ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
កម្លាំងក្រុមអន្តរាគមន៍ បង្ការ បង្ក្រប សហការជាមួយកម្លាំងអធិការដ្ឋាន នគរបាលក្រុងបាត់ដំបង ចុះប្រតិបត្តិការ បង្ក្រាប ករណី លួចដោយប្រើហិង្សា និងបង្ខាំងជនរងគ្រោះ នៅក្នុងផ្ទះសំណាក់... ==> អាវុធហត្ថរាជធានីភ្នំពេញ បញ្ចប់បេសកកម្មចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូន ថ្នាក់ដឹកនាំជាតិ-អន្តរជាតិ អញ្ជើញចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ដោយជោគជ័យ! ==> ឯកឧត្តមអភិសន្តិបណ្ឌិត ស សុខា បង្ហើបពីការរកឃើញមន្រ្តីនគរបាល ២ ៣៣២នាក់ ខុសឈ្មោះ អក្ខរាវិរុទ្ធ និងភេទ ==> អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួនបុរសបែកថ្នាំម្នាក់កាន់កាំបិតប៉័ងតោគំរាមកំហែងបង្កការភ័យខ្លាចដល់ប្រជាពលរដ្ឋ! ==> ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវកាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ កន្លងទៅនេះ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិ សរុបប្រមាណជិត ៣លាននាក់ ដែលបានអញ្ជើញមកកម្សាន្ត និងទស្សនាសមិទ្ធផលទេសចរណ៍ ដ៏ទាក់ទាញថ្មីនេះ។ ==> ក្រសួងរៀបចំដែនដី និងរដ្ឋបាលខេត្តស្វាយរៀង រៀបចំសិក្ខាសាលាបំពាក់បំប៉នសមត្ថភាព ស្តីពី «ការងាររៀបចំដែនដី និងនគរូបនីយកម្ម» ដើម្បីជំរុញការអភិវឌ្ឍន៍ ==> ព្រះរាជសុន្ទរកថាទាំងស្រុងរបស់ ព្រះមហាក្សត្រកម្ពុជា ឱកាសយាងបើកកិច្ចប្រជុំកំពូលហ្វ្រង់កូហ្វូនីលើកទី២០ ដែលជាកិច្ចប្រជុំលើកដំបូងនៅកម្ពុជា ==> ប្រធានាធិបតីបារាំង និងភរិយា អញ្ជើញដល់ប្រទេសកម្ពុជា បើកទំព័រថ្មី នៃចំណងមេត្រី​ភាព​កម្ពុជា-បារាំង ==> សូមស្វាគមន៍ ឯកឧត្តម To Lam ប្រធានរដ្ឋវៀតណាម មកកាន់ព្រះរាជាណាចក្រកម្ពុជា ក្នុងឱកាសចូលរួមកិច្ចប្រជុំកំពូលហ្វ្រង់កូហ្វូនី លើកទី២០ ==> អង្គការយូណេស្កូបន្តគាំទ្រ និងផ្ដល់ជំនួយដល់​កម្ពុជា លើការអភិរក្សបេតិកភណ្ឌវប្បធម៌

​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហមកម្ពុជា បាន​អញ្ជើញ​ទទួល​ជួប​សវនាការ និង​ទទួល​អំណោយ​សប្បុរសធម៌ ពី​សប្បុរសជន មកពី​បណ្តា​ក្រុមហ៊ុន​នានា​

​ដោយ ៖ គេហទំព័រ «កម្ពុជាអភិវឌ្ឍន៍ | Aphiwat Kampuchea» |

http://kehaktompor-aphivatkampuchea.com.kh

Tel: 077 79 79 52 / 088 77 97 952 | WhatsApp: 012 58 04 55

​នៅ​ទីស្នាក់ការ​កណ្តាល​កាកបាទក្រហមកម្ពុជា ព្រឹក​ថ្ងៃ​ព្រហស្បតិ៍ ៤​រោច ខែ​ពិសាខ ឆ្នាំច សំរឹទ្ធិ​ស័ក ព​.​ស​.២៥៦២ ត្រូវ​នឹង​ថ្ងៃទី​៣ ខែ​ឧសភា ឆ្នាំ​២០១៨​នេះ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហមកម្ពុជា បាន​អញ្ជើញ​ទទួល​ជួប​សវនាការ និង​ទទួល​អំណោយ​សប្បុរសធម៌ ពី​សប្បុរសជន មកពី​បណ្តា​ក្រុមហ៊ុន​នានា ដែល​សរុប​ថវិកា​ទាំងអស់​មាន​ចំនួន ១.៤២៦.០០០​ដុល្លារ (​មួយ​លាន​បួន​សែន​ពីរមុឺន​ប្រាំមួ​យពាន់​ដុល្លារ​អាមេរិក​) ព្រម​ទាំង​រថយន្ត​ហ្វ​ដ​ចំនួន​ពីរ​គ្រឿង និង​មួកសុវត្ថិភាព​ចំនួន​២.០០០​មួក​។​

​នៅក្នុង​ជំនួប​ដាច់ដោយឡែក​ពី​គ្នា​រួម​មាន​៖
​បណ្តា​ក្រុមហ៊ុន​ចំនួន​៣០ មាន​ក្រុមហ៊ុន ខ្មែរ​, ថៃ​, ចិន ដែល​បណ្តា​ក្រុមហ៊ុន​មួយចំនួន ធ្លាប់បាន​ជួយ​ដល់​កាកបាទក្រហមកម្ពុជា អស់​រយៈពេល​ជិត​១០​ឆ្នាំ​កន្លងមកហើយ​។​

