ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
កម្លាំងក្រុមអន្តរាគមន៍ បង្ការ បង្ក្រប សហការជាមួយកម្លាំងអធិការដ្ឋាន នគរបាលក្រុងបាត់ដំបង ចុះប្រតិបត្តិការ បង្ក្រាប ករណី លួចដោយប្រើហិង្សា និងបង្ខាំងជនរងគ្រោះ នៅក្នុងផ្ទះសំណាក់... ==> អាវុធហត្ថរាជធានីភ្នំពេញ បញ្ចប់បេសកកម្មចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូន ថ្នាក់ដឹកនាំជាតិ-អន្តរជាតិ អញ្ជើញចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ដោយជោគជ័យ! ==> ឯកឧត្តមអភិសន្តិបណ្ឌិត ស សុខា បង្ហើបពីការរកឃើញមន្រ្តីនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ ==> អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួនបុរសបែកថ្នាំម្នាក់កាន់កាំបិតប៉័ងតោគំរាមកំហែងបង្កការភ័យខ្លាចដល់ប្រជាពលរដ្ឋ! ==> ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវកាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ កន្លងទៅនេះ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិ សរុបប្រមាណជិត ៣លាននាក់ ដែលបានអញ្ជើញមកកម្សាន្ត និងទស្សនាសមិទ្ធផលទេសចរណ៍ ដ៏ទាក់ទាញថ្មីនេះ។ ==> ក្រសួងរៀបចំដែនដី និងរដ្ឋបាលខេត្តស្វាយរៀង រៀបចំសិក្ខាសាលាបំពាក់បំប៉នសមត្ថភាព ស្តីពី «ការងាររៀបចំដែនដី និងនគរូបនីយកម្ម» ដើម្បីជំរុញការអភិវឌ្ឍន៍ ==> ព្រះរាជសុន្ទរកថាទាំងស្រុងរបស់ ព្រះមហាក្សត្រកម្ពុជា ឱកាសយាងបើកកិច្ចប្រជុំកំពូលហ្វ្រង់កូហ្វូនីលើកទី២០ ដែលជាកិច្ចប្រជុំលើកដំបូងនៅកម្ពុជា ==> ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង ==> សូមស្វាគមន៍ ឯកឧត្តម To Lam ប្រធានរដ្ឋវៀតណាម មកកាន់ព្រះរាជាណាចក្រកម្ពុជា ក្នុងឱកាសចូលរួមកិច្ចប្រជុំកំពូលហ្វ្រង់កូហ្វូនី លើកទី២០ ==> អង្គការយូណេស្កូបន្តគាំទ្រ និងផ្ដល់ជំនួយដល់​កម្ពុជា លើការអភិរក្សបេតិកភណ្ឌវប្បធម៌

រដ្ឋបាល​ខេត្ត​កំពត​អបអរសាទរ ខួប​អនុស្សាវរីយ៍​លើក​ទី​១៣២ នៃ​ទិវា​ពលកម្ម​អន្តរជាតិ​ថ្ងៃ​ទី​១​ឧសភា ឆ្នាំ​២០១៨

​ដោយ ៖ គេហទំព័រ «កម្ពុជាអភិវឌ្ឍន៍ | Aphiwat Kampuchea» |

http://kehaktompor-aphivatkampuchea.com.kh

Tel: 077 79 79 52 / 088 77 97 952 | WhatsApp: 012 58 04 55

កំពត ៖ នៅ​ព្រឹក​ថ្ងៃអាទិត្យ​៧​រោច​ខែ​ពិសាខ ឆ្នាំច សំរឹទ្ធិ​ស័ក ព​.​ស ២៥៦២ ត្រូវ​នឹង​ថ្ងៃទី​០៦​ខែ​ឧសភា ឆ្នាំ​២០១៨ រដ្ឋបាល​ខេត្ត​កំពត បាន​ប្រារព្ធ​ពិធី​អបអរសាទរ​ខួប​អនុស្សាវរីយ៍​លើក​ទី​១៣២​ទិវា​ពលកម្ម​អន្តរជាតិ​១​ឧសភា​ឆ្នាំ​២០១៨​ក្រោម​ប្រធានបទ​”​សន្តិភាព ស្ថិរភាព ដើម្បី​ការងារ​និង​មុខរបរ​”​។

​ពិធី​នេះ​ប្រព្រឹត្តទៅ​ក្រោម​វត្តមាន​ចូលរួម​ជា​អធិបតីភាព​លោក ស៊ឹម​វុទ្ធា​អភិបាលរងខេត្ត តំណាង លោក ជាវ តា​យ អភិបាល នៃ​គណៈ​អភិបាលខេត្ត និង​ពី​សំណាក់ ថ្នាក់ដឹកនាំ​មន្ទីរ អង្គភាព​ជុំវិញ​ខេត្ត អាជ្ញាធរ​ក្រុង ស្រុក កម្មករ កម្មការិនី សរុប ជាង​៤០០​នាក់​។​

