាយការណ៍ជូនជំនាញរដ្ឋបាលព្រៃឈើអោយបង្ក្រាបបែបនេះ ។
គួរបញ្ជាក់ថា រថយន្តដែលដឹកឈើប្រណីតបែបនេះ គឺមានយ៉ាងច្រើនសន្ធឹកសន្ធាប់ណាស់ ស្ទើរតែអង្គុយរាប់ក៏មិនអស់ផង ខ្លះដឹកតាមម៉ូតូខ្លះតាមរ៉ឺម៉កស្តុបទុកតាមផ្ទះ និងតាមសិប្បកម្មជាដើម រួចដឹកបន្តទៅប្រទេសវៀតណាមតាមរថយន្តគ្របប្រភេទ ។ គេកំពុងរង់ចាំមើលថា តើរថយន្តសាំយ៉ុងមួយគ្រឿង ដែលបង្ក្រាបបាននេះអាចដោះលែងដែររឺទេ៕
សន ចាន់ឌី
