ខេត្តបាត់ដំបង ៖ ទៅកាល ពីថ្ងៃទី ២០ ខែកក្កដា នៅសាលាខេត្តបាត់ដំបង មានរៀបចំពិធីប្រកាសតែងតាំង ប្រធានមន្ទីររ៉ែ និងថាមពលខេត្តបាត់ដំបង ដែលបានប្រព្រឹត្តទៅ ក្រោមអធិបតីភាព ឯកឧត្តម ស៊ុយ សែម រដ្ឋមន្ត្រី ក្រសួងរ៉ែ និង ថាមពល ។
ក្នុងសេចក្តីប្រកាសស្តីពីការតែងតាំង មន្ត្រីរាជការ របស់ក្រួងមហាផ្ទៃ ត្រូវបានសម្រេច តែងតាំង លោក អ៊ាន មាឃ ជាប្រធានមន្ទីររ៉ែ និងថាមពល ខេត្តបាត់ដំបងជំនួស លោក ជី ឈាង ដែលត្រូវចូឡលនិវត្ត។
ឯកឧត្តម ច័ន្ទ សុផល អភិបាលនៃគណអភិបាលខេត្តបាត់ដំបង បានកាត់សរសើរដល់ ការខិតខំ របស់លោកជី ឈង ប្រធានមន្ទីររ៉ែ និងថាមពល ដែលបានខិតខំអនុវត្ត រយៈពេល ៣៤ឆ្នាំ នៃជីវិតការងារ របស់លោក ក្នុងនោះ ១៦ឆ្នាំ ក្រោមការ គ្រប់គ្រងដឹកនាំរបស់លោកសម្រេចបានលទ្ធផលជាច្រើនជូនប្រជាពលរដ្ឋ។ ឆ្លងកាត់បទពិសោធន៍នេះ សូមលោក ប្រធានមន្ទីរដែលទើបតែងតាំងពេលនេះ ត្រូវខិតខំបន្តយកចិត្តទុកដាក់ អនុវត្តការងារនេះ ឲ្យ បានល្អប្រសើរ ដោយឈរលើកិច្ចសហការ សាមគ្គីភាព យ៉ាងស្អិតរមួតជាមួយបណ្តាអ្នក ពាក់ព័ន្ធ និងឈរលើគោការច្បាប់ជាមូលដ្ខាន។ ឯកឧត្តមបានផ្តល់អនុសាសន៍ល្អជាច្រើន ក្នុង គោលដៅជម្រុញរាល់សកម្មភាព នៃការងារឲ្យកាន់តែមានសន្ទុះមួយកម្រិតថែមទៀតក្នុងនោះ មានដូចជា ត្រូវបង្កើនប្រសិទ្ធិភាពនៃការគ្រប់គ្រង ក៏ដូចជាពង្រឹងការគ្រប់គ្រងការធ្វើអាជីវកម្ម ត្រូវគោរពច្បាប់ គោលការចរាចរឲ្យបាន ម៉ឺងម៉ាត់ និងពង្រឹងសាមគ្គីភាពឯកភាពផ្ទៃក្នុង ក៏ដូចជាមួយបណ្តាពាក់ព័ន្ធជាដើម។
ឯកឧត្តម ស៊ុយ សែម បានឲ្យលោកប្រធានមន្ទីរថ្មី ទទួលយកអនុវសាសន៍ដ៏ល្អរបស់ ឯកឧត្តម អភិបាលខេត្តយកទៅអនុវត្តឲ្យបាន ព្រោះនេះជាត្រីវិស័យសំរាប់យើង។ចំពោះការ ងារ ចំពោះមុខ លើវិស័យរ៉ែ និងថាមពល ពិសេស ការគ្រប់គ្រងប្រេងឥន្ធៈ ពិសេសការលក់ ចែកចាយ ការបង្កើតស្ថានីយ៍ប្រេងឥន្ធៈ និងឧស្ម័ន ត្រូវធ្វើយ៉ាងណាឲ្យប្រព្រឹត្តទៅដាយស្រប ច្បាប់ ដោយធានាសុវត្ថិភាពអ្នករស់នៅជិតខាង ការពារបញ្ហាដែលកើតមានឡើងជាយថា ហេតុ ។
ឯកឧត្តមបានបញ្ជាក់ផងដែរ លើការគ្រប់គ្រងថាមពលអគ្គិសនី ជាគោលការរបស់ ក្រសួងនៅឆ្នាំ២០២០ ទៅតាមបណ្តាភូមិ ទូទាំងប្រទេសត្រូវមានភ្លើងអគ្គិសនីប្រើទាំងអស់ បច្ចុប្បន្នអនុវត្តបានប្រមាណជា 80 % ហើយ។
