(ខេត្តស្វាយរៀង)÷នាព្រឹកថ្ងៃសុក្រ ៩ កើត ខែស្រាពណ៍ ឆ្នាំថោះបញ្ចស័ក ពុទ្ធសករាជ ២៥៦៧ត្រូវនឹងថ្ងៃទី២៥ ខែសីហា ឆ្នាំ២០២៣នេះ លោក ហែម សុីណា អភិបាលនៃគណអភិបាលស្រុករំដួល បានបើកកិច្ចប្រជុំពង្រឹងការងារអប់រំ យុវជន និងកីឡារួមមាន: ការងារបរិស្ថាន អនាម័យ សុវត្ថិភាចំណីអាហារ និងការងារភូមិឃុំមានសុវត្ថិភាពនៅតាមសាលារៀន។
ពិធីនេះមានការអញ្ជើញចូលរួមពី៖លោក លោកស្រីអភិបាលរងស្រុក,លោក លោកស្រីនាយក នាយករងរដ្ឋបាលសាលាស្រុក,លោកអធិការស្រុក,លោកប្រធានការិយាល័យអប់រំស្រុក,លោកអនុប្រធានការិយាល័យស្រុក,មន្ត្រីការិយាល័យអប់រំស្រុកនិងលោកគ្រួអ្នកគ្រួជនាយក នាយករងសាលាទាំងអស់នៅក្នុងស្រុករំដួល ខេត្ដស្វាយរៀង ។
មានប្រសាសន៍នៅក្នុងកិច្ចប្រជុំនេះ លោកអភិបាល បានដាក់កិច្ចការប្រជុំនេះធំៗចំនួន៣នៅក្នុងកិច្ចប្រជុំរួមមាន៖
១.បរិស្ថានសោភណ័ភាពសាលារៀន៖ស្នើរដល់លោកគ្រួអ្នកគ្រួ លោកនាយកលាសាទាំងអស់ត្រូវរៀបចំបរិស្ថានសោភណ័ភាពសាលារៀនដូចជា៖រៀបចំសួនច្បារដាំផ្កា,ដើមឈើ រៀបចំកន្លែងលាងដៃ,កន្លែងដុតសម្រាម,កន្លែងដាក់សម្រាម,កន្លែងដាំបន្លែជាដើម ដើម្បីឲ្យសាលារៀននីមួយៗនៅក្នុងស្រុករំដួលក្លាយជាសាលាគំរូ ។
២.ចំណីអាហារ៖ស្នើរដល់លោកគ្រួអ្នកគ្រួពិសេសលោកនាយក នាយករងសាលាទាំងអស់ផ្សព្វផ្សាយអំពីចំណីអាហារដែលធ្វើឲ្យប៉ះពាល់ដល់សុខភាពសិស្សានុសិស្សដែលក្រសួងអប់រំយុវជននិងកីឡា ហាមឃាត់ លក់នៅក្នុងសាលាមានដូចជា ចំណីអាហារដែលផ្ទុកសារធាតុគីមី គ្រឿងកំប៉ុង …។ល។ ចំណីអាហារគ្រប់ប្រភេទដែលហួសកំណត់កាលបរិច្ឆេទប្រើប្រាស់ គ្រឿងស្រវឹង និងផលិតផលថ្នាំជក់គ្រប់ប្រភេទ,ចំណីអាហារដែលមិនមានប្រភពច្បាស់លាស់,ភេសជ្ជៈប៉ូវកម្លាំង, ភេសជ្ជៈផ្អែម ,កាហ្វេ, ការ៉េម, ទឹកស៊ីរ៉ូគ្រប់ប្រភេទ,ស្ករសូកូឡា, ស្ករគ្រាប់ និងស្ករកៅស៊ូគ្រប់ប្រភេទ,ចាហួយគ្រប់ប្រភេទ, នំដូណាត់, នំផ្អែម ។
៣.គោលនយោបាយភូមិឃុំសង្កាត់មានសុវត្ថិភាពទាំង៧ចំណុចរបស់រាជរដ្ឋាភិបាលរួមមាន៖
– ផ្តល់សេវាសាធារណៈ ជាពិសេសសេវារដ្ឋបាលប្រកបដោយគុណភាព តម្លាភាព និងទទួលបានជំនឿទុកចិត្ត ។
– គ្មានបទល្មើស លួច ឆក់ ប្លន់ គ្រឿងញៀន ល្បែងស៊ីសងខុសច្បាប់ និងបទល្មើសគ្រប់ប្រភេទ ។
– មានសណ្ដាប់ធ្នាប់សាធារណៈល្អ ជាពិសេសគ្មានគ្រោះថ្នាក់ចរាចរណ៍។
– គ្មានអំពើអនាចារ គ្មានការជួញដូរមនុស្ស ពិសេសស្ត្រីនិងកុមារ គ្មានអំពើ ហិង្សាក្នុងគ្រួសារ និងគ្មានក្មេងទំនើង ។
– ដោះស្រាយវិវាទនៅមូលដ្ឋានក្រៅប្រព័ន្ធតុលាការប្រកបដោយគុណភាព និងប្រសិទ្ធភាព ។
– មានអនាម័យ មានសោភ័ណភាពល្អ និងមានបរិស្ថានល្អ ។
– ឆ្លើយតបបានទាន់ពេលវេលាចំពោះគ្រោះមហន្តរាយនិងរាល់ជំងឺ ឆ្លងរាតត្បាតកាចសាហាវប្រកបដោយប្រសិទ្ធភាព ។
ឆ្លៀតក្នុងឱកាសនោះដែរ លោកវរសេនីយ៍ឯកលោកមាស ធួក អធិការនគរបាល ស្រុករំដួលបានថ្លែងថា៖
១.សូមឲ្យលោកអ្នកគ្រួជួយសហការផ្ដល់ព័ត៌មាន នៅពេលដែលមានបញ្ហាកើតឡើងឬបទល្មើសផ្សេងៗនៅក្នុងសាលា ដើម្បីកំនត់មុខសញ្ញានិងឱ្យសមត្ថកិច្ចចុះទៅដល់ទីតាំងទាន់ពេលវេលា។
២.ចូលរួមការពារទ្រព្យសម្បត្ដិរបស់សិក្សានុសិស្ស
៣.ផ្សព្វផ្សាយគ្រឿងញៀនគ្រឿងញៀនជូនដល់សិស្សានុសិស្ស ។
លោក មាស ធួក សូមសុំណូមពរដល់លោកអភិបាលនៃគណៈអភិបាលស្រុករំដួលក្នុងនាមជាគណៈបញ្ជាការឯកភាពស្រុករំដួលពេលមានព្រះសង្ឃនេនៗបុំបួសនាគ សូមឱ្យព្រះសង្ឃធ្វើលិខិតស្នើរសុំសមត្ថកិច្ចដើម្បីឲ្យសមត្ថកិច្ចធ្វើតេស្ដរកគ្រឿងញៀន ៕
