កម្លាំងការិយាល័យប្រឆាំងបទល្មើសបច្ចេកវិទ្យា សហការជាមួយ​កម្លាំង​នាយកដ្ឋានស៉ើបការក្រៅ និងប៉ុស្តិ៍នគរបាលរដ្ឋបាលត្រពាំងក្រសាំង បានឃាត់ខ្លួនជនសង្ស័យម្នាក់ឈ្មោះ ភី អ៊ួក

កម្លាំងការិយាល័យប្រឆាំងបទល្មើសបច្ចេកវិទ្យា សហការជាមួយ​កម្លាំង​នាយកដ្ឋានស៉ើបការក្រៅ និងប៉ុស្តិ៍នគរបាលរដ្ឋបាលត្រពាំងក្រសាំង បានឃាត់ខ្លួនជនសង្ស័យម្នាក់ឈ្មោះ ភី អ៊ួក ភេទប្រុស អាយុ ៣០ឆ្នាំ នៅចំនុចផ្ទះគ្មានលេខ ភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិសែនជ័យ រាជធានីភ្នំពេញ ។
ការឃាត់ខ្លួនជនសង្ស័យខាងលើ បានធ្វើឡើងកាលពីថ្ងៃទី៣១ ខែកក្កដា ឆ្នាំ២០២៣ ដោយមានការសម្របសម្រួល ពីលោក សេង ហៀង ព្រះរាជ​អាជ្ញារងអមសាលាដំបូងរាជធានីភ្នំពេញ ករណីញុះញង់បង្ករ​អោយ​មានភាពវឹកវរ ប៉ះពាល់ធ្ងន់ធ្ងរដល់សន្តិសុខសង្គម និងបទ​ប្រមាថ​រាជការសាធារណៈ រួចបញ្ជូនខ្លួនជនសង្ស័យមកកាន់ស្នងការដ្ឋាន​នគរបាលរាជធានីភ្នំពេញ ដើម្បីធ្វើការសាកសួរ និងកសាងសំណុំរឿង​បញ្ជូនទៅកាន់តុលាការ។