សៀមរាប ៖ ប្រជាពលរដ្ឋបានរិះទៅលោកអភិបាលខេត្ត នឹងលោកស្នងការ ថាល្បែងភ្នាល់តាម អនឡាញហ្គេម អ៊ីនធើណេត រីកដូចផ្សិត យ៉ាងអនាធិបតេយ្យ រីកស្គុះស្គាយក្នុងក្រុង នៅចំណុចផ្សារដើមក្រឡាញ់ , សែនសប្បាយ២ផ្លូវលោកតាណឺយ ផ្លូវបាក់ខែង ក្រុងនិងខេត្តសៀមរាប បានបើកលែង ជាសារធារណៈជាច្រើនឆ្នាំមកហើយ ដោយមិនខ្លាចច្បាប់ ឬក៏ មានការបើកភ្លើងខៀវ ពីអាជ្ញាធរមានសមត្ថកិច្ច ។
ប្រជាពលរដ្ឋដែលរស់នៅក្បែរតំបន់នោះបានឲ្យដឹងថា តាំង ពីបើកល្បែងស៊ីសង អ៊ីនធើណេត នេះមក ពួកគាត់ឃើញ មនុស្សទាំងតូចទាំងធំចូលលេង ជាពិសេសសិស្សសាលាតែម្ដង ពួកគាត់បានគេចពីសាលាចូលមកលេងជារៀងរាល់ថ្ងៃ មានទាំងកូនរបស់គាត់ផងដែរ ។
គាត់បន្តទៀតថា៖ ល្បែងហ្គេមអ៊ីនធើណេតទាំងនេះ បានបើកដំណើរការជាយូរឆ្នាំ ណាស់មកហើយ តែមិនដែលឃើញ សមត្ថកិច្ច ឬ ក៏អាជ្ញាធរ ចុះបង្ក្រាប ឬ ទប់ស្កាត់នោះទេ គេបានដាក់ការសង្ស័យថា ការបើកល្បែងហ្គេមអ៊ីនធើណេត បានរលូននេះ គឺមកពីសមត្ថកិច្ចអាជ្ញាធរ បើកភ្លើងខៀវ មិនបង្ក្រាប ជាថ្នូរនិងថវិការ ដាក់ហោប៉ៅក្រោយ ឬ ក្រោមតុ ជាប្រព័ន្ធហើយមើលទៅ បានជាសង្ងំស្ងាត់ឈឹង មើលមិនឃើញសោះ នោះឡើយ ។
ប្រជាពលរដ្ឋបាននិយាយអួតសរសើរពី ឯកឧត្តម ហ៊ូ វ៉ាន់នី នៅកាន់ស្នងការ នគបាលខេត្តសៀមរាប ប្រហែលបានជាង២ខែ ឯកឧត្តមបានធ្វើការ បង្ក្រាបល្បែងស៊ីសង គ្រប់ប្រភេទ តែសំណាងអាក្រក់ បង្ក្រាប ប៉ះចំខ្សែ អ្នកធំ បានត្រូវបានដកតំណែងចេញ ផ្លាស់ប្តូរ ពីស្នងការនគបានខេត្តតែម្តង ដោយដោះដូរមកលោក ទិត្យ ណារ៉ុង អធិការក្រុង មកជំនួស តំណែងស្នងការ នាពេលបច្ចុប្បន្ននេះវិញ ។
បើតាមសំដីមេការល្បែងហ្គេមអ៊ីធើណេត បានប្រាប់ថា គាត់ជាអ្នកស៊ីឈ្នួលគេទេ តែមេរបស់ខ្ញុំគាត់បានដោះស្រាយ ជាមួយថ្នាក់លើ រួចរាល់អស់ហើយ ទើបគ្មានសមត្ថកិច្ចណា មករវីរវល់ ហើយគាត់បានប្រាប់ទៀតថា កុំប្រាប់អ្នកសារព័ត៌មានឱ្យសោះ ថាលោកបើកឱ្យលេងនោះ។
ទោះជាយ៉ាងណាក៏ដោយ ពលរដ្ឋរង់ចាំមើលនូវចំណាត់ការ របស់លោក ទិត្យ ណារ៉ុង ស្នងការនគរបាលខេត្តសៀមរាប តើល្បែងស៊ីសងហ្គេមអ៊ីនធើណេត រីកដូចផ្សិតខាងលើនេះ ដែលបានបើកដំណើរការ យូរឆ្នាំ មកហើយ ដែលល្មើសទៅនឹងភូមិឃុំមានសុវត្ថិភាព ទាំង០៩ចំណុច គឺចំណុចទី០៥នេះតែម្តង តើលោក ហ៊ានបង្រា្កបដែរ ឬយ៉ាងណា សូមរង់ចាំមើលទាំងអស់គ្នា ៕
