លោកវរសេនីយ៍ត្រី ពៅ រតនា នាយប៉ុស្តិ៍ស្ពានម៉ាឡៃ ដឹកនាំកម្លាំងធ្វើការដើរល្បាតចល័តក៏បានប្រទះ ឃើញប្រជាពលរដ្ឋខ្មែរ បម្រុងលួចឆ្លងដែនខុសច្បាប់ចូលប្រទេសថៃ ចំនួន១៤នាក់ ធ្វើការទប់ឃាត់ពួកគាត់ ក្នុងភូមិសាស្ត្រស្រុកម៉ាឡៃ
បន្ទាយមានជ័យ៖ដោយមានការណែនាំនិងបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងអនុវត្តតាមបទបញ្ជាផ្ទាល់របស់លោកវរសេនីយ៍ឯក សួង សៅ មេបញ្ជាការ វរសេនាតូចនគរបាលការពារព្រំដែនគោកលេខ ៨១៥ នៅវេលាម៉ោង១៤នឹង៣០នាទី ថ្ងៃព្រហស្បតិ៍ ទី១៨ ខែមេសា ឆ្នាំ២០២៤។
កម្លាំងប៉ុស្ដិ៍នគរបាលការពារព្រំដែនគោកស្ពានម៉ាឡៃចំនួន ០៤នាក់ ដឹកនាំដោយ លោកវរសេនីយ៍ត្រី ពៅ រតនា នាយប៉ុស្តិ៍នគរបាលការពារព្រំដែនគោកស្ពានម៉ាឡៃ នៃវរសេនាតូចលេខ៨១៥ បានធ្វើការដើរល្បាតចល័ត្ន ក៏បានប្រទះ ឃើញប្រជាពលរដ្ឋខ្មែរ បម្រុងលួចឆ្លងដែនខុសច្បាប់ចូលប្រទេសថៃ ចំនួន១៤នាក់ ស្រី០៥នាក់ កុមារ០១នាក់ ក៏បានធ្វើការទប់ឃាត់ពួកគាត់ ត្រង់ចំណុច គោលដៅដើមប្រេងខ្យល់ ស្ថិតនៅក្នុង ភូមិដំបូកវិល ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។
ប្រជាពលរដ្ឋទាំងអស់មានទីលំនៅក្នុងខេត្តចំនួន០៣គឺ មានដូចខាងក្រោម៖
១.ខេត្តបាត់ដំបង ០៦ នាក់
២.ខេត្តប៉ៃលិន ០៧ នាក់
៣.ខេត្តសៀមរាប ០១ នាក់
បច្ចុប្បន្ន៖កម្លាំងប៉ុស្ដិ៍នគរបាលការពារព្រំដែនគោកស្ពានម៉ាឡៃ នៃវរសេនាតូចលេខ៨១៥ធ្វើការសួរនាំ និងធ្វើកិច្ចសន្យារួច ក៏បានប្រគល់ពួកគាត់ទៅប៉ុស្តិ៍នគរបាលរដ្ឋបាលម៉ាឡៃដើម្បីអនុវត្តន៍តាមនិតិវិធីបន្ត។
