ខេត្តស្វាយរៀង ៖ លោកធឿនរដ្ឋា អភិបាលរងស្រុកតំណាងលោកថនថាវុទ្ធា អភិបាលស្រុកចន្ទ្រាបានជំរុញដល់ប្អូនៗសិស្សានុសិស្សត្រូវបន្តខិតខំរៀនសូត្រក្រេបចំណេះដឹងដើម្បីជាទំពាំងស្នងឬស្សីដល់ប្រទេសជាតិនាពេលខាងមុខ។
ការជម្រុញបែបនេះធ្វើឡើងនាព្រឹកថ្ងៃទី២២ខែសីហាឆ្នាំ២០២៣ក្នុងពិធី សំណេះសំណាល ជាមួយ លោកនាយនាយករងលោកគ្រូអ្នកគ្រូ មាតាបិតាសិស្ស សិស្សានុសិស្ស នៅសាលាបឋមសិក្សាចំការលាវ
និង ចែក លិខិតសរសើរជូនដល់សិស្សានុសិស្ស ដែលទទួលបានជ័យលាភី ចំណាក់ថ្នាក់ល្អ ពីលេខ១ ដល់លេខ ៥)ក្នុងការសិក្សា ឆ្នាំ២០២៣ ស្ថិតក្នុងឃុំព្រៃគគីរស្រុកចន្ទ្រា។
ក្នុងឪកាសនោះក៏មានការចូលរួមពីសំណាក់អ្នកគ្រូ យួន ចន្ទី ក្រុមការងារសម្បុរសជន នៅប្រទេសកូរ៉េខាងត្បូង លោក លោកស្រីអនុប្រធាន និងមន្ត្រីការិយាល័យអប់រំស្រុក លោកស្រី មេឃុំព្រៃគគីរ
លោកលោក ស្រី នាងកញ្ញាដែលជាក្រុមការងារស្មារតីយុវជន និងសម្លេងយុវជនស្រុកចន្ទ្រា លោក នាយកសាលានាយករង មាតាបិតាសិស្ស ព្រមទាំងសិស្សានុសិស្សជិត២០០នាក់ផងដែរ។
លោកធឿនរដ្ឋា បន្តថា ក្នុងនាមលោកថន ថាវុទ្ធា អភិបាលស្រុកចន្ទ្រា សូមថ្លែងអំណរអរគុណយ៉ាងជ្រាវជ្រៅ ចំពោះអ្នកគ្រូ យួន ចន្ទី ក្រុមការងារសប្បុរសជន នៅប្រទេសកូរ៉េខាងត្បូងនិងក្រុមការងារ
ដែលបានចំណាយថវិការផ្ទាល់ខ្លួនយ៉ាងច្រើនសន្ធឹកសន្ធាប់ក្នុងការរួមចំណែកក្នុងវិស័យអប់រំនៅក្នុងឃុំព្រៃគគីរស្រុកចន្ទ្រា ។
លោកអភិបាលរងស្រុក បានពាំនាំនូវ ប្រសាសន៍ផ្តាំផ្ញើសូរសុខទុក្ខ ដល់ លោកគ្រូអ្នកគ្រូ សិស្សានុសិស្ស និង និងបងប្អូនប្រជាពរដ្ឋ ដោយសេចក្ដីនឹករលឹកពីសំណាក់ លោកនាយ ឧត្ដមសេនីយ៍ ម៉ឹង សំផន,រដ្ឋមន្ត្រី ប្រតិភូ អមនាយករដ្ឋមន្ត្រី រដ្ឋលេខាធិការក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះ ជួយស្រុកចន្ទ្រា ជាពិសេស លោក ថន ថាវុទ្ធា អភិបាលនៃគណៈអភិបាលស្រុកចន្ទ្រា ជូនដល់បងប្អូនប្រជាពលរដ្ឋដោយក្តីនឹករលឹកដែល ជានិច្ចកាលលោកប្រធានក្រុមការងារ និងលោកអភិបាលស្រុកតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូបមិន ប្រកាន់វណ្ណៈ ពណ៌សម្បុរ ជំនឿ សាសនា ឬនិន្នាការនយោបាយណាមួយឡើយ ។
លោកបានផ្តាំផ្ញើបន្ថែមដល់លោក លោកស្រីមេឃុំ ក្រុមប្រឹក្សាឃុំ លោកមេភូមិ អនុភូមិនិងជំនួយការភូមិ ព្រមទាំងលោកគ្រូអ្នកគ្រូត្រូវ ជួយផ្សព្វផ្សាយដល់ប្អូនប្រជាពលរដ្ឋ សិស្សានុសិស្សទាំងអស់ សូមមានការប្រុងប្រយ័ត្នខ្ពស់បំផុតក្នុងការថែរក្សាសុខភាព ហើយកត្តាដែល សំខាន់នោះ គឺការរស់នៅត្រូវប្រកាន់យកនៅការរស់នៅស្អាត ពិសារទឹកដាំពុះ ហូបស្អាត សម្អាតបរិស្ថានជុំវិញផ្ទះ ណែនាំកូនចៅឲ្យគោរពច្បាប់ ចរាចណ៍ គេងក្នុងមុងដើម្បីការពារជំងឺគ្រុនឈាម ហើយត្រូវដាំដំណាំ ចិញ្ចឹមសត្វ ដើម្បីផ្គត់ផ្គង់ជីវភាពប្រចាំថ្ងៃ ជាពិសេស សូមក្រើនរម្លឹកដល់ ប្រជាពលរដ្ឋនៅតាមមូលដ្ឋានកុំឲ្យធ្វេសប្រហេសពីជំងឺកូវីដ-១៩ នេះឱ្យសោះ ត្រូវអនុវត្តន៍តាមការណែនាំរបស់ រាជរដ្ឋាភិបាលនៃព្រះរាជាណា ចក្រកម្ពុជា និងក្រសួងសុខាភិបាល ៣កុំ ៣ការពារ ។
