ខេត្ដសៀមរាប ៖ ក្រុមអ្នកមានលុយនិងមានអំណាចហ៊ាន ថ្លើមធំយកត្រាក់ទ័រមកឈូសបំផ្លាញព្រៃលិចទឹកជាច្រើនហិចតាបានដោយ រលូន គឺ មានការឃុបឃិតគ្នារវាងអាជ្ញាធរមូលដ្ឋានរហូតដល់ស្រុក ពិសេសសមត្ថកិច្ច ជុំនាញជលផលកំពង់ឃ្លាំងរហូតដល់ ខណ្ឌរដ្ឋបាលសៀមរាប ។
ប្រភពពីប្រជាពលរដ្ឋបានឲ្យដឹង កាលពីពេលថ្មីៗនេះថា ៖ ព្រៃលិចទឹករាប់សិបហិចតាដែលត្រូវបានគេឈូសបំផ្លាញចោលនេះ ស្ថិតនៅក្នុភូមិតាច្រនៀង ឃុំកំពង់ឃ្លាំង ស្រុក សូទ្រនិគម ខេត្ដសៀមរាប និងស្ថិតក្នុង ដែនសមត្ថកិច្ចលោក ហោ ឡា នាយ សង្កាត់រដ្ឋបាលជលផលកំពង់ឃ្លាំង និង លោក រឹម ស៊ុំមអុន ជានាយផ្នែកជលផល ដំដែកទទួលបន្ទុករួម ។
ប្រភពដដែលបានបន្ដថានៅចំណុចភូមិតាច្រនៀងមានឈ្មោះ ហេង ជាជន ជាតិវៀតណាមដែលជាអ្នកជួញដូរកូន ត្រីឆ្ដោររាប់រយតោនមកពីប្រទេសវៀតណាមយកមកលក់ចែកចាយនៅឃុំ កំពង់ឃ្លាំង និងតំបន់ផ្សេងៗទៀតក្នុង ខេត្ដសៀមរាប់ពិសេស ឈ្មោះ ហេង នេះ ក៏មានចិញ្ចឹមត្រីឆ្ដោររាបសិបស្រះធំជាងគេក្នុងឃុំកំពង់ឃ្លាំង ដែលក្នុងមួយ ស្រះៗរហូតដល់១០តោន ។
ប្រភពដដែលបានបញ្ជាក់ទៀតថា នៅក្នុងឃុំកំពង់ឃ្លាំងទាំងមូលពោរពេញទៅដោយការកាប់បំផ្លាញព្រៃ លិចទឹក និងជីកស្រះចិញ្ចឹមត្រីឆ្ដោយ៉ាងច្រើនលើសលប់ ។ ក្នុងនោះមានភូមិតាច្រនៀង ដែលមានស្រះចិញ្ចឹមត្រីឆ្ដោរហូតរាប់ រយស្រះ ។
បើតាមប្រភពច្បាស់ការណ៍ពីឃុំកំពង់ឃ្លាំងបានឱ្យដឹងថាថ្មីៗ នេះ ក្រុមអ្នកមាន លុយ និងមានអំណាចនៅក្នុងឃុំកំពង់ ឃ្លាំងបានយកត្រាក់ទ័រជាច្រើនគ្រឿង មកឈូសឆាយព្រៃលិចទឹកកម្ទេចចោលរាប់សិបហិចតានិងជីកស្រះចិញ្ចឹម ត្រី ឆ្ដោរដែលជាបទល្មើសច្បាប់ហាមឃាត់ ។
ព្រៃលិចទឹកដែលជា ជុំរកត្រីពងកូនរាប់សិបហិចតាត្រូវបាន គេយកត្រាក់ទ័រឈូសឆាយកម្ទេចចោលវាទទីយកដីជីកស្រះចិញ្ជឹមត្រី ឆ្ដោគ្មាន អ្នកអើពើសង្ស័យសមត្ថកិច្ចជុំនាញជលផលនិងអាជ្ញាមូលដ្ឋានព្រមទាំង ស្រុក ទទួលផលប្រយោជន៍ ។
លោក ហោ ឡា នាយសង្កាត់រដ្ឋបាល ជលផលកំពង់ឃ្លាំងមិនអាចសុំកាបំភ្លឺ បានទេ ជុំវិញការឈូសឆាយព្រៃលិចទឹក រាប់សិបហិចតានៅក្នុងភូមិ តាច្រនៀង និងស្រះចិញ្ចឹមត្រីឆ្ដោរាប់រយដោយទូរស័ព្ទចូលច្រើនដងគ្មានអ្នក ទទួល ។
លោក រឹម ស៊ុំមអុន នាយផ្នែករដ្ឋបាល ជលផលដំដែកទទួលបន្ទុករួមបានឱ្យដឹងថា លោកមិនបានដឹងនោះទេ បើមានមែនចាំលោកឱ្យកម្លាំងចុះទៅ មើល ។
លោក ព្រិន សាវិន នាយខណ្ឌរដ្ឋបាល ជលផលសៀមរាបមិនបានបំភ្លឺជុំវិញ ការឈូសឆាយព្រៃលិចទឹកខាងលើនិង ស្រះចិញ្ចឹមត្រីឆ្ដោរនោះទេ ដោយលោក លើកទូរសព្ទ័ហើយនិយាយយ៉ាងខ្លីថា ខ្ញុំ កំពុងជាប់រវល់ ។
លោក ម៉ក់ ប្រុស អភិបាលស្រុក សូទ្រនិគមបានឱ្យដឹងថា លោកមិនបានដឹងនោះទេ ព្រោះលោក តែងតែឱ្យកម្លាំនគរបាលមូលដ្ឋានចុះ ត្រួតពិតមើលរៀងរាល់សបា្ដហ៍ ។ រីឯការ ចិញ្ចឹមត្រីឆ្ដោលោក និងអភិបាលរង ខេត្ដទទួលបន្ទុកតែងតែចុះទៅអប់រំណែនាំបញ្ឈប់ចិញ្ចឹមត្រីឆ្ដោ ហើយមកចិញ្ចឹម ត្រីអណ្ដែង និងប្រភេទត្រីផ្សេងៗទៀត ដែលច្បាប់មិនហាមឃាត់ ។
ប្រភពពីសមត្ថកិច្ចសុំមិន បញ្ចេញឈ្មោះបានឱ្យដឹងថា ក្រុមថៅកែ អ្នកមានលុយនិងមានអំណាចទាំងនោះមានគំរោងឈូសកម្ទេចព្រៃលិចទឹកបន្ដ ទៀតគឺពីទីតាំងចាស់ដែលឈូសរួចរាល់ ហើយនោះបន្ដឈូសព្រៃលិចទឹកឆ្ពោះទៅភូមិផ្សារឃ្លាំងក្រោមទៀត ៕
