ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
កម្លាំងក្រុមអន្តរាគមន៍ បង្ការ បង្ក្រប សហការជាមួយកម្លាំងអធិការដ្ឋាន នគរបាលក្រុងបាត់ដំបង ចុះប្រតិបត្តិការ បង្ក្រាប ករណី លួចដោយប្រើហិង្សា និងបង្ខាំងជនរងគ្រោះ នៅក្នុងផ្ទះសំណាក់... ==> អាវុធហត្ថរាជធានីភ្នំពេញ បញ្ចប់បេសកកម្មចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូន ថ្នាក់ដឹកនាំជាតិ-អន្តរជាតិ អញ្ជើញចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ដោយជោគជ័យ! ==> ឯកឧត្តមអភិសន្តិបណ្ឌិត ស សុខា បង្ហើបពីការរកឃើញមន្រ្តីនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ ==> អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួនបុរសបែកថ្នាំម្នាក់កាន់កាំបិតប៉័ងតោគំរាមកំហែងបង្កការភ័យខ្លាចដល់ប្រជាពលរដ្ឋ! ==> ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវកាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ កន្លងទៅនេះ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិ សរុបប្រមាណជិត ៣លាននាក់ ដែលបានអញ្ជើញមកកម្សាន្ត និងទស្សនាសមិទ្ធផលទេសចរណ៍ ដ៏ទាក់ទាញថ្មីនេះ។ ==> ក្រសួងរៀបចំដែនដី និងរដ្ឋបាលខេត្តស្វាយរៀង រៀបចំសិក្ខាសាលាបំពាក់បំប៉នសមត្ថភាព ស្តីពី «ការងាររៀបចំដែនដី និងនគរូបនីយកម្ម» ដើម្បីជំរុញការអភិវឌ្ឍន៍ ==> ព្រះរាជសុន្ទរកថាទាំងស្រុងរបស់ ព្រះមហាក្សត្រកម្ពុជា ឱកាសយាងបើកកិច្ចប្រជុំកំពូលហ្វ្រង់កូហ្វូនីលើកទី២០ ដែលជាកិច្ចប្រជុំលើកដំបូងនៅកម្ពុជា ==> ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង ==> សូមស្វាគមន៍ ឯកឧត្តម To Lam ប្រធានរដ្ឋវៀតណាម មកកាន់ព្រះរាជាណាចក្រកម្ពុជា ក្នុងឱកាសចូលរួមកិច្ចប្រជុំកំពូលហ្វ្រង់កូហ្វូនី លើកទី២០ ==> អង្គការយូណេស្កូបន្តគាំទ្រ និងផ្ដល់ជំនួយដល់​កម្ពុជា លើការអភិរក្សបេតិកភណ្ឌវប្បធម៌

អ្នកតំណាងរាស្ត្រ​ប៉ៃលិន ពន្យល់​ពី​កិច្ចខិតខំ​របស់​គណបក្ស​ប្រជាជន​ប្រាប់​ប្រជាពលរដ្ឋ​ជិត ១​ពាន់​នាក់ ក្នុង​ឃុំ​ស្ទឹង​កាច់ ស្រុក​សាលា​ក្រៅ​

​ដោយ ៖ គេហទំព័រ «កម្ពុជាអភិវឌ្ឍន៍ | Aphiwat Kampuchea» |

http://kehaktompor-aphivatkampuchea.com.kh

Tel: 077 79 79 52 / 088 77 97 952 | WhatsApp: 012 58 04 55

ប៉ៃលិន ៖ លោកស្រី បាន ស្រីមុំ អនុប្រធាន​ក្រុមការងារ​ចុះ​ជួយ​ខេត្ត និង​ជា​អ្នកតំណាងរាស្ត្រ​មណ្ឌល​ប៉ៃលិន នា​ព្រឹក​ថ្ងៃ​០៦ ខែ​ឧសភា ឆ្នាំ​២០១៨​នេះ បាន​អញ្ជើញ​ចុះ​សំណេះសំណាល សួរសុខទុក្ខ​ជាមួយ​ប្រជាពលរដ្ឋ​ជិត ១,០០០​នាក់ មកពី​ភូមិ​ចំនួន​៥ ក្នុង​ឃុំ​ស្ទឹង​កាច់ ស្រុក​សាលា​ក្រៅ ខេត្ត​ប៉ៃលិន ដែល​ពិធី​សំណេះសំណាល និង​សួរសុខទុក្ខ​នេះ ក៏​មាន​ការអញ្ជើញ​ចូលរួម​ពី​សំណាក់​លោក ផាន់ ចាន់​ធុល អភិបាលខេត្ត​ប៉ៃលិន ព្រមទាំង​សមាជិក​ក្រុមការងារ​ថ្នាក់​ខេត្ត​ចុះ​ជួយ​ឃុំ​ស្ទឹង​កាច់ ក្រុម​ការងារ​ការិយាល័យ​តំណាងរាស្ត្រ ក្រុមយុវជន​គណបក្ស​ខេត្ត គណៈកម្មាធិការ​គណបក្ស​សង្កាត់ និង​សាខា​បក្ស​ភូមិ​ទាំង​៥ ក្នុង​ឃុំ​ស្ទឹង​កាច់​ផងដែរ​។​

