កណ្តាល៖ នៅព្រឹកថ្ងៃពុធ ៨រោច ខែជេស្ឋ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី០៦ ខែមិថុនា ឆ្នាំ២០១៨នៅសាលាឃំុស្វាយរលំបានប្រារព្វពិធីបចុះបឋមសិលាសាងសង់អាគាររដ្ឋបាលឃុំស្វាយរលំថ្មីដោយសារសាលាឃំុកាលពីមុននោះមានសភាពចាស់ទ្រុតទ្រោមបើយោងតាមជាក់ស្រែងលោក គង់ អុិត មេឃំុ បានបញ្ជាក់ប្រាប់។
នៅក្នុងឱកាស់នេះផងដែរក៏មានការអញ្ជើញចូលរួមពីសំណាក់ថ្នាក់ដឹកនាំសាលារដ្ឋបាលសាលាស្រុកស្អាង លោក ញឹម វណ្ណឌិន គណៈអភិបាលស្រុកស្អាង រដ្ឋបាលសាលាខេត្តកណ្តាល ស្នងការនគរបាលខេត្ត លោកស្រីឧត្តមសេនីយ៍ត្រី ឈឹម វណ្ណនី ស្នងការរងទទួលដឹកនាំការិយាល័យប្រឆាំងការជួញដូរមនុស្សនិងការពារអនីតិជន តំណាងដ៏ខ្ពស់ខ្ពស់លោក ឧត្តមសេនីយ៍ទោ អ៊ាវ ចំរើន ស្នងការនគរបាខេត្ត ចូលរួមអបអរសាទរពិធីបញ្ចុះបឋមសិលាសាងសង់អគាររដ្ឋបាលសាលាឃុំស្វាយរលំ ក្រោមអធិបតីភាពឯកបណ្ឌិត ម៉ៅ ភិរុណ អភិបាលខេត្តកណ្តាល និងមានការអញ្ជើញចូលរួមពីសមាជិកក្រុមប្រឹក្សាស្រុកស្អាង ព្រមទាំងប្រជាពលរដ្ឋចូលរួមប្រមាណ៥៦៩នាក់ ស្រី៣១០នាក់។
នៅក្នុងពិធីនេះដែរ ដោយមានការការពារសន្តិសុខ សុវត្ថិភាព និងរៀបចំសណ្តាប់ធ្នាប់ដឹកនាំដោយលោកវរសេនីយ៍ឯក សេង សុជាតិ អធិការនគរបាលស្រុកស្អាង ។…
ឆ្លៀតក្នុងឱកាសដ៏មានតម្លៃនេះដែរ ឯកឧត្តមបានផ្ដាំផ្ញើរដល់បងប្អូនប្រជាពលរដ្ឋទាំងអស់ឲ្យជួយផ្សព្វផ្សាយដល់បងប្អូន កូនក្មួយ សូមរួមគ្នាគោរពច្បាប់ដូចជា៖១-កុំព្រឹត្តល្បែងស៊ីសងគ្រប់ប្រភេទ ,២-កុំជក់ឬចែកចាយឬជួញដូរគ្រឿងញៀន,៣-រួមគ្នាគោរពច្បាប់ចរាចរណ៍ផ្លូវគោក(បើកបរត្រូវពាក់មួកសុវត្ថិភាពឲ្យបានត្រឹមត្រូវនិងកុំបើកបរក្នុងពេលដែលខ្លួនស្ថិតក្នុងស្ថានភាពស្រវឹង) ,៤-រួមគ្នាគោរពច្បាប់និងការពារបរិស្ថាន ,៥-សូមកុំប៉ះពាល់ឬកែច្នៃគ្រាប់មិនទាន់ផ្ទុះ ព្រោះវាធ្វើឲ្យគ្រោះថ្នាក់ដល់អាយុជីវិតរបស់ខ្លួនឯងនិងអ្នកដទៃ និងទី៦-សូមនាំគ្នាទៅបោះឆ្នោតនៅថ្ងៃអាទិត្យ ទី២៩ ខែកក្ដដា ឆ្នាំ២០១៨ ឲ្យបានគ្រប់ៗគ្នា ៕
លោក ហុក វិបុល
