ខេត្តប៉ៃលិន ៖ ប្រជាពលរដ្ឋចំនួន៤ទៅ៥គ្រួសារ រស់នៅក្នុងភូមិអូរស្ងួត សង្កាត់បរយ៉ាខា ក្រុ ងប៉ៃលិន បានសម្តែងនូវការមិនពេញចិត្តនឹងក្រុមហ៊ុនពុះដីឡូតិ៍លក់ ដែលបាននាំគ្នាបើកបរគ្រឿង ចក្រឆ្លងកាត់ផ្លូវមុខផ្ទះរបស់ពួកគាត់ចេញចូលទៅមក បណ្តាលឱ្យខូចខាតហើយមិនព្រមជួសជុល ជូនពួកគាត់ប្រើប្រាស់ឡើងវិញ ជាហេតុធ្វើឱ្យលំបាកក្នុងការចេញចូលទៅមក ។
ប្រជាពលរដ្ឋរស់នៅក្បែរកន្លែងផ្លូវខូចខាតខាងលើ បានឱ្យដឹងថា ផ្លូវលំ១ខ្សែនេះ ត្រូវបាន អាជ្ញាធរឈូសឆាយដាក់ឱ្យពួកគាត់ប្រើប្រាស់អស់រយ:ពេលជាយូរមកហើយ ប៉ុន្តែកាលពីប៉ុន្មានខែ កន្លងទៅនេះ មានម្ចាស់រមណីយដ្ឋានហ្លួងរតនសម្បត្តិម្នាក់ បានឈូសឆាយដីរបស់គេបិទប្រឡាយ ទឹកជាប់មិនអាចឱ្យទឹកហូរចេញរួច លុះមានក្រុមហ៊ុនពុះដីឡូតិ៍លក់បើកបរគ្រឿងចក្រ និងរថយន្តដឹ កដីឆ្លងកាត់ចុះឡើងៗ បណ្តាលឱ្យរងការខូចខាតតែម្តង ។
ពួកគាត់បន្តទៀតថា រហូតមកដល់ពេល នេះទៅហើយ មិនទាន់ឃើញមានខាងក្រុមហ៊ុនដីឡូតិ៍ ឬខាងណាមកជីកកកាយដាក់លូដើម្បីឱ្យទឹក ហូរផុតពីផ្លូវនេះទេ ។ ម្យ៉ាងវិញទៀត ពេលភ្លៀងម្តងៗ ធ្វើឱ្យទឹកហូរលិចផ្ទះរបស់ពួកគាត់លំបាកក្នុង ការរស់នៅយ៉ាងខ្លាំង ។
លោក សំ អឿន មេភូមិអូរស្ងួត បានឱ្យដឹងថា ផ្លូវលំខាងលើទទួលរងការខូចខាត ដោយសា រតែមានគេឈូសឆាយដីរបស់គេលុបប្រឡាយ មិនអាចឱ្យទឹកហូរចេញទៅក្រៅបាន ហើយស្របពេ លដែលមានក្រុមហ៊ុនពុះដីឡូតិ៍បើកបររថយន្តចេញចូលទៅមក ខណ:មេឃភ្លៀង ទើបបណ្តាលឱ្យ ផ្លូវខូចបែបនេះ ។ ខាងលោកក៏បានទាក់ទងទៅសួរនាំគេដែរ តែអត់មានអ្នកណាចេញមុខធ្វើផ្លូវខាង លើជូនប្រជាពលរដ្ឋវិញនោះទេ ។
ពាក់ព័ន្ធទៅនឹងបញ្ហានេះ លោក វ៉ាន់ សាម៉េត ម្ចាស់រមណីយដ្ឋានហ្លួងរតនសម្បត្តិ បានឱ្យដឹ ងថា ខាងលោកអត់បានលប់ប្រឡាយទឹកនាំឱ្យលិចផ្លូវ និងផ្ទះប្រជាពលរដ្ឋនោះទេ គឺខាងលោកឈូ សឆាយនៅលើដីរបស់ខ្លួនដែលស្ថិតនៅជាប់នឹងផ្លូវលំខាងលើប៉ុណ្ណោះ ។ ផ្លូវខូចគឺដោយសារតែអត់ មានប្រពន្ធលូត្រឹមត្រូវ ហើយស្របពេលដែលគ្រឿងចក្របើកបរចេញចូលពេលភ្លៀង ទើបបណ្តាល ឱ្យខូចបែបនេះ ៕
ដោយ ៖ នីយ៉ា