​លោកស្រី​បាន ស្រីមុំ បានលើកឡើង​ពី​សភាពការណ៍​នយោបាយ​បច្ចុប្បន្ន​ពី​អំពើ​ក្បត់​ជាតិ​របស់ កឹម សុខា និង សម រង្ស៊ី ដែល​គប់គិត​ជាមួយ​បរទេស ប្រឆាំង​នឹង​រាជរដ្ឋាភិបាល​ស្របច្បាប់ ព្រម​ទាំង​ការ​កាត់​ទឹកដី​ឱ្យ​បរទេស ដែលជា​មូលហេតុ​នៃ​ការរំលាយ​បក្ស​សង្គ្រោះ​ជាតិ​។​

​លោកស្រី បាន ស្រីមុំ បាន​បន្តទៀតថា ក្រោម​ការដឹកនាំ​របស់​សម្តេច​តេជោ សែន ប្រធាន​គណបក្ស​ប្រជាជន​កម្ពុជា សមិទ្ធផល​សម្រេចបាន​យ៉ាងច្រើន​សន្ធឹកសន្ធាប់ នា​ពេលកន្លងមក ជាក់ស្តែង​ក្នុង​ឆ្នាំ​២០១៨​នេះ ប្រាក់បៀវត្ស​មន្ត្រីរាជការ កងកម្លាំងប្រដាប់អាវុធ កម្មករ ត្រូវបាន​ដំឡើង ព្រមទាំង​ការទទួលបាន​នូវ​សេវា​ថែទាំ​សុខភាព ដោយ​មិន​គិតថ្លៃ ទាំង​កម្មករ​ក្នុង​ប្រព័ន្ធ​ក្រៅ​ប្រព័ន្ធ កីឡាករ ក្រុមប្រឹក្សា​ឃុំ​សង្កាត់ មេភូមិ ជំនួយការ​ភូមិ មន្ត្រីរាជការ​ជា​ដើម​។​

​អ្នកតំណាងរាស្ត្រ​មណ្ឌល​ប៉ៃលិន បាន​ស្នើសុំ​ឲ្យ​ប្រជាពលរដ្ឋ និង​សមាជិក​សមាជិកា​ទាំងអស់​បន្ត​គាំទ្រ និង​ទៅ​បោះឆ្នោត​ជូន​គណបក្ស​ប្រជាជន​កម្ពុជា នា​ថ្ងៃ​ទី​២៩ ខែកក្កដា ឆ្នាំ​២០១៨ ខាងមុខ ដើម្បី​ផ្តល់​ឱកាស​ឱ្យ​គណបក្ស​ប្រជាជន​កម្ពុជា​បន្ត​ដឹកនាំ​ប្រទេសជាតិ​ឱ្យមាន​សុខសន្តិភាព និង​មាន​ការអភិវឌ្ឍ​រីកចម្រើន​បន្ថែម​ទៀត ជាពិសេស​គឺ​គាំទ្រ​សម្តេច​តេជោ សែន ជា​នាយក​រដ្ឋមន្ត្រី​គ្រប់ៗ​អាណត្តិ​។​

​គួរបញ្ជាក់​ថា នៅក្នុង​ឱកាស​អញ្ជើញ​ចុះ​សួរ​សុខ​ទុក លោកស្រី​អ្នកតំណាងរាស្ត្រ​មណ្ឌល​ប៉ៃលិន បាន​ឧបត្ថម្ភ​គ្រឿងឧបភោគ​បរិភោគ និង​ថវិកា​ដល់​ប្រជាពលរដ្ឋ ៩៧៤​នាក់ មកពី​ភូមិ​ចំនួន ៥ ក្នុង​ឃុំ​ស្ទឹង​កាច់ ស្រុក​សាលា​ក្រៅ គឺ​ភូមិ​ក្ងោក ភូមិ​តា​ង៉ែ​ន​ក្រោម ភូមិ​ដូង ភូមិ​ស្លា និង​ភូមិ​បុស្អំ ដោយ​ក្នុង​ម្នាក់ៗ ទទួលបាន ថវិកា​ចំនួន ១​ម៉ឺន​រៀល​ផងដែរ​៕
​លោក អ៊ុក ទូច​

 

r180506b1 r180506b12 r180506b11 r180506b10 r180506b9 r180506b8 r180506b7 r180506b6 r180506b5 r180506b4 r180506b3 r180506b2

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.