(ភ្នំពេញ)៖ នៅព្រឹកថ្ងៃពុធ ១៥រោច ខែទុតិយាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៦ ខែសីហា ឆ្នាំ២០២៣ វេលាម៉ោង ០៨:០០នាទី រដ្ឋបាលខណ្ឌដូនពេញ បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌដូនពេញ អាណត្តិទី៣ ឆ្នាំ២០២៣ ក្រោមអធិបតីភាព លោក ហែម អាន ប្រធានក្រុមប្រឹក្សាខណ្ឌដូនពេញ និងលោក ជា ខេមា អភិបាល នៃគណៈអភិបាលខណ្ឌដូនពេញ ព្រមទាំងមានការអញ្ជើញចូលរួមពី លោក-លោកស្រីសមាជិកក្រុមប្រឹក្សាខណ្ឌ, លោក-លោកស្រី អភិបាលរងខណ្ឌ, គណៈនាយករដ្ឋបាលខណ្ឌ, អធិការរងនគរបាលខណ្ឌ, មេបញ្ជាការរងកងរាជអាវុធហត្ថខណ្ឌ, ប្រធានយោធាប្រចាំខណ្ឌ, លោក ប្រធានការិយាល័យទាំង១១, លោក-លោកស្រីចៅសង្កាត់ទាំង១១, លោក-លោកស្រី នាយនគរបាលប៉ុស្ដិ៍ទាំង១១, លោក-លោកស្រី ប្រធានទីរួមផ្សារទាំង៣, តំំណាងក្រុមហ៊ុនមីសូដាប្រចាំខណ្ឌ, មន្ដ្រីរាជការខណ្ឌ-សង្កាត់-ភូមិ, លោកគ្រូ-អ្នកគ្រូតំណាងសាលាបឋមសិក្សា អនុវិទ្យាល័យ និងវិទ្យាល័យទាំងអស់ក្នុងខណ្ឌ, តំណាងគណៈកម្មការអាចារ្យវត្ត និងបងប្អូនប្រជាពលរដ្ឋសរុបប្រមាណ ៣៥០នាក់ ផងដែរ។
នៅក្នុងកិច្ចពិភាក្សាពិគ្រោះយោបល់ នៃវេទិកាផ្សព្វផ្សាយ និងពិគ្រោះយោបល់ខាងលើនេះ រដ្ឋបាលខណ្ឌ បានទទួលនូវសំណួរ សំណើរ និងសំណូមពរមួយចំនួនពីបងប្អូនប្រជាពលរដ្ឋ ទាំងផ្ទាល់មាត់ និងការលើកឡើងក្នុងលិខិត ក្នុងនោះ លោក ជា ខេមា អភិបាល នៃគណៈអភិបាលខណ្ឌដូនពេញ បានធ្វើការឆ្លើយតបទទួលយកសំណួរ សំណើរ និងសំណូមពរដោយផ្ទាល់មាត់ទាំងអស់របស់បងប្អូនប្រជាពលរដ្ឋ ដើម្បីផ្ដល់លទ្ធភាពឲ្យមន្ដ្រីជំនាញពាក់ព័ន្ធធ្វើការដោះស្រាយសម្របសម្រួលជូន ចំណែកសំណូមពរជាលាយលក្ខណ៍អក្សរ នឹងត្រូវដោះស្រាយជូនតាមនីតិវិធីជាបន្ដបន្ទាប់ ។
