ខេត្តប៉ៃលិន ៖ កាលពីព្រឹកថ្ងៃទី១៦ ខែកក្កដា ឆ្នាំ២០១៥ កន្លងទៅ អាជ្ញាធរខេត្តប៉ៃលិន បានរៀបចំធ្វើកម្មវិធីអបអរសាទរទិវាអន្តរជាតិប្រយុទ្ឋប្រឆាំងគ្រឿង២៦ មិថុនា ២០១៥ ក្រោមប្រធានបទ “ចូរធ្វើអោយជីវិត សហគមន៍និងអត្តសញ្ញាណយើងគ្មានគ្រឿងញៀន”ក្រោមអធិបតីភាពឯកឧត្តម ឡី ចាន់ឆាយ ប្រធានក្រុមព្រឹក្សាខេត្តប៉ៃលិន និងឯកឧត្តម កើត សុធា អភិបាលបាលខេត្តប៉ៃលិន ដោយមានការចូលរួមពីមន្ត្រីរាជការ កងកម្លាំ ងប្រដាប់អាវុធ ព្រមទាងប្រជាពលរដ្ឋជាច្រើននាក់ ហើយកម្មវិធីនេះប្រព្រឹត្តនៅចំណុចផ្សារព្រំ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ប្រភពព័ត៌មានបានឱ្យដឹងថា គ្រឿងញៀន គឺជាសារធាតុញៀន អាចបំផ្លាញជីវិតរបស់មនុស្សទាំងឡាយណា ដែលប្រើប្រាស់វា រហូតដល់ចំណុចមួយ លែងស្គាល់ខ្លួនឯង ឪពុកម្តាយ បងប្អូនឬអ្វីៗទាំងអស់ ។ ដូច្នេះបងប្អូនប្រជាពលរដ្ឋដែលចូលរួមក្នុងកម្មវិធីនេះ ត្រូវតែប្រាប់តៗគ្នាទៅដល់ក្រុមគ្រួសារកូនចៅរបស់ខ្លួន ឱ្យជៀសចេញឆ្ងាយពីគ្រឿងញៀន ។ ម្យ៉ាវិញទៀត អាជ្ញាធរមូលដ្ឋាន ដែលដឹងថា នៅក្នុងភូមិ ឃុំរបស់ខ្លួន មានអ្នកប្រើប្រាស់ និងជួញដូរគ្រឿងញៀន ត្រូវតែធ្វើលិខិត ឬរាយការណ៍ជូនដល់សាលាខេត្ត ឬសមត្ថកិច្ចឱ្យ ចុះទៅធ្វើការចាប់ឃាត់ខ្លួនជនទាំងនោះយកមកផ្តន្ទាទោសតាមនីតិវិធីច្បាប់ ។
ចំណែកនៅចុងក្រោយនៃកម្មវិធីនេះអាជ្ញាធរ បានរួមគ្នាដុតកំទេចថ្នាំញៀន ដែលសមត្ថកិច្ចចាប់បាន កាលពីដើមឆ្នាំ២០១៥កន្លងទៅ ។
ចំណែកបងប្អូនប្រជាពលរដ្ឋបានខ្សឹបឱ្យដឹងថា គ្រឿងញៀន បច្ចុប្បន្ននៅក្នុងខេត្តប៉ៃលិន មានការកំរើកគួរឱ្យព្រួយបារម្ភ ចំពោះកូនចៅរបស់ពួកគាត់ ខណៈអ្នកប្រើប្រាស់ទាំងនោះភាគច្រើនជាយុវវ័យ ជាមិត្តភក្តិរបស់ពួកគេ ហើយក៏មានកម្មករចំណាកស្រុក និងកូនអ្នកភូមិរស់នៅក្នុងមូលដ្ឋានមួយចំនួនដែរ ។ ពួកគាត់ក៏មានសំណូមពរឱ្យរឹតបណ្តឹងផ្នែ កគ្រឿងញៀននេះ ព្រោះអាចបំផ្លាញអនាគត និងជីវិតប្រជាពលរដ្ឋខ្មែរជាច្រើននាក់ បង្កអ សន្តិសុខសង្គមថែមទៀតផង ៕
អត្ថបទ នីយ៉ា
