(ខេត្តស្វាយរៀង)÷នៅព្រឹកថ្ងៃពុធ ១៤កើត ខែស្រាពណ៍ ឆ្នាំថោះ បញ្ចាស័ក ព.ស.២៥៦៧ ត្រូវនឹងថ្ងៃ៣០ ខែសីហា ឆ្នាំ២០២៣នេះ ក្រោមអធិបតីភាពឯកឧត្តម ម៉ែន អេង អភិបាលរងខេត្តស្វាយរៀង តំណាងឯកឧត្តម ប៉េង ពោធិ៍សា អភិបាលខេត្ត អញ្ជើញជាអធិបតីក្នុង កិច្ចប្រជុំពិភាក្សាលើករណី នៃការប្រើប្រាស់ដីស្ថានីយ៍ផ្សព្វផ្សាយនិងស្ដារឡើងវិញ ព្រៃឈើក្រសាំង ស្ថិតក្នុងស្រុករមាសហែក ខេត្តស្វាយរៀង ដែរមានការចូលរួមពីសំណាក់ លោកអភិបាលស្រុករមាសហែក លោកប្រធានមន្ទីរកសិកម្មរុក្ខាប្រមាញ់និងនេសាទខេត្ត លោកប្រធានមន្ទីររៀបចំដែនដីនគររូបនីយកម្មសំណង់និងសូរិយោដីខេត្ត លោកប្រធានមន្ទីរបរិស្ថាន លោកប្រធានមន្ទីរព័ត៌មានខេត្ត លោកនាយកទីចាត់ការអន្តរវិស័យសាលាខេត្ត លោកអធិការនគរបាលស្រុករមាសហែក លោកមេបញ្ជាការមូលដ្ឋានកងរាជអាវុធហត្ថស្រុករមាសហែក លោកប្រធានផ្នែករដ្ឋបាលព្រៃឈើស្រុក លោកប្រធានការិយាល័យគ្រប់គ្រងការអភិវឌ្ឍន៍ និងសំណង់សាលាខេត្ត លោកប្រធានការិយាល័យសូរិយោដីភូមិបាលស្រុក លោក-លោកស្រីមេឃុំ អណ្ដូងត្របែក, ក្រសាំង, ត្រស់ និងអ្នកដែលពាក់ព័ន្ធជាច្រើនរូបទៀត។
ឯកឧត្តម ម៉ែន អេង អភិបាលរងខេត្ត បានមានប្រសាសន៍ថា: អជ្ញាធរស្រុក-ឃុំ ត្រូវបង្កើនការយកចិត្តទុកដាក់ឲ្យបានខ្ពស់លើការងារមួយនេះ ក្នុងការចុះត្រួតពិនិត្យដីស្ថានីយ៍ផ្សព្វផ្សាយ និងស្តារឡើងវិញ ព្រៃឈើក្រសាំងជាប្រចាំ។ ហើយចាប់ពីពេលនេះតទៅបើសិនជាប្រជាពលរដ្ឋមួយណានៅតែបន្តធ្វើសកម្មភាពចាប់យកដីស្ថានីយ៍ផ្សព្វផ្សាយ និងស្តារឡើងវិញ ព្រៃឈើក្រសាំង យយកមកធ្វើជាកម្មសិទ្ធិផ្ទាល់ខ្លួនទៀត សូមអជ្ញាធរដែលមានសមត្ថកិច្ចអនុវត្តន៍ តាមនីតិវិធីផ្លូវច្បាប់៕
