ភ្នំពេញ៖នៅវេលាម៉ោង ១៦,១០នាទី ថ្ងៃទី២២ ខែមិថុនា ឆ្នាំ២០១៨ មន្ត្រីយោធារូបថ្នាក់់ឧត្តមសេនីយ៍ទោជិះរថយន្តម៉ាកSienna ពាក់ស្លាកលេខ ខេមរៈភូមិន្ទ 2-8779 បានឡើងមកបន្ទប់ លោក អភិបាលខណ្ឌ មកសួរនាំ បញ្ហា ករណីនគរបាលចរាចរ និងកម្លាំងប្រជាការពារខណ្ឌ ឃាត់ម៉ូតូរបស់ខ្លួន ដែលជិះបញ្ច្រាសទិសនៅវិមានឯករាជ្យ ។ សម្តីដែលលោកឧត្តមសេនីយ៍សម្លុតអភិបាលខណ្ឌមានដូចជា៖-គ្រាន់តែជិះបញ្ច្រាសសោះ នាំគ្នាព័ទ្ធចាប់ដូចចាប់ចោរ- ម៉េច! ធ្វើចឹងចង់បានលុយដុំមែន?- ស៊ីប្រាក់ខែរាស្ត្រធ្វើបាបរាស្ត្រ អញក៏ជាមន្ត្រីរាជការដែរ – ឯងកុំភ្លើជាមួយអញ អាភ្លើ!។
សូមបញ្ជាក់ថាកាលពីយប់ ថ្ងៃទី២១ ខែមិថុនា ឆ្នាំ២០១៨ មានបុរស ០២នាក់ ជិះម៉ូតូម៉ាក Honda Dream 125 ពាក់ស្លាកលេខ ភ្នំពេញ 1GT-4290 បានបើកបរបញ្ច្រាសទិសចរាចរណ៍នៅចំណុចវិមានឯករាជ្យ ដែលជាគោលដៅអនុវត្តន៍ច្បាប់ចរាចរណ៍ និងអនុវត្តតាមបទបញ្ជារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។ ក្នុងការអនុវត្តន៍នោះបានម្ចាស់ម៉ូតូដែលមានថានៈឧត្តមសេនីយ៍ទោយោធាបានប៉ះសំដីគ្នាជាមួយកម្លាំងដែលកំពុងអនុវត្តច្បាប់ ព្រមទាំងចាក់សោរកម៉ូតូរបស់ខ្លួន មិនឲ្យសមត្ថកិច្ចលើកដាក់រថយន្តទៀតផង ។
តាមរូបភាពនិងពតិមានដែលទទួលបានខាងលើនេះបង្ហាញថាខ្លួនមន្ត្រីយោធាជាន់ខ្ពស់ តែមិនគោរពច្បាប់ចរាចរ ជាពិសេស មិនគោរពបទបញ្ជា សម្តេចតេជោ នាយករដ្ឋមន្ត្រីដែលតម្រូវឲ្យសមត្តកិច្ចបង្ក្រាបបទល្មើសចរាចរដែលបើកបរបញ្ច្រសទឹកនៅត្រង់រង្វង់មូលវិមានឯករាច្រក្បែរផ្ទះនាយករដ្ឋមន្ត្រីតែម្តង ដែលទង្វើនេះជាគំរូមិនល្អ ហើយធ្វើឲ្យបាត់បង់កិត្តិយសរបស់កម្លាំងប្រដាប់អាវុធជាតិ។ មិនអាចសុំការពន្យល់ពីលោកឧត្ដមសេនីយ៍ទោ សូយ ចាន់សឿន តួនាទី នាយករងទីចាត់ការអភិវឌ្ឍន៍ អគ្គបញ្ជាការដ្ឋានដែលជាតួអង្គក្នុងរឿងនេះបានទេ!។
លោក រុន សារ៉េត
