រដ្ឋបាលខេត្តស្វាយរៀងបានរៀបចំកម្មវិធីការប្រកួតកីឡាបាល់ទាត់មិត្តភាពក្តីស្រឡាញ់និងសប្បុរសធម៌ក្រោមម្លប់សន្តិភាព

ខេត្តស្វាយរៀង: នៅល្ងាចថ្ងៃអង្គារទី ១៣ ខែ កុម្ភៈ ឆ្នាំ ២០២៤ រដ្ឋបាលខេត្តស្វាយរៀងបានរៀបចំកម្មវិធីការប្រកួតកីឡាបាល់ទាត់រវាងថ្នាក់ដឹកនាំខេត្តស្វាយរៀងជាមួយក្រុមបាល់ទាត់ cambodia football super star ដែលជាការប្រកួតលក្ខណៈមិត្តភាពក្តីស្រឡាញ់និងសប្បុរសធម៌ដើម្បីរកថវិកាជួយឧបត្ថម្ភទៅដល់មជ្ឈមណ្ឌលកុមារកំព្រាខេត្តស្វាយរៀង ។

កន្លែងប្រកួតប្រារព្ធធ្វើឡើងនៅកីឡាដ្ឋានស្វាយរៀងយើងឃើញថាការប្រកួតចាប់ផ្ដើមនៅតង់ទីមួយក្រុមបាល់ទាត់ម្ចាស់ផ្ទះស៊ុតចូល ២ គ្រាប់ទល់នឹង 0ចូលដល់តង់ទី ២ ក្រុមបាល់ទាត់ cambodia football super star ស៊ុតចូលមួយគ្រាប់វិញ។
ចប់ការប្រកួតលទ្ធផលពីទល់នឹងមួយបន្ទាប់មកតំណាងក្រុមបាល់ទាត់ទាំងពីរក្រុមយកកញ្ចប់ថវិកាដែលបានមកពីការបរិច្ចាគពីសប្បុរសធម៌ជូនដល់ប្រធានមន្ទីរសង្គមកិច្ចអតីតយុទ្ធជននិងនីតិសម្បទាខេត្តស្វាយរៀងដើម្បីទុកដោះស្រាយរាល់សេចក្តីតម្រូវការរបស់កុមារកំព្រានិងជនទីទទួលក្រជួបការលំបាកខ្វះខាត។

ជាទីបញ្ចប់ក្រុមកីឡាបាល់ទាត់ទាំងពីរក្រុមរួមជាមួយថ្នាក់ដឹកនាំខេត្តស្វាយរៀងថតរូបអនុស្សាវរីយ៍ដោយទឹកមុខសប្បាយរីករាយក្រោមដំបូលសុខសន្តិភាពតែមួយ ៕