​លោក អ៊ឹង ប៉ូ​ហេង ប្រធាន​មន្ទីរ ការងារ​និង​បណ្ដុះបណ្ដាល​វិជ្ជាជីវៈ​ខេត្ត​បាន​ឱ្យដឹង​អំពី​វឌ្ឍនភាព​រីកចម្រើន​លើ​វិស័យ​ការងារ​និង​បណ្ដុះបណ្ដាល​វិជ្ជាជីវៈ​នៅ​ខេត្ត​កំពត សម្រាប់​ឆ្នាំ​២០១៨​នេះ មាន​រោងចក្រ សហគ្រាស​ចំនួន​៤២២​គ្រឹះ​
​ស្ថាន​និង​មាន​កម្មករ​ចំនួន​១៥.៨៥១​នាក់​
​ក្នុងនោះ​ស្រី​ចំនួន​៨.២៣២​នាក់​និង​មាន​សហជីព​មូលដ្ឋាន​តាម​រោងចក្រ​សហគ្រាស​គ្រឹះស្ថាន​ចំនួន​១១​សហជីព​មាន​គ្រឹះស្ថាន​បណ្ដុះបណ្ដាល​វិជ្ជាជីវៈ​សាធារណៈ​ចំនួន​០២ និង​ឯកជន​ចំនួន​២៩​ព្រមទាំង​បាន​ផ្ដល់​មុខរបរ​និង​ការងារ​ជូន​ប្រជាពលរដ្ឋ​ជាច្រើន​ពាន់​នាក់​ផងដែរ​។​

​លោក ស៊ឹម​វុទ្ធា អភិបាលរង​ខេត្ត​កំពត បាន​អាន​នូវ​សារលិខិត​របស់​ស​ម្ដេច​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ក្នុង​ឱកាស​ខួប​អនុស្សាវរីយ៍​លើក​ទី​១៣២​នៃ​ទិវា​ពលកម្ម​អន្តរជាតិ​១​ឧសភា​ឆ្នាំ​២០១៨​នេះ​នៅក្នុង​ខ្លឹមសារ​អត្ថន័យ​សម្ដែង​ការអបអរសាទរ និង​សួរសុខទុក្ខ​ចំពោះ​កម្មករ​និយោជិត ព្រមទាំង​បង្ហាញ​ពី​ភាព​រីកចម្រើន​នូវ​គោលនយោបាយ​បន្ត​ឥត​ងាករេ​ដើម្បី​កំណើន​ការងារ​និង​សេដ្ឋកិច្ច​បម្រើ​ដល់​អត្ថប្រយោជន៍​ថ្មីៗ​ជាច្រើន​ដល់​បងប្អូន​កម្មករ​និយោជិត​នៅ​កម្ពុជា​យើង​។​

​ជាមួយ​ឱកាស​នោះ​ដែរ​លោក​ស៊ឹម​វុទ្ធា ក៏​បាន​បន្ត​មាន​មតិ​សំណេះសំណាល​លើក​ឡើង​ពាក់ព័ន្ធ​នឹង​វិស័យ​ការងារ​នេះ​ក៏​ដូចជា​ភាព​រីក​ចម្រើន​នៅ​កម្ពុជា​យើង​សព្វថ្ងៃ​។ លោក​អភិបាលរង​ខេត្ត បានបញ្ជាក់​ថា​៖​បច្ចុប្បន្ន​ផ្ដើមចេញពី​រាជរដ្ឋាភិបាល​ក្រោម​ការដឹកនាំ​ដ៏​ត្រឹមត្រូវ​របស់​សម្ដេច​តេជោ​ហ៊ុន សែន បាន​ធ្វើឱ្យ​កម្ពុជា​យើង មាន​សន្តិភាព​និង​ស្ថិរភាព​នយោបាយ​ត្រូវ​បាន​ធានា​រឹងមាំ​ដែល​ជា​មូលដ្ឋាន​សម្រាប់​ការអភិវឌ្ឍ​សេដ្ឋកិច្ច​និង​សង្គម​។ ដូច្នេះ សូម​បងប្អូន​ជនរួមជាតិ ក៏ដូចជា​កម្មករ​និយោជិត​យើង​ទាំងអស់​ត្រូវតែ​រួម​សាមគ្គី​គ្នា បន្ត​ថែរក្សា​និង​ពង្រឹង​សន្តិភាព ស្ថិរភាព ដែល​ជា​កត្តា​គន្លឹះ​ក្នុង​ការអភិវឌ្ឍ​សេដ្ឋកិច្ច​និង​ការលើកកម្ពស់​ជីវភាព​រស់នៅ​របស់​ប្រជាពលរដ្ឋ​និង​កម្មករ​និយោជិត ព្រមទាំង​នាំគ្នា​ទៅ​ចូលរួម​បោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៦​ទាំងអស់​គ្នា​ដែល​ប្រព្រឹត្តទៅ​នៅ​ថ្ងៃទី​២៩​ខែកក្កដា​ឆ្នាំ​២០១៨​ខាងមុខនេះ ដើម្បី​បន្ត​គាំទ្រ​សម្ដេច​តេជោ​ហ៊ុន សែន ដឹកនាំ​ប្រទេស​ឱ្យបាន​កាន់តែ​រីកចម្រើន​បន្ថែម​ទៀត​។

​ជាមួយ​កម្មវិធី​នេះ មន្ទីរ​ការងារ​និង​បណ្ដុះបណ្ដាល​វិជ្ជាជីវៈ​ខេត្ត​កំពត ក៏​បាន​រៀបចំ​នូវ​នំចំណី ទឹកបរិសុទ្ធ និង​ថវិកា​មួយចំនួន​ជូន​ដល់​កម្មករ​កម្មការិនី​ចំនួន​៤០០​នាក់​ដែល​បាន​ចូលរួម​ផងដែរ​៕
​សេង ណា​រិទ្ធ​
​

 

r180507c1 r180507c7 r180507c5 r180507c4 r180507c3 r180507c2

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.