មន្ត្រីសុរិយោដីនៅក្រុងប៉ោយប៉ែត ត្រូវបានប្រជាពលរដ្ឋចោទប្រកាន់ថា បានរំលោភផ្លូវយកដីធ្វើកម្មសិទ្ធិ នោះ ត្រូវបានរដ្ឋមន្ត្រីក្រសួងដែនដីនគរូបនីយកម្ម និងសំណង់ បានធ្វើការស្រាវជ្រាវជាក់ស្តែងដោយក្រុមអធិការ កិច្ចប្រចាំក្រសួងមួយនេះរកឃើញថា លោក ប្រាក់ ប៉ូលិស ពុំមានការពាក់ព័ន្ធនោះឡើយ ។
មន្ត្រីនៃក្រុមអធិការកិច្ច ក្រសួងដែនដីនគរូបនីយកម្ម និងសំណង់មួយរូប ក្នុងក្របខណ្ឌសុំមិនឱ្យបញ្ចោញ ឈ្មោះបាននិយាយឱ្យដឹងតាមទូរស័ព្ទថា លោក ប្រាក់ ប៉ូលី មន្ត្រីសុរិយោដីក្រុងប៉ោយប៉ែតមិនពាក់ព័ន្ធក្នុងការរំលោភ យកផ្លូវរបស់ប្រជាពលរដ្ឋក្រុម ១៩ ភូមិសាមគ្គី សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យនោះទេ ព្រោះដីដែលនៅជាប់ផ្លូវនោះជាកម្មសិទ្ធិរបស់អ្នកដទៃហើយផ្លូវនោះ ក៏មិនបាត់បង់អ្វីឡើយ ។
រឿងនេះបានពាក់ព័ន្ធ ជាមួយអ្នកដទៃវិញនោះទេ ។ ដូច្នេះលោកប្រាក់ ប៉ូលី ពុំមានពាក់ព័ន្ធជាមួយរឿងរំលោភយកផ្លូវប្រជាពលរដ្ឋហើយ រូបលោកក៏ពុំត្រូវទទួលពិន័យអ្វីនោះទេ ហើយរឿងនេះលោកក៏បានរាយការណ៍ទៅ ឯកឧត្តមរដ្ឋមន្ត្រីរួចហើយដែរ ។
ទាក់ទិនទៅនឹងរឿងចោទប្រកាន់រំលោភយកផ្លូវនេះលោក ប្រាក់ ប៉ូលី បានឱ្យដឹងតាមទូរស័ព្ទ កាលពីថ្ងៃទី ៣០ ខែកក្កដា នេះថា រូបលោកបានទទួលដំណឹងពីរឿងរំលោភយកផ្លូវប្រជាពលរដ្ឋនោះ រូបលោកក៏បានចុះទៅ ពិនិត្យផ្ទាល់ក្នុងនាមជាមន្ត្រីសុរិយោដី កាលពីថ្ងៃទី ២៤ ខែកក្កដា ឆ្នាំ២០១៤ ដោយពិនិត្យមើលឃើញថា ផ្លូវគឺនៅ ជាផ្លូវដដែល ហើយដីមួយចំណែកជារបស់លោក សី ស៊ីឡៃ ជាមន្ត្រីជលផល និងឈ្មោះ លី ហៅខ្លាឃ្មុំ បានពុះបែង ចែកជាឡូតិ៍លក់ទៅឱ្យប្រជាពលរដ្ឋហើយបានលើកជាផ្លូវដើម្បីងាយស្រួល ក្នុងការដោះដូរ ។ ការរំលោភយកផ្លូវ នេះជារឿងរបស់ប្រជាពលរដ្ឋជាមួយនឹងឈ្មោះ សី ស៊ីឡៃ ជាមន្ត្រីជលផលនោះទេ ហើយក៏មិនបានពាក់ព័ន្ធជាមួយរូបលោកដែរ ។
លោក ប្រាក់ ប៉ូលី បានបន្តឱ្យដឹងទៀតថា រឿងរំលោភយកផ្លូវនេះប្រជាពលរដ្ឋ ១០០គ្រួសារ នៅក្នុងក្រុម ១៩ ភូមិសាមគ្គីមានជ័យ ក្រុងប៉ោយប៉ែត នេះបានពាក់ព័ន្ធជាមួយឈ្មោះ សី ស៊ីឡៃ មន្ត្រីរដ្ឋបាលជលផល និងឈ្មោះ លី ហៅខ្លាឃ្មុំ និងឈ្មោះ ម៉ា រុល តែប៉ុណ្ណោះ ។ ចំណែកឯរូបលោកវិញ គឺអនុវត្តន៍ការងារតាមតែតួនាទីភារកិច្ច និងជំនាញតែប៉ុណ្ណោះ ។ នៅពេលដែល លោកចុះទៅពិនិត្យពីការរំលោភនោះ ត្រូវបានមតិមហាជន បែរជាចោទប្រកាន់ថា រូបលោកជាអ្នក ឃុបឃិតយកផ្លូវធ្វើជាកម្មសិទ្ធិឯកជនទៅវិញ ។
ជាក់ស្តែងគឺ រូបលោកត្រូវតែធ្វើការត្រួតពិនិត្យដល់ទីតាំងដែលមានទំនាស់ធ្វើការ ស៊ើបសួរព័ត៌មានឱ្យបាន ច្បាស់លាស់ដើម្បីអនុវត្តន៍ការងាររបស់លោកធ្វើជារបាយការណ៍តែប៉ុណ្ណោះ ៕
