កងទ័ពជាតិ ជារបស់ជាតិ ការពារជាតិ ការពាររដ្ឋធម្មនុញ្ញ ការពារប្រជាជនទូទៅ ការពាររដ្ឋាភិបាល ដែលដឹកនាំដោយគណបក្សប្រជាជនកម្ពុជា ។ កងទ័ពជាតិកើតចេញពីគណបក្សប្រជាជនកម្ពុជាបំរើឲ្យប្រជាជនទូទៅ ។ រាល់កងទ័ពទាំងអស់គឺកើតចេញពីគណបក្សប្រជាជនសូម្បីតែមន្ត្រីគណបក្សនយោបាយដទៃផ្សេងទៀតក៏កើតចេញពីគណបក្សប្រជាជនផងដែរ ។គឺធ្វើអ្វីៗដើម្បីបំរើផលប្រ យោជន៏ប្រជាជនទាំងអស់គ្នាគោរពរដ្ឋធម្មនុញ្ញនៃព្រះរាជាណាចក្រកម្ពុជា គោរពព្រះមហាក្សត្រមានន័យថា កងទ័ពជាតិចាប់តាំងពីឆ្នាំ១៩៧៩មក មុននឹងចូលនិន្នាការនយោបាយនៅឆ្នាំ១៩៩៣ សុទ្ធសឹងតែកើតចេញពីគណបក្សប្រជាជនកម្ពុជាទាំងអស់គ្រប់ៗគ្នា ក្រោមការដឹកនាំតែមួយគត់ ដែលមានសម្តេចអគ្គសេនាធិបតីតេជោ ហ៊ុន សែន នាយករដ្ឋមន្ត្រីនៃកម្ពុជា។
នេះបើតាមការលើកឡើងរបស់ លោក ជា តារា ព្រោះរដ្ឋាភិបាលកម្ពុជា សព្វថ្ងៃដឹកនាំដោយគណបក្សប្រជាជនកម្ពុជា ដូចនេះទាហានមិនអាចទៅការពារគណបក្សផ្សេងបានទេ។ ពាក្យដែលលើកឡើងថា នាយករដ្ឋមន្ត្រីចិញ្ចឹមទាហាន គឺមានន័យថា នាយករដ្ឋមន្ត្រីគ្រប់គ្រងទាហានគោលនយោបាយរដ្ឋាភិបាល ជាគោលនយោបាយរបស់គណបក្សឈ្នះឆ្នោត ហើយបច្ចុប្បន្នជាគោលនយោបាយរបស់គណបក្សប្រជាជន មានន័យថា ការពារគណបក្សឈ្នះឆ្នោតនេះឯង ។ លោកជាតារាបានប្រកាសថាកងទ័ពជាម នុស្សរបស់គណបក្សប្រជាជនកម្ពុជាពិតជាត្រឹមត្រូវ ។
សូមបញ្ជាក់ថា កាលពីថ្ងៃពុធនេះលោក ជា តារានាយឧត្តមសេនីយ៏ផ្កាយមាស៤ ថ្លែងនៅក្នុងសិក្ខាសាលាស្ដីពីសម្ព័ន្ធមេត្រីភាពរវាងអង្គភាពកងទ័ព កងនគរបាលជាតិជាមួយស្ថាប័នអង្គភាពស៊ីវិល នៅវិមានសន្តិភាព ដែលមានការចូលរួមពីលោកស្រីម៉ែន សំអន រដ្ឋមន្ត្រីក្រសួងទំនាក់ទំនងរដ្ឋសភា ព្រឹទ្ធសភានិងអធិការកិច្ច មេបញ្ជាការកងរាជអាវុធហត្ថ លោក សៅ សុខា អគ្គមេបញ្ជាការរងនៃកងយោធពលខេមរភូមិន្ទ លោក ហ៊ីង ប៊ុនហៀង និងមន្ត្រីជាន់ខ្ពស់របស់រដ្ឋាភិបាលមួយចំនួនទៀត។
លោក ជា តារា បានថ្លែងថាកងទ័ពមានតួនាទីក្នុងការការពាររដ្ឋធម្មនុញ្ញ ព្រះមហាក្សត្រនិងរដ្ឋាភិបាលស្របច្បាប់ ហើយប្រឆាំងដាច់ខាតនឹងបដិវត្តន៍ពណ៌។លោក ជា តារា បានប្រកាសថាកងទ័ពជាតិគឺជារបស់ជាតិការពារជាតិការពាររដ្ឋធ ម្មនុញ្ញការពារប្រជាជនទូទៅការពាររដ្ឋាភិបាលដែលដឹកនាំដោយគណបក្សប្រជាជនកម្ពុជា។
លោកបញ្ជាក់ថា ប៉ុន្តែកងទ័ពនៅមានភារកិច្ចមួយទៀត សម្តេចតេជោទើបមានប្រសាសន៍ ហើយប្រសាសន៍នេះចងចាំតាំងពីយូរហើយ ថ្ងៃទី២៣(ខែកក្កដា) កងទ័ព បើនិយាយឲ្យចំកងទ័ពម្នាក់ជារបស់ប្រជាជន របស់គណបក្សប្រជាជន ពីព្រោះសម្តេចតេជោជាអ្នកចិញ្ចឹមបីបាច់ថែរក្សា ដឹកនាំ បញ្ជាកងទ័ព។ កងទ័ពគឺជាកងទព័របស់រដ្ឋាភិបាលដែលឈ្នះ!ឆ្នោតដែលដឹកនាំដោយគណបក្សប្រជាជន។
លោក ជា តារា បានបញ្ជាក់បន្ថែមពាក់ព័ន្ធនឹងការបង្ក្រាបអ្នកធ្វើឲ្យមាន បដិវត្តន៍ពណ៌ថាមិនបាច់ចាំបាច់ប្រើបេអឹម មិនបាច់ប្រើរថក្រោះទេ ប្រើតែព្រនង់ក៏រត់អត់រួចដែរ។
ការអះអាងរបស់លោក ជា តារា បានធ្វើឡើងក្នុងសិក្ខាសាលា ស្ដីពីសម្ព័ន្ធមេត្រីភាព រវាងអង្គភាពកងទ័ព កងកម្លាំងនគរបាលជាតិ ជាមួយស្ថាប័នអង្គភាពស៊ីវិល ។
ការអះអាងរបស់ លោក ជា តារា ដែលថាកងយោធពលខេមរភូមិន្ទ ជាកងទ័ពរបស់រដ្ឋាភិបាលគណបក្សប្រជាជនកម្ពុជាស្របនឹងការលើកឡើងរបស់ សម្តេចនាយករដ្ឋមន្ត្រី ហ៊ុន សែន ដែលថ្លែងកាលពីថ្ងៃទី២៣ កក្កដា ថាកងកម្លាំងប្រដាប់អាវុធ គឺជាឧបករណ៍របស់រដ្ឋក្នុងកិច្ចការពារជាតិ ការពាររដ្ឋធម្មនុញ្ញ និងការពាររដ្ឋាភិបាលស្របច្បាប់។
សូមរំលឹកផងដែរថា កាលពីថ្ងៃទី២៣ ខែកក្កដា ក្នុងពិធីជួបសំណេះសំណាលជាមួយកងកម្លាំង ប្រដាប់អាវុធ និងមន្ត្រីរាជការប្រមាណ ៥ ពាន់នាក់ មកពីបណ្តាអង្គភាពនានានៅទូទាំងប្រទេស សម្តេចហ៊ុន សែន បានបញ្ជាឲ្យប្រឆាំងដាច់ខាតនឹងបដិវត្តន៍ពណ៌ ៕
