ខេត្តប៉ៃលិន ៖ គេសង្កេតឃើញកាលពីព្រឹកថ្ងៃទី២៩ ខែឧសភា ឆ្នាំ២០១៨នេះ កូនភ្នំមួយកន្លែង ស្ថិតនៅក្នុងភូមិអូរឈើក្រំ ឃុំស្ទឹងកាច់ ស្រុកសាលាក្រៅ ត្រូវបានក្រុមឈ្មួញយកគ្រឿងចក្រទៅជីកកកាយដឹកតាមរថយន្តយកទៅលក់នៅតាមភូមិយ៉ាងគគ្រឹកគ គ្រេង ដោយមេការនិយាយថា គេមានប្លង់ដី និងសុំច្បាប់ពីខាងមន្ទីរបរិស្ថាន រួចរាល់អស់ហើយ ។
ប្រភពព័ត៌មានពីប្រជាពលរដ្ឋរស់នៅក្នុងភូមិខាងលើ បានឱ្យដឹងថា អស់រយ:ពេលជាច្រើន ថ្ងៃកន្លងមកហើយ មានក្រុមហ៊ុនដឹកដីបានចូលទៅជីកដីកូនភ្នំដឹកយកទៅលក់ដូរនៅតាមភូមិ ដែលបណ្តាលឱ្យរងការខូចខាតផ្លូវជាច្រើនកន្លែង ។
ប្រភពបន្តទៀតថា តែគេមិនឃើញមានខាងអាជ្ញាធរ ឬខាងមន្ទីរពាក់ព័ន្ធណា ចុះទៅធ្វើការហាមឃាត់នោះឡើយ ខណ:មេការគ្រឿងចក្រម្នាក់មិនបញ្ចេ ញឈ្មោះ បានប្រាប់ថា ដីរបស់គេមានប្លង់ត្រឹមត្រូវ ហើយក៏បានសុំច្បាប់រួចរាល់អស់ហើយដែរ ។
ប្រជាពលរដ្ឋរិះគន់ថា ភ្នំជាច្រើននៅក្នុងតំបន់ព្រំដែនកំពុងទទួលរងការវិនាស ដោយសារតែ ក្រុមឈ្មួញ ហើយបើសិនជាគ្មានការទប់ស្កាត់ឱ្យបានត្រឹមត្រូវពីសំណាក់អាជ្ញាធរ ភ្នំជាច្រើនបន្ថែម ទៀតនឹងទទួលរងការបាត់បង់ជាក់ជាមិនខាន ។
ពាក់ព័ន្ធទៅនឹងបញ្ហានេះ លោក សំ សារ៉េត អភិបាលស្រុកសាលាក្រៅ បានឱ្យដឹងថា ខាង លោកអត់បានដឹងរឿងមានករណីគ្រឿងចក្រទៅជីកកកាយដីដឹកលក់នោះទេ ហើយបើចង់ដឹងច្បាស់សុំឱ្យសួរទៅខាងមន្ទីរបរិស្ថាន ជាផ្នែកជំនាញខាងភ្នំ ។
ចំណែកលោក គឹម សុខា ប្រធានមន្ទីរបរិស្ថានខេត្តប៉ៃលិន បានឱ្យដឹងថា ខាងលោកក៏អត់ដឹងរឿងនេះដែរ ចាំចាត់ឱ្យមន្ត្រីចុះទៅត្រួតពិនិត្យមើល បើសិនជាឃើញដូចការរាយការណ៍មែនលោ កនឹងចាត់ការតាមនីតិវិធី ៕
ដោយ ៖ នីយ៉ា
