ខេត្តកំពង់ធំ ៖ ចាប់តាំងពី លោក សៅ វណ្ណី នាយផ្នែក រដ្ឋបាលព្រៃឈើសណ្តាន់ និង លោក ហូ គឹមឆេង នាយ សង្កាត់ទំរីងរួមទាំង នាយរង សង្កាត់ម្នាក់ទៀតឈ្មោះ ឡយ ឡើងកាន់តំណែងគេបានប្រើ លោកស័ក្ក២ ប៉េអឹមម្នាក់ជា អ្នកគំរាមសំឡុតយកលុយពី ពលរដ្ឋក្រីក្រ ដែលដឹកអុសដឹក ឈើធ្វើផ្ទះបន្តិចបន្តួចតាមរទៈ គោយន្ត ។
ប៉េអឹមនោះឈ្មោះ ឡយ ចិន្តា មួយថ្ងៃៗដើរគំរាមយក លុយចែកគ្នា ជាមួយលោក សៅ វណ្ណី និង លោក ហូ គឹម ឆេង ។ លោកទាំងបីនេះ ជាស្តេចជំវិតទារប្រាក់ធ្វើបាប ប្រជាជនជាខ្លាំង ។ ប្រជាពលរដ្ឋដែលរស់នៅឃុំទំរីង ឃុំមានរិទ្ធ បានប្រាប់អ្នកសារ ព័ត៌មានថា ឈ្មោះ ឡយ ចន្ថា នេះពូកែសសំឡុតទារលុយ ណាស់ រទេះគោមួយតម្លៃពី ១០០០០០រៀល ទៅដល់ ១៥០០០០រៀល ហើយ លុយនេះទុកចែកជាមួយនាយ សង្កាត់នាយផ្នែក ពោលគឺ មានលោក ហូ គឹមឆេង និង លោក សៅ វណ្ណី។
ជាក់ស្តែងដូចនៅថ្ងៃទី ១២ ខែមេសា ឆ្នាំ២០១៥ ពេលក្រុមសារព័ត៌មានចុះយក ព័ត៌មាននៅឃុំមានរិទ្ធ ស្រុក សណ្តាន់ពេលឃើញបទល្មើស ព្រៃឈើរាយការណ៍ជូនសង្កាត់ ហើយ ស្រាប់តែប្រជាពលរដ្ឋ យកលិខិតដឹកឈើដើម្បីធ្វើផ្ទះ ដោយមានការបញ្ជក់ពីលោក អភិបាលស្រុកសណ្តាន់ផងនោះ អ្នកសារព័ត៌មាននិងអង្គការ ទាំងអស់ក៏គោរពតាមលោក អភិបាលស្រុក ព្រោះពលរដ្ឋ ក្រីក្រយកឈើទៅធ្វើផ្ទះសំបែង មែន ។ តែផ្ទុយទៅវិញលោក ឡយ ចន្ថា បែរជាទៅយកលុយពីប្រជាពលរដ្ឋនោះម្នាក់ៗ ២០ម៉ឺនរៀលទៀត ដែលនេះ ជាអំពើអាក្រក់របស់បិសាច ជញ្ជក់ឈាមទាំង៤នាក់នោះ។
ក្នុងនោះដែរលោក អ៊ុន ឡត អភិបាលនៃគណៈអភិបាលស្រុកសណ្តាន់ ជាមេ បញ្ជាការឯកភាពស្រុកបាន មានប្រសាសន៍ថាលោកតែង តែយកចិត្តទុកដាក់ចំពោះ ប្រជាពលរដ្ឋក្រីក្រគ្មានផ្ទះ សំបែង ដូច្នេះលោកត្រូវជួយ សំរួលផ្លូវច្បាប់ដើម្បីឱ្យពួក គាត់មានផ្ទះសំបែងនៅនឹងគេ ដោយលោកអនុវត្តតាមអនុសាសន៍ប្រមុខដឹកនាំរដ្ឋាភិបាល កម្ពុជា “បើស្រលាញ់ បើ អាណិត បើពេញចិត្តសម្តេច ធ្វើជានាយករដ្ឋមន្ត្រី”។លោក ត្រូវបំរើប្រជាពលរដ្ឋអោយល្អ ហើយលោកនឹងឃ្លាំមើលចំពោះមន្ត្រីខិលខូចទាំងនោះ ។
ប្រជាពលរដ្ឋទូទៅក្នុងស្រុកសណ្តាន់ សូមសំណូមពរ ឱ្យលោកអភិបាលខេត្តកំពង់ធំ លោក អ៊ុត សំអន មេត្តាជួយ ដល់ពួកគាត់ផង ចំពោំមះន្ត្រី ទាំងបួនខាងលើនេះ គឺលោក សៅវណ្ណី លោក ហូ គឹមឆេង លោក ឡយ ចិន្តា មន្ត្រីប៉េអឹម នោះ ព្រោះអ្នកទាំបួននេះកំពុង ជិះជាន់ប្រជាពលរដ្ឋណាស់ ម៉ាស៊ីនកាត់ចំការមួយគ្រឿង ត្រូវបានលោកទាំងបួនយក លុយ ពី ៦០០ ០០០រៀល បើមិនអោយយមរាជទាំងបួន នេះនឹងចាប់ដាក់គុក ។ ដូច្នេះ សូមលោកអភិបាលខេត្ត នាយខណ្ឌកំពង់ធំ លោកឆេង គឹងស៊ុន ប្រធានរដ្ឋបាលព្រៃ ឈើ និងលោកទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពើពុករលួយ មេត្តាចាត់ការអ្នកទាំង៤នេះ។ ព្រោះពួកគេបឺតឈាមប្រជា រាស្ត្រជិតខ្សោះហើយ ។
បើតាមសកម្មជនព្រៃឡង់ ម្នាក់បានមានប្រសាសន៍ថា លោក ឡយ ចិន្តា មន្ត្រីប៉េ អឹមនេះ កាងម៉ាស៊ីនអារឈើ រហូតដល់១០គ្រឿងឯណោះ ក្នុង១គ្រឿងយកទេ ៤០០ ០០០រៀលក្នុងមួយខែៗ ។
ជុំវិញបញ្ហានេះសារព័ត៌មានយើងមិនអាចសុំការបំភ្លឺ ចំពោះការចោទប្រកាន់នេះ បានទេ ព្រោះទូរស័ព្ទលោក សៅ វណ្ណី មិនព្រមលើក ចំណែកលោក ហូ គឹមឆេង និងលោក ឡយ ចិន្តា មិន ស្គាល់លេខឡើយ ៕
