រាជធានីភ្នំពេញ៖ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ បានអញ្ជើញដឹកនាំថ្នាក់ដឹកនាំ និងក្រុមការងារដែលមានការពាក់ព័ន្ធ ធ្វើវិបស្សនាលើកទី២ ដើម្បីបន្តពិនិត្យ ពិភាក្សា និងរៀបចំឯកសារកែទម្រង់ប្រព័ន្ធយុត្តិធម៌។
ការធ្វើវិបស្សនាលើកទី២ នេះ ត្រូវបានរៀបចំឡើងនៅថ្ងៃទី៩ និងថ្ងៃទី១០ ខែសីហា ឆ្នាំ២០២៣ នៅបណ្ឌិត្យសភាភូមិន្ទយុត្តិធម៌កម្ពុជា ដើម្បីអនុញ្ញាតឱ្យថ្នាក់ដឹកនាំ និងមន្ត្រីរាជការដែលពាក់ព័ន្ធនឹងការរៀបចំឯកសារផែនការយុទ្ធសាស្ត្រកែទម្រង់ប្រព័ន្ធយុត្តិធម៌ អាចដកឃ្លាពីការងារដ៏មមាញឹកប្រចាំថ្ងៃក្នុងតួនាទីរបស់ខ្លួន ដោយប្រមូលផ្តុំបញ្ញាញាណ និងផ្តោតការយកចិត្តទុកដាក់គិតគូរ និងរៀបចំឯកសារជាយុទ្ធសាស្ត្រសម្រាប់ការងារកែទម្រង់ច្បាប់ និងប្រព័ន្ធយុត្តិធម៌ ដែលជាផែនទីចង្អុលផ្លូវសម្រាប់អនុវត្តការងារកែទម្រង់ប្រព័ន្ធយុត្តិធម៌ប្រកបដោយប្រសិទ្ធភាព និងទទួលបានលទ្ធផលតាមការគ្រោងទុក។
