ខេត្តសៀមរាប ៖ កាលពីរសៀលថ្ងៃទី១១ កក្តដា ២០១៥ លោកវរសេនីយ៍ទោ ទិត្យ ណារ៉ុង អធិការនគរបាលក្រុងសៀមរាប បានផ្តល់កិច្ចសម្ភាសន៍ដល់អ្នកយកព័ត៌មាន ផ្ទាល់ពាក់ព័ន្ធក្នុងករណីដែលមានមតិមហាជនមួយចំនួនបានធ្វើការ ចោទប្រកាន់មកលើរូបលោកអធិការតាមលិខិតអនាមឹក កាលពីយប់ថ្ងៃ ទី០៧ កក្កដា ២០១៥កន្លងទៅ ដោយចោទលោកថា ដំឡើងឋានន្តរស័ក្កិដល់មន្ត្រីនគរបាលក្រោមឱវាទមិនប្រក្រតី និងកាងបទល្មើសមួយចំនួនក្នុងក្រុងសៀមរាប តែរូបលោកមិនបានធ្វើដូចការចោទប្រកាន់ដូចលិខិតអនាមឹកនោះទេ។
ក្នុងកិច្ចសម្ភាសន៍នោះដែរ លោកវរសេនីយ៍ទោ ទិត្យ ណារ៉ុង បានអះអាងទៀតថា ការដែលដំឡើងតួនាទី និងឋានន្តរស័ក្កិដល់មន្ត្រីនគរបាលមិនមែនជាតួនាទីរបស់លោកទេ គឺសម្រេចលើការរៀបចំរបស់លោកស្នងការ និងប្រធានការិយាល័យបុគ្គលិក ទើបអាចមានសិទ្ធិរៀបចំដំឡើងតួនាទី និងឋានន្តរស័ក្កិដល់មន្ត្រីនគរបាលក្រោមឱវាទបានទេ ។
គួររំលឹកថា លោកវរសេនីយ៍ទោ ទិត្យ ណារ៉ុង អធិការនគរបាលក្រុងសៀមរាបក៏បានលើកឡើងនូវបញ្ហាមួយចំនួនទៀតដែល មានមតិមហាជនមួយចំនួនបានចោទប្រកាន់មកលើរូបលោកថា លោកបានយកតួនាទីរបស់លោកទៅកាងបនល្បែង ឫពាក់ព័ន្ធនឹងការដើរប្រមូលយកលុយប្រចាំខែពីកន្លែងលេងល្បែង ស៊ីសងមួយចំនួនក្នុងក្រុងសៀមរាប នេះមិនមែនជាការពិតនោះទេ ដោយលោកជាអធិការនគរបាលក្រុងសៀមរាបកំពុងតែតាមដានស្រាវជ្រាវ និងរកឱ្យឃើញនូវមុខជនខិលខូច ឫក៏មន្ត្រីក្រោមឱវាទរបស់លោកណាមួយដែលហ៊ានយកឈ្មោះរបស់លោកក្នុង នាមជាអធិការនគរបាលក្រុងសៀមរាបទៅប្រព្រឹត្តខុសពីវិន័យកងកម្លាំង នគរបាលជាតិមកចំណាត់ការទៅតាមនីតិវិធីឱ្យខាងតែបាន ។
ផ្ទយទៅវិញ ការចោទប្រកាន់ ពាក់ព័ន្ធក្នុងករណីខាងលើ លោក អធិការនគរបាលក្រុងសៀមរាបបានមានប្រសាសន៍បន្ថែមទៀតថា ប្រសិនបើលោករកឃើញជនដែលបានបាចលិខិតអនាមឹកកាលពីយប់ថ្ងៃទី០៧ កក្កដានោះ លោកនឹងយកមកផ្តន្ទាទោសតាមផ្លូវច្បាប់ ៕
លោក សត ណាឌី ស្នងការនគរបាលខេត្តសៀមរាប