​នៅក្នុង​ជំនួប​ដាច់ដោយឡែក​ពី​គ្នា​នោះ សម្តេច​ប្រធាន​កាកបាទក្រហមកម្ពុជា ក៏​បាន​ស្វាគមន៍ និង​ថ្លែងអំណរគុណ​យ៉ាង​ជ្រាលជ្រៅ​ដល់​គណៈប្រតិភូ​នីមួយៗ ដែល​បាន​នាំមក​នូវ​ថវិកា​របស់​សប្បុរសជន ជូន​ដល់​កាកបាទក្រហមកម្ពុជា ដើម្បី​រួមចំណែក​ជួយ​បង្ក​លក្ខណៈ​ឱ្យ​កាកបាទក្រហមកម្ពុជា មានលទ្ធភាព បាន​ដំណើរការ ធ្វើ​សកម្មភាព​របស់​ខ្លួន​កាន់តែ​មាន​ប្រសិទ្ធភាព និង​កាន់តែ​ទូលំទូលាយ​។​

​សម្តេច​កិត្តិ​ព្រឹទ្ធ​បណ្ឌិត បាន​ជម្រាបជូន​ប្រតិភូ អំពី​រចនាសម្ព័ន្ធ​ការងារ របស់​កាកបាទក្រហម​កម្ពុជា​នៅ​ថ្នាក់កណ្តាល ដែល​មាន​នាយកដ្ឋាន​ក្រោម​ឱវាទ​ទាំង​៦ ហើយ​បាន​ជម្រាបជូន​អំពី​ស្ថានភាព ដែល​ប្រជាជន​កម្ពុជា​បាន​ជួបប្រទះ​នូវ​គ្រោះ​មហន្តរាយ​ផ្សេងៗ ក្នុង​ពេល​ថ្មីៗ​នេះ ដែល​កាកបាទក្រហម​បាន​ជួយ ដូច​ជា​ជនរងគ្រោះ​ដោយ​ខ្សល់​កន្ត្រាក់​, រន្ទះបាញ់​, ការជួយ​ជីក​ស្រះ​ទឹក​, អណ្តូងទឹក​ជាដើម​។​

​សម្តេច​កិត្តិ​ព្រឹទ្ធ​បណ្ឌិត បាន​សន្យាថា​នឹង​ធ្វើ​ការបន្ត​ចែកជូន​ដល់​ជន​ងាយ​រងគ្រោះ និង​ជនរងគ្រោះ​ដោយ​កត្តា​ផ្សេងៗ​នៅ​ទូទាំង​ប្រទេស​កម្ពុជា​។​

​សម្តេច​កិត្តិ​ព្រឹទ្ធ​បណ្ឌិត ក៏​បាន​កោតសរសើរ​ចំពោះ វិស័យ​ឯកជន ដែល​បាន​ធ្វើ​ការវិនិយោគ​នៅក្នុង​ប្រទេស​កម្ពុជា និង​បាន​រួមចំណែក​ជួយ​ដល់​រាជរដ្ឋាភិបាល​កម្ពុជា ជាពិសេស​ការទទួលយក​នូវ​កម្លាំង​ពលកម្ម​វ័យក្មេង ដែល​កម្ពុជា​បាន និង​កំពុង​ធ្វើ​ការបណ្តុះបណ្តាល​ធនធានមនុស្ស​វ័យក្មេង​ជាច្រើន​នៅក្នុង​ប្រទេស​កម្ពុជា​។​

​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហមកម្ពុជា បាន​លើកទឹកចិត្ត​ជូន​ដល់​វិស័យ​ឯកជន​ទាំងអស់ និង​បាន​អញ្ជើញ​វិស័យ​ឯកជន ទាំងអស់នោះ ដែលមាន​ចំណាប់អារម្មណ៍ ជាពិសេស​នៅ​ថ្ងៃទី​៨​ឧសភា ខួប​១៥៥ ដែល​ជា​ទិវា​កាកបាទ​ក្រហម និង​អឌ្ឍ​ច័ន្ទ​ក្រហម​អន្តរជាតិ ៨​ឧសភា ឆ្នាំ​២០១៨ នៅ​ប៉ុន្មាន​ថ្ងៃ​ទៀត​នេះ មេត្តា​បន្ត​ជួយ​ដល់​កាកបាទក្រហមកម្ពុជា ជា​បន្តទៅទៀត ព្រោះ​រាល់​តម្រូវការ​របស់​កា​ក​បាទ​ក្រហម​កម្ពុជា គឺ​អាស្រ័យ​លើ​ការជួយ​ពី​សប្បុរសជន​គ្រប់​ប្រភេទ ដើម្បី​បង្កលក្ខណៈ​ឱ្យ​កាកបាទក្រហមកម្ពុជា កាន់តែ​មាន​ប្រសិទ្ធភាព ក្នុង​ការផ្តល់​សេវា​មនុស្សធម៌ ជួយ​ដល់​ប្រជាជន ដែល​ងាយ​រងគ្រោះ និង​ជនរងគ្រោះ​ដោយ​យថាហេតុ​ផ្សេងៗ​គ្រប់​ទីកន្លែង​៕
​លោក រុន សារ៉េត​
​

 

r180505e1 r180505e7 r180505e6 r180505e5 r180505e4 r180505e3 r180505e2

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.