ខេត្តរតនគិរី ៖ រថយន្តយីឌុបចំនួនពីរគ្រឿងដឹកឈើហ៊ុប ដែលមិនទាន់កែច្នៃប្រភេទឈើប្រណិតធ្នង់ ឈើទាំងអស់ នោះចេញពីដីសប្បទានសេដ្ឋកិច្ចមួយកន្លែងដែលមានឈ្មោះ CRD (ស៊ី អរ ឌី) ដែលមានទីតាំងក្រុមហ៊ុនស្ថិតនៅ ភូមិកាំ ឃុំល្អក់ ស្រុកអូរជុំ ។ រថយន្តទាំងពីរគ្រឿងខាងលើត្រូវបានមន្ត្រីប៉ូលីសសេដ្ឋកិច្ចនៃស្នងការដ្ឋាននគរបាលខេត្តស្ទាក់ចាប់និងធ្វើការចែកឆេរាល់លិខិតអនុញ្ញាតក្នុងការឃាត់រថយន្តទាំងពីរគ្រឿងនោះដែរវេលាម៉ោង ១០ព្រឹកនៅថ្ងៃទី ២៤ ខែកក្កដា ឆ្នាំ ២០១៥ ឃាត់រថយន្តនោះនៅចំណុចភូមិថារ៉ងស្វាយឃុំអូរជុំស្រុកអូរជុំខេត្តរតនគិរី ។
ទាក់ទិននឹងករណីខាងលើនេះលោកនូវដារ៉ាប្រធានការិល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តបានអោយដឹងថាឈើដែលបានដឹកជញ្ជូនខាងលើនោះគឺមានច្បាប់ ត្រឹមត្រូវក៏ប៉ុន្តែក្រោយពីសមត្ថកិច្ច(PC)និងលិខិតបើកផ្លូវចេញដោយមន្ត្រីរដ្ឋបាលព្រៃឈើខេត្តវាខុសក្នុង លិខិតអនុញ្ញាតទាំងស្រុង ដោយហេតុផលទីមួយ ក្នុងលិខិតអនុញ្ញាតរបស់មន្ត្រីរដ្ឋបាលព្រៃឈើមានខ្លឹមសារថា ដឹកជញ្ជូនឈើជ្រៀកនិងអារហើយដល់ពេលប៉ូលីសសេដ្ឋកិច្ចខេត្តឆែកឆេរមើលឃើញថា សុទ្ធឈើហ៊ុបប្រភេទឈើធ្នង់ ដែលមិនទាន់បានកែច្នៃទាំងអស់ ។ ឈើនោះដឹកតាមរថយន្តទី១ ម៉ាកហ្វុយសូពណ៌ខៀវពាក់ផ្លាក់ លេខ សីហនុ 3A0489 បានផ្ទុកឈើធ្នុងហ៊ុបចំនួន12ដុំ រថយន្តទី២ ម៉ាក់ ហ៊ីយិនដាយពណ៌ស ពាក់ផ្លាក់ លេខតាកែវ 3A0995 បានផ្ទុកឈើហ៊ុបប្រភេទធ្នង់ចំនួន20ដុំ សរុបជាគីបមានចំនួន16,941ម៉ែតគូប។ រថយន្តទាំងពីរ គ្រឿងនេះមានបំណងដឹកឈើក្នុងទិសដៅឆ្ពោះទៅសិប្បកម្ម សយ សុផល មានទីតាំងសង្កាត់ភ្នំពេញថ្មី រាជធានី ភ្នំពេញ។
នៅពេលនេះ សមត្ថកិច្ចប៉ូលីសបានឃាត់រថយន្តទាំងពីរគ្រឿងយកមករក្សាទុកនៅខ័ណ្ឌរដ្ឋបាល ព្រៃឈើខេត្ត ដើម្បីអោយម្ចាស់ឈើដោះស្រាយតាមផ្លូវច្បាប់(ប៉ូលីសគឺចាប់តែម្តង) ដោយឡែកលោក វង្ស សុក្រសិរី នាយខណ្ឌរដ្ឋបាលព្រៃឈើរតនគិរីបានអោយដឹងថារថយន្តទាំងពីរគ្រឿង នោះដឹកឈើមានច្បាប់ត្រឹមត្រូវ លោកបាននិយាយយ៉ាងខ្លីតែប៉ុណ្ណឹង ។
បើតាមការរិះគន់ពីសមត្ថកិច្ចដែលទៅ ចាប់បានអោយដឹងថា ដោយមានការឃុបឃិតគ្នា រវាងក្រុមរកស៊ីឈើ ប្រណិតនិងមន្ត្រីរដ្ឋបាលព្រៃឈើទើបក្រុម ឈ្មួញហ៊ានប្រព្រឹត្តខុសច្បាប់យ៉ាងដូច្នោះ ៕
ដោយ ៖ សន ចាន់ឌី
