ភ្នំពេញ ៖ កម្លាំងប្រឆាំងគ្រឿងញៀនខណ្ឌឬស្សីកែវ ដឹកនាំដោយលោក ម៉ៅ ចាន់ថុន នាយផ្នែកប្រឆាំងគ្រឿងញៀន បានបើក ការស្រាវជ្រាវ រួចចុះធ្វើការបង្ក្រាបឃាត់ខ្លួនបានជនសង្ស័យម្នាក់ និងដកហូតថ្នាំញៀនជាច្រើនកញ្ចប់ កាលពីវេលាម៉ោង១៧,និង៣០នាទីល្ងាចថ្ងៃទី០២ ខែមិថុនាឆ្នាំ២០១៨នៅចំណុចផ្លូវជាតិ៥ ក្រុម២០ភូមិខលូសង្កាត់ស្វាយប៉ាក ខណ្ឌឬស្សីកែវ។
នាយផ្នែកប្រឆាំងគ្រឿងញៀនលោក ម៉ៅ ចាន់ថុន បានអោយដឹងថាជនសង្ស័យដែលសមត្ថកិច្ចឃាត់ខ្លួនបាននោះមានឈ្មោះ ង្វៀន ហាវហាំង ភេទប្រុស អាយុ៥២ឆ្នាំ ជនជាតិវៀតណាម ស្នាក់នៅផ្ទះគ្មានលេខ ផ្លូវលំលេខ៥ ក្រុម១០ភូមិលូសង្កាត់ស្វាបប៉ាកមុខរបរមិនពិៈតប្រាដក(ជួញដូរគ្រឿងញៀន)។
លោកបន្តថា មុនឈានដល់ការឃាត់ខ្លួន លោកបានដាក់កម្លាំងបង្កប់តាមដានទៅលើជនសង្ស័យជាច្រើនថ្ងៃកន្លងមក ទើបថ្ងៃនេះដោយមានបទល្មើសជាក់ស្តែង សមត្ថកិច្ចយើងបានធ្វើការចុះបង្ក្រាបជាក់ស្តែងដោយដកហូតបាននូវសំភារ:មួយចំនួនមានថ្នាំញៀនប្រភេទក្រាមពណ៌សថ្លាចំនួន ៦ កញ្ចប់ ក្នុងនោះមាន០១កញ្ចប់ធំ ,ជញ្ជីងថ្លឹងថ្នាំញៀនចំនួន០២, ឧបករណ៍ប្រើប្រាស់គ្រឿងញឿនមួយចំនួន។
ក្រោយការឃាត់ខ្លួន បច្ចុប្បន្នជនសង្ស័យកំពុងស្ថិតក្រោមចំណាត់ការរបស់ជំនាញខណ្ឌ ដើម្បីសួរយកចំលើយ កសាងសំណុំរឿងបញ្ជូនទៅតុលាការចាត់ការទៅតាមផ្លូវច្បាប់។
ចំពោះមុខ កំលាំងជំនាញខណ្ឌ ប៉ុសិ៍្ត កំពុងបន្តការស្រាវជ្រាវរកបក្ខពួកនិងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី។
ទិសដៅបន្ត អនុវត្តន៍តាមអនុសាសន៍ដ៏ខ្ពង់ខ្ពស់ របស់ឯកឧត្តម នាយឧត្តមសេនីយ៍ អគ្គស្នងការរង និងជាស្នងនគរបាលរាជធានីភ្នំពេញ កំលាំងជំនាញខណ្ឌ ប៉ុសិ៍បន្តធ្វើការស្រាវជ្រាវ ដើម្បីបង្ក្រាបជាប្រចាំ ៕
