ខេត្តកែប ៖ ក្រុមចោរប្លន់មានគ្នា ៦នាក់ ប្រដាប់ដោយអាវុធគ្រប់ដៃបានគាស់ចូលប្លន់ប្រមូលបានគ្រឿងអលង្កាជា ច្រើន និងប្រាក់ និងមាសរាប់ជី បង្កឱ្យមានការភ្ញាក់ផ្អើលឡើងកាលពីវេលាម៉ោ ៧ និង០០នាទី យប់ថ្ងៃទី ១១ ខែមិថុនា ឆ្នាំ២០១៥ នៅចំណុចភូមិអូរដូង ឃុំពងទឹក ស្រុកដំណាក់ចង្អើរ ខេត្តកែប ។
ម្ចាស់ផ្ទះរងគ្រោះដែលត្រូវក្រុមចោរចូលភ្ជង់ប្លន់នេះ បុរសជាប្តីមានឈ្មោះ មុយ យិ ភេទប្រុស អាយុ ៦៦ឆ្នាំ ឯប្រពន្ធឈ្មោះ តេង យី ភេទស្រី អាយុ ៥៦ឆ្នាំ និងកូនស្រីមានឈ្មោះ ហង្ស ផល្លា ភេទស្រី អាយុ ៣២ឆ្នាំ មុខរបរ កសិករលក់ចាប់ហ៊ួយ និងមានលំនៅដ្ឋានក្នុងផ្ទះកើតហេតុខាងលើ ។
តាមប្រភពពីសមត្ថកិច្ចបានឱ្យដឹងថា នៅមុនពេលកើតហេតុក្រុមចោរមានគ្នា ៦នាក់ ប្រដាប់ដោយអាវុធ មួយដើរបាននាំគ្នាធ្វើសកម្មភាពភ្ជង់ម្ចាស់ផ្ទះជនរងគ្រោះ ដែលជាអាជីវករលក់ចាប់ហ៊ួយ ។ បន្ទាប់មកក៏នាំគ្នាចូល ទៅភ្ជង់ប្តី-ប្រពន្ធ និងកូនរងគ្រោះរួចក៏ធ្វើសកម្មភាពចាប់ជនរងគ្រោះភ្ជង់ហើយក៏បើកកាយគាស់ទូប្រមូលយកលុយ មាសប្រាក់ជាច្រើន ។ បន្ទាប់មកក៏នាំគ្នារត់គេចខ្លួនបានដោយសុវត្ថិភាព ។
តាមប្រភពពីជនរងគ្រោះបានឱ្យដឹងថា ក្រុមចោរមានគ្នា ៦នាក់ ប្រដាប់ដោយកាំភ្លើងមួយដើម និងពូថៅ ចំនួន ៥ដើម ក្នុងចំណោមចោរទាំងនេះ បានពាក់ម៉ាស់ក៏បិទមុខជិតមិនឱ្យឃើញ ។ ក្រោយពេលកើតហេតុ សមត្ថកិច្ចបានចុះអន្តរាគមន៍ និងធ្វើកំណត់ហេតុដោយម្ចាស់ផ្ទះរងគ្រោះបានអះអាងថា ក្រុមចោរប្លន់ប្រមូលយក ប្រាក់របស់ពួកគាត់មាសទម្ងន់ ១ជី និងលុយខ្មែរ ២០.០០០០០លាន មានខ្សែដៃប្លាទីន ១.៥០០.០០០ និងកងដៃកូនស្រី ១.២០០.០០០រៀល ៕